Ring Ring ......
Ring Ring .......
ဖုန်း ringtone မြည်သံနဲ့အတူ ရှုံ့မဲ့နေသော မျက်နှာနဲ့ စစ်သွင် နိုးသွားရသည်။ ခေါင်းရင်းအားလက်ဖြင့်စမ်းကာ မြည်နေသော ဖုန်းကို
ကိုင်လိုက်တော့သည်။ အသံကတော့ အက်ကွဲလျက်
" ဟယ်လို "
" morning Chris မနိုးသေးမှန်းသိလို့ လှမ်းနိုး
လိုက်တာ "
" အော် Aron ဘာရှိလို့လဲဗျ "
" ဒီနေ့ ကျောင်းဖွင့်ရက်လေ အစည်းအဝေးလဲရှိတယ် မေ့မယ်မှန်းသိလို့ နိုးလိုက်တာပါ "
" ဟာ ဟုတ်သားပဲ "
စစ်သွင် အလန့်နကြားထထိုင်လိုက်တော့ ခေါင်းထဲ ဆစ်ကနဲ
" အ "
နားထင်တွေကို ဖိနှိပ်လျက် မျက်ခုံးတန်းများတွန့်ကွေးနေသည်။
" Chris ဘာဖြစ်တာလဲ အဆင်ပြေရဲ့လား "
" အင်း ... ပြေပါတယ် ရုတ်တရက်ထလိုက်လို့ ခေါင်းထဲမူးသွားတာ "
" မနေ့က အရမ်းများသွားတယ်လေ "
" မသောက်တာကြာလို့ တကယ်မူးသွားတာ အိမ်ဘယ်လိုပြန်ရောက်မှန်းတောင်မသိတော့ဘူး"
" ကဲ ဒါဆိုရင်ရေမိုးချိုးပြီး ကျောင်းကိုတန်းလာခဲ့ ကိုယ်အမူးပြေ ဟင်းရည်ချက်ခဲ့မယ် အချိန် ၁နာရီလောက်ရပါသေးတယ် ဖြည်းဖြည်းလုပ် "
" ဟုတ်ကဲ့ Aron အဲတာဆို ဒါပဲနော် "
စစ်သွင် ဖုန်းချပြီးတာနဲ့ မျက်ရိုးတွေကို ဖိနှိပ်နေလိုက်သည်။ သူမနေ့က အတော်ကိုများသွားတာ ဘေးကိုကြည့်တော့လဲ ဆက်နောင်ကမရှိ။
စစ်သွင် ဘာမှစဉ်းစားမနေတော့ပဲ ရေချိုးရန်ထလိုက်တော့သည်။ ရေချိုးခန်းမှန်တွင် မြင်နေရသောမျက်နှာဟာ လုံးဝ မှုန်ကုတ်၍အရက်နာကျထားမှန်းသိသာလှ၏။ စစ်သွင်လဲ ဘေစင်မှရေဖွင့်လျက် လက်ခုပ်ထဲထည့်ကာ မျက်နှာကို
ပွတ်သပ်ပစ်လိုက်တော့
" အ ... ကျွတ်ကျွတ် စပ်လိုက်တာ "
စပ်သွားသော နှုတ်ခမ်းနေရာအား မှန်ရှေ့တိုး
လျက်ကြည့်လိုက်မိတော့ အောက်နှုတ်ခမ်း
ထောင့်တွင် ပေါက်ပြဲ ဒဏ်ရာအားတွေ့ရှိသွား
သည်။
YOU ARE READING
My Property (complete)
Romance"သက်ထက်မြိုင်" စံအိမ်ကြီးရဲ့သခင်လေး အသက်၁၅ နှစ်အရွယ် မာန်ဆက်နောင်ကို ဆိုးလွန်းလို့ ထိန်းကျောင်းရန်အတွက် ရေးစစ်သွင်ဆိုတဲ့အထိန်းတော် တစ်ယောက် ရောက်ရှိလာပါတယ်။ သခင်လေးနဲ့အထိန်းတော် ဘယ်လိုတွေစခန်းသွားမလဲ emma နဲ့အတူ လိုက်ပါ စီးမျောလိုက်ရအောင်နော်❤️ Star...
