مجنــ🤣ـــٌونتي ... الحلقه 23
معاذ بفرحه : الله يبارك فيك وبيني وبينك فرحان لأن طلعت بسرعه وسبلتي بيك
طارق ابتسم : تمام يعني نقدر انخش توا
معاذ : طبعا هيا خش وشوفها تراجي فيك
كوثر فرحانه واجد علي اختها والدكتور انيق طالع ويجنن بكل .. خش بهدوء كان متوتر بكل وقلبه يدق بشكل مش طبيعي
اخته حنان استقبلاته وخشت معاه لعند جوا سلماته لرحمه يلي كانت ترعش وحالتها حاله .. رفع طرحتها بأبتسامه شافها وشاف اعيونها يلي تتهرب تشوفه
مسك وجهها بين يديه وخلاها تبحت فيه
بهمس قال : حًلَمًيَ تٌحًقُقُ وٌخِدٍيَتٌکْ يَآ بًنِتٌ
رحمه وجهها احمر قعد ونزلت راسها دغري
طارق باس راسها : ان شاء الله الف مبروك والله حانحطك من بين أعيوني طول عمري
رحمه ترعش من قربه وكل شيء قاله توا
مسك يدها وما طلقها ، اما الام تظاهرت قدام الناس انها تباركلهم وقدمتله طاقم ذهبها .. لبسه لرحمه كان يبتسم من كل قلبه وطاير عقله فيها ، صوروهم مع بعضهم .. ما صدق الوقت تأخر وخداها معاه للحوش ، خلاها تاخد راحتها لأنها مش قادره حتي اتصبي في مكانهااااا
بعد وقت خش عليها : هممم نصلو ؟
رحمه هزت راسها بتوتر قالت وهي تلعب علي صوابع يديها : اها بس نبي نتوضا قبل
طارق ابتسم : طبعا الحوش حوشك واخيرا سمعتيني صوتك والله فرحت
رحمه وجهها احمر قعد .. صبت وعدت شور الحمام وهو يراجي فيها بفارغ الصبر
اول ما طلعت ، صلو مع بعضهم .. حست براحه وسكينه ، تريحت واجد والتوتر خف
طارق بعد انهى صلاته .. حط يده علي راسها وقعد يقرأ عليها وهو يبتسم لها
رحمه قلبها حاينفجر من مكانه خلاص
حضنها بين ايديه : يا بنت والله فرحان بيكي وطاير عقلي .. عارفه نبي نحكي معاك للصبح مافيش نوم ولا نبي نطلقك
انا فرحان وهالليله هي اسعد ايام حياتي هذي ليلة العمر مع اول واخر حب ، والله من اول ما شفتك ، قلت هذي يلي ندور عليها ونبيها تكون ليا وام اولادي ، انتي وبس ومافيش غيرك قدر يسيطر عليا
نبي نحكيلك عن عذابي وانا ندير في المستحيل عشان ناخدك .. نبي انقولك اني ندعي في كل صلاه ليا وربي الحمدلله جبر بخاطري وخديتك .. انتي ليا ومعايا حاتكوني معززه مكرمه ، وخلاها تبحت في اعيونه : انا زوجك ودكتورك وظلك وكل شيء وين ما تكوني حاتلقيني معاكي واقف
رحمه نزلو دموعها .. شافت طيف امها تبتسم لها وكأنها تريحت علي بنتها 😭
قعدت تبكي وطارق انصدم : كنك شن في
رحمه زادت تبكي : امي انا شفتها توا والله شفت طيفها كانت تبتسم وملامحها بيضه
طارق عيونه حمر قعدن .. مسح دموعها بحنان : الله يرحمها ويرحم باتك واتشوفيهم في الجنه يا اصيله يا بنت الأصول .. انتي زهره في هالوطن نادره مستحيل تكون في يد كل انسان بس كانت ليا انا وبس .. انا حانكون معاك ونعوضك وحانسافرو مع بعضنا وحانمشو للعمره وتدعي لأمك ولباتك .. حانحقف احلامك كلها يا احلامي انتي يا كل شيء فيا انتي
رحمه زادت انهارت ماتوقعت هالكلام طارق كان يحكي من كل قلبه وعيونه حمر
حضنها بين ايديه بالقوه وهو يسمي عليها
