Mr.International

Mr.International (Part 37)

Uni,

Mr.Inernational ( Part 37)

ဇာမဏီတိုင်းမှာသူ့ရဲ့ထွက်လွယ်သောဒေါသကိုထိန်းရင်း
ဖုန်းကိုကျစ်ကျစ်ဆုပ်လျက်ဘာမှမဖြစ်သလိုဟန်ဆောင်ကာပြန်ပြောနေပေမဲ့ သူ့ဘေးကတည်နေရာရှာနေသော ရန်နောင်မှာသူဘယ်လောက်စိတ်တိုနေပြီလဲရိပ်မိသည်။

နှစ်ယောက်သားမျက်လုံးချင်းအချက်ပြပြီးနောက် ဇာမဏီတိုင်းဖုန်းကိုအမြန်ချပစ်သည်။
သူဒီထက်ပိုပြီးကြာကြာစိတ်ထိန်းနိုင်တော့မယ်မထင်။ မအေဘေးလေးအား မိုးမွှန်းအောင် အော်ဆဲမိတော့မှာဖြစ်သည်။

“ ငါလိုး…”
ဖုန်းချပြီးသည်နှင့် ဇာမဏီတိုင်းဆဲကာ ဖုန်းကိုပစ်ပေါက်ဖို့လုပ်ပေမဲ့ ပေါ်နေသော ရှေး​ခရိုင်မျက်နှာလေးကြောင့် သူ့လက်ကိုပြန်ရုတ်လိုက်သည်။
ဖုန်းအစား သူ့ရှေ့ကခွက်ကိုယူကာ ဘေးဘက်ကိုပစ်ပေါက်လှသည်မို့ တန်ဖိုးကြီးမားသော အလှပန်းအိုးကြီးတစ်လုံးမှာ အစိတ်စိတ်အမွှာမွှာကွဲကြေလို့သွားသည်။

“ ဘယ်လိုလဲ တည်နေရာရှာတွေ့ပြီလား။”

“ တွေ့တယ်Boss…ဆင်ခြေဖုံးရပ်ကွက်တစ်ခုမှာပေါ်နေတာ။
အဲ့ဘက်လမ်းတွေကနည်းနည်းတော့ရှုပ်တယ်။”
ဟိုးတစ်ခါကိစ္စကြောင့် ရှေး​ခရိုင်ဖုန်းထဲခြေရာခံစက်ထည့်ထားခဲ့လိုက်တာ
မှန်သွားသည်ဟုဆိုရမည်။ မဟုတ်ရင်အစတောင်ဘယ်လိုရှာရမလဲမသိဖြစ်တော့မည်။

“ နာရီပိုင်းလောက်အချိန်ပေးပါအဲ့ရက်ကွက်ကို လူလွှတ်ပြီးရှာခိုင်းလိုက်ပါမယ်။ရဲစခန်းလည်းအကြောင်းကြားထားလိုက်မယ်။”

ဇာမဏီတိုင်းက မြန်မြန်ဆန်ဆန်ပြန်ပြောလာသည်။
“ မဟုတ်ဘူး Daimond Fighters ကိုဆက်သွယ်လိုက်။”

“ ဗျာ…”

“ သူတို့တွေလှုပ်ရှားတာကပိုမြန်တယ် မနက်နေမထွက်ခင်
ရှေး..ငါ့မျက်စိရှေ့ပြန်ရောက်လာတာပဲမြင်ချင်တာ။”

ဒီလောက်ထိမလိုပါဘူးဟု ဖျောင်းဖျချင်ပေမဲ့ ရန်နောင်နှုတ်ကတော့ထွက်မပြောပေ။

Diamond Fightersဆိုသည်မှာ ကိုယ်ရံတော်ကုမ္ပဏီကြီးတစ်ခုဖြစ်သည်။
Diamond Fighters လက်အောက်ရှိလူများမှာ သေချာစနစ်တကျလေ့ကျင့်ထားကြသော ကျားလိုလျင်မြန် နဂါးလိုခွန်အားကြီးကြသူများဖြစ်သည်။
တိုက်ခိုက်ရေး၊ကာကွယ်ရေး၊ရှာဖွေရေးအပြင် ကျွမ်းကျင်Hackerများစွာလည်းရှိသည်။