مجنــ🤣ـــٌونتي
آلَمًقُدٍمًةّ
رآئدٍ 30 سِنِهّ مًتٌوٌسِطِ آلَطِوٌلَ
مًغُروٌر وٌشُآيَفُ نِفُسِهّ عٌلَيَ کْلَ شُيَء
وٌآلَنِآسِ کْلَهّآ مًعٌتٌبًريَنِهّ مًجّنِوٌنِ لَأنِ طِبًعٌهّ يَعٌتٌبًر غُريَبً بًشُکْلَ فُضيَعٌ وٌصّعٌبً
بًآتٌهّ وٌأمًهّ مًيَتٌيَنِ وٌعٌنِدٍهّ أخِتٌيَنِ بًسِ وٌهّوٌ يَلَيَ مًسِؤلَ عٌلَيَهّمً وٌعٌآيَشُآتٌ عٌلَيَ جّنِوٌنِهّ
أخِتٌهّ رحًمًهّ عٌمًرهّآ 25 سِنِهّ
تٌخِآفُ مًنِهّ مًوٌتٌ وٌعٌنِدٍهّآ فُوٌبًيَهّ بًسِبًبًهّ
آلَصّغُيَرةّ کْوٌثًر عٌمًرهّآ 20 سِنِهّ هّذِيَ جّآلَطِهّ وٌمًآ تٌخِآفُشُ مًنِهّ وٌيَلَيَ فُيَ رآسِهّآ أدٍيَر فُيَهّ
تٌآبًعٌوٌ مًعٌآيَآ آلَبًدٍآيَةّ 🫶🏻
--------------
رائد عدا المحل متعه حداه الحوش وقريب منه يمشي علي كرعيه بعد فتح الباب وسلم عالجيران يلي خطمو أنتبه أن روشن الصالة أمتعهم أنفتح وهو قال مليون ألف مره ماحدش يفتحه بس أخته الصغيره تعاند فيه وتبيه يتغير معاهم
قمعز جوا وأتصل بيها مره ومرتين بس هي ماردتش عليه زاد عصب وأتصل للمره الرابعة وقبل ما يفصل الخط ردت عليه
كوثر : نعم !!
رائد : أنتي وحده وسخه
كوثر : يعني الوساخه تنطبق عليك لأنك خويا من لحمي ودمي صح ؟
رائد : صدقيني يا كوثر اليوم هضااا حايكون جحيم بالنسبه لك ومش حاتنسيه طول عمرك ، أنتيَ راجي بس يجي صاحبي ياخد أمانته ونجيك نكسرك وسكري الروشن توا الوقت أحسن مانحرم عليك تشوفي الشمس طول ما أنا عايش
كوثر : هضا كله عشان روشن وأنت أساسا محرمها عليا شوفت الشمس !!
رائد : يفتح في الشارع والناس يحقو فيكم
كوثر : يعني ماعش فهمت هذي غيرة والله تشدد أو تحكم ماعش فهمتك
رائد يبي يرفع صوته ويهزبها علي خشت صاحبه فجأه سكت وماردش عليهاا
صاحبه معاذ : صباح الخير كيف حالك
رائد سكر في وجها الخط : صباح النور
الحمدلله ، تفضل وهذي أمانتك 💵
معاذ : كنك مستعجل توا كيف وصلت
رائد أنحرج لأن عقله مع كوثر : معليش سامحني ، تفضل توا ندير قهوة
معاذ : في وقتها والله راسي واجعني
رائد : معناها شن رايك تجي لعندي في الحوش نفطرو ونتغدو نغيرو جو
معاذ : اليوم ماعنديش شيء وحانفرح لو قعدت مع صاحب طفولتي يوم كامل
رائد أبتسم : بالجودة يا بورفيق هياا نسكر المحل ونعدو مع بعضناا للحوش
معاذ صبا وهو يراجي فيه
كوثر ماسكرتش الروشن وتبي أتشوف من يلي قال لخوها صباح الخير
رحمه : تحشمي علي وجهك وسكري الروشن لو يشوفك رائد يذبحك
كوثر : يييي عرفته هضا معاذ رايح متغير ماعرفتش الفرخ بس يهبل 🤣 بكل
رحمه : أقسم بالله لو يشوفك خوك يذبحك
كوثر تتأفف : تي سكنتيلي عالذبح يلي يسمعك يقول سفاحه ههههههههه
رحمه عصبت وكرتها مع شعرها وسكرت الروشن بالقوة لدرجة معاذ رفع راسه وبحت في جهة الروشن دغري
شافه رائد ومن هنا النار أشتعلت
قرب منه وحط يده علي كتفه
رائد : شنو يا صاحبي عليش عيونك فوقك
معاذ أنحرج : الروشن تسكر بالقوة فجعني
رائد تريح : أه أكيد الأطفال الصغار يلعبو عليه توا نوريهم بعدين
معاذ عارف أن عنده أختين ولكن مايعرفش أنهم كبار وعلي وشك الزواج
عدو للحوش مع بعضهم
قمعز معاذ في المربوعه ورائد خش علي كوثر يلي دارت روحها راقدة
رحمه مسكت يده وترعش : الله يربحك ما تضربهش 🥺 عشان خاطري
رائد بعصبيه : هذي ناويه تجلطني وتجيب أخرتي ، من سمحلها تفتح الروشن
رحمه : هبله وأنا توا نعاقبها خليها عليا
رائد : خليتها عليك واجد ، وفي النهاية ركبت فوق ضهري ومستحيل نسكتلها ودف رحمه من قدامه وخش علي كوثر يلي نطت مفجوعه من فتحت الباب
رائد : أرجي يا حقيره يمشي صاحبي وترقدي علي طريحه سمحه تقتلك
كوثر بجرأه : تهدد فيا ؟ معناها توا نقول بصوت مسموع ورفعت صوتها لدرجة سمعها معاذ : يلي في المربوعه ماتمشيش راه رائد يبي يضربني عشان فتحت الروشن
رائد أنصدم أول مره أخته تتصرف هك
حس روحه أنشل 🔥 عيونه حمر ويبحت فيها بنضارات خوفنها ورحمه خافت علي أختها لأن الواضح رائد مش حايرحمها نهائيا هالمره وهد عليهااا ضربهااا وهي تعيط وماعش سكتت وصوتها أرتفع
