තරුණ කැල අජෙයි මංජුයි දිහාවට දෑස් දල්වගෙන ඉදියෙ පුදුමෙන් වගේම විශ්මයාර්තෙන්. මාදව ප්‍රශ්නාර්තෙන් තරුණයො දෙන්නා දිහා බැලුවෙ ඒ අය කරන්න යන්නෙ මොනවද කියලා නොදැන.ඒ වුනත් හදිසියෙ වුන බාදාව නිසා වොලිබෝල් සෙල්ලම් කරමින් ඉදපු බේබදු තරුණයො අජෙයි මංජුයි දිහාවට හැරුනෙ කුතුහලෙන්. ඒ අතරෙ අජේ තමන්ගෙ ඔලුව දෙපැත්තට හොල්ලලා ආරූඪ වේසේන්ම සින්හල පාඩම පටන් ගත්තා.
"මේ සින්හල පාඩම ඔය වේස පුතාලගෙ ඔලුවට ගනිල්ලා.. තොපි ඉස්කෝල හැදුවෙත් නෑ... ඉස්කෝල නඩත්තු කරෙත් නෑ.. ඉස්කෝල සුද්ද බුද්ද කරෙත් නෑ.. ඉස්කෝල ලොකු කරන්න මහන්සි වුනෙත් නෑ.. අඩුම ඉස්කෝල ගියෙත් නෑ.. ඒ නිසා තොපිට මන් ලස්සන සින්හල පාඩමක් කරන්න යන්නෙ.. මේවා මන් මගෙ අයියාගෙන් ඉගෙන ගත්තුවා... ඒ එකෙක් ටවුමෙ ඉස්කෝලෙ සින්හල ගුරෙක්නෙ.."
අජේ එහෙම කියලා තරුණයො දිහා බලපු නිසා එවුන්ගෙ ඇස් කන් කුපිත වුනා.
"පරියා !"
අජේ කියද්දි තරුණ කැල ඉදන් හිටපු තැන් වලින් නැගිට්ටෙ යකා නැගලා.
"තෝ අපිටද කුණුහරුපෙන් බනින්නෙ ?"
කෙනෙක් අහද්දි මංජු ඔලුව දෙපැත්තට වැනුවෙ තමන්ගේ අකමැත්ත ප්‍රකාශ කරලා.
"වැරදියි. පරියා කියන්නෙ වළහට."
මංජු කියද්දි අජේ ආයෙම පටන් ගත්තා.
"හොටබරියා !"
අජේ ආයෙම කිව්වෙ තමන් ඉස්සරහ හිටගෙන ඉදපු, තමන් නැති අතරෙ මාදව ඉස්සරහ කටමැද දොඩවපු 'උපුල්' නමින් හදුන්වපු තරුණයා දිහා බලාගෙන.
"හොටබරියා කියන්නෙ ඌරට"
මංජු පිලිඋත්තර දුන්නා.
"පුක්ගැටයා !"
අජේ ආයෙම කිව්වෙ උපුල්ගෙ ඇස් දිහා බලාගෙන නෝන්ඩියට කටත් ඇද කරගෙන. වෙරි මතේ ඉදපු උපුල්ගෙ යකා ඇවිස්සෙන්න ඔන්න මෙන්න තිබුනත් මංජු පැත්තක ඉදන් ආයෙම කෑගැහුවා.
"පුක්ගැටයා කියන්නෙ කිඹුලට"
"පුඩුක්කුවා !"
අජේ ඒකනම් කිව්වෙ උපුල් දිහාවටම හැරිලා. උපුල් වචනයක්වත් කියන්න කලින්ම මංජු බෙරිහන් දුන්නා.
"පුඩුක්කුවා කියන්නෙ කපටියට"
"පොයියංගමා !"
අජේ ඒ වචනෙ කිව්වෙ නම් උපුල්ගෙ දිහා බලලා කෙල පිඩකුත් බිමට ගහලා. මංජු තොල් අගිස්සෙන් හිනාවෙලා උගුර පෑදුවෙ මහ හයියෙන් කෑගහලා.
"පොයියංගමා කියන්නෙ කරදරකාරයින්ට"
YOU ARE READING
ලාවුළු | boy love | ongoing
Non-Fictionඩුකු ඩුකු ඩුකු ! මහ සද්දෙන් සද්ද කරගෙන ඉස්සරහට ඇදුනෙ උඩරට මැණිකේ කෝච්චිය නම් නෙවෙයි. ලාවුළු ගස් අතරින් වැලිගම්බර අසිරිය කියාගෙන ඉස්සරහට ඇදුනු මන්දගාමී බස් රතය ඒ සිරි අසිරි වින්දෙ පාලු කැලේ තනි මකාදාලා. කොස් පොලොස් වලින් සරුසාරෙට තිබුන ලාවුළු වත්ත මැ...
