Uni,
Mr.International (Part 44)
ဝေဟင်မောင်မှာ ဂုဏ်ရှိန်သစ်ကိုမသိစိတ်ကစိတ်ပူနေတာကြောင့်
အိမ်မှာမနေနိုင်မထိုင်နိုင်ဖြစ်နေတုန်း သူ့မိဘတွေက ဂုဏ်ရှိန်သစ်တို့အိမ်သွားမည်ဟုဆိုလာသည်။
" မေမေတို့ကဘာသွားလုပ်မလို့လဲ။"
" ထမင်းစားဖိတ်ထားတာကြာပြီး နှစ်ဖက်လုံးအလုပ်တွေမအားတာရော၊
အေးအေးဆေးဆေးစကားဘာညာလည်းပြောချင်ကြတော့ အပြင်သွားမစားတော့ပဲ သူတို့အိမ်ကိုဖိတ်တာ။ သားလည်းလိုက်ခဲ့ပါလားကွယ်။
မင်းအစ်ကိုဂုဏ်ရှိန်သစ်လည်း ဟိုးရက်ကကစားပွဲမှာ ထိခိုက်သွားသေးတယ်မလား သတင်းလေးဘာလေးလိုက်မေးပါလား။"
ဝေဟင်မောင်က အရင်ကလိုသာဆို အိုက်တင်ခံပြီးလိုက်မှာမဟုတ်ပေမဲ့
အခုတော့ဂုဏ်ရှိန်သစ်ကဒဏ်ရာရထားသည်။ အဆင်ပြေရဲ့လား သက်သာရဲ့လား အရမ်းကိုသိချင်နေမိသည်။
" ဟုတ် လိုက်ခဲ့လိုက်မယ်။"
သူလိုက်မယ်ဆိုတော့အစကတည်းက ဂုဏ်ရှိန်သစ်နဲ့နီးစပ်စေချင်နေသော
သူ့အမေမှာ ပျော်ရွှင်သွားတော့သည်။
*******
" အစ်ကိုလေး အောက်မှဧည့်သည်တွေရောက်နေပြီဗျ။"
သူ့အိမ်ကအလုပ်သမားကောင်လေးကဝမ်းသာအားရလာပြေးပြောတော့
ဂုဏ်ရှိန်သစ်ကခေါင်းညိတ်သည်။
" အင်း အန်တီတို့လာမယ်ပြောတာရောက်နေပြီထင်တယ်။
ငါခဏနေဆင်းခဲ့မယ်။"
" အဲ့အတွက်နဲ့တော့ ကျွန်တော်ကအလောတကြီးလာပါ့မလားဗျာ။
သူတို့သား အစ်ကိုဝေဟင်မောင်ပါ ပါတယ်ဗျ။"
ဝေဟင်မောင်ဟုကြားသည်နှင့် ဂုဏ်ရှိန်သစ်မျက်လုံးတွေမှာတောက်ပသွားသည်။
" ဟင် ဝေဟင်ပါလိုက်လာတာလား။"
ပြီးနောက် အလုပ်သမားကောင်လေး၏အဖြေကိုပင်မစောင့်ပဲ
ကမန်းကတန်းအောက်သို့သွားသည်။
အောက်ထပ်ရောက်မှ ကိုယ်ရှိန်ကိုအသာပြန်သတ်ပြီး တည်ငြိမ်စွာဖြင့်ဧည့်ခန်းကို၀င်သည်။ သူ့မိဘတွေကလည်း ဝေဟင်မောင်နဲ့ပြုံးရွှင်စွာ စကားတွေဖောင်ဖွဲ့ပြောနေပြီဖြစ်သည်။
YOU ARE READING
Mr.International
RomanceOmegaverse(AOB World) fictionပါ။ ဇာမဏီတိုင်း(Mr.International)❤️ရှေးခရိုင် Start Date - 9.4.2024 End Date - ?
