مجنــ🤣ـــٌونتي ... الحلقه 32 ❤️🩹
تــــــلَك الطفــــــله أراها كـثـــيرا حولي !!
والأن بّـــــــمنزلي تلعــــــب وأتت لي ؟؟
--
لما سمعت كوثر من خوها رائد ان زمرد ولدت تؤم ولد وبنت فرحت واجد لهم عدت بسرعه لحوش اختها رحمه يلي بطنها كبرت : يا رحمه عارفه رائد جد عليه ولد وبنت .. والله فرحتلهم واجد
رحمه : ما شاء الله امتى ولدت زمرد
كوثر : قبل اشويه اتصل وقالها ليا
رحمه : اخ منه عالسكيت مايبيش يحكي
كوثر : عشان عارفك تعبانه وحامل مايبيش يشغلك بس توا اطمني جابت بخير وسلامه .. اتصلي بطارق لو وافق تمشي معايا نزوروهم توا والله متشوقه نشوف البيبي حانقعد عمه واخيرا 🥺
رحمه بأبتسامه : وحاتقعدي خاله قريبا
كوثر : الله والله نموت في الأطفال نحبهم
رحمه بتوتر قالت : وان شاء الله تكوني ام
كوثر انقلب وجهها : انا في السياره أسأليه لو وافق عشان تمشي معايا وردي عليا
رحمه زعلت واجد علي اختها الصغيره كانت طول الوقت تدعيلها وتتمنى تشوف سعادتها .. اتصلت بطارق طبعا ما رفض
بس قال : توا نروح بيك انا خليك غادي
رحمه : خلاص توا نرجاك في مستشفى
طارق : ديري بالك علي روحك وعالبيبي
رحمه بأبتسامه : حاضر حبيبي تأمر امر
طارق : كأني سامع كلمه ماعمري سمعتها
رحمه ضحكت : لازم انسكر بعدين نحكو
طارق ابتسم : ربي يخليها ليا ولا يحرمني منها هالبنت ناويه تجنني فعلا والله نحبها
رحمه اتصلت بكوثر : وافق توا نلبس وانجيك مع اني زعلت انك عديتي وترجي في السياره .. طول عمرك عنيده يا بنت
كوثر تغير في موضوع : خلاص حانمشو نجيبو هديه مع بعضنا لرائد استعجلي
رحمه تنهدت وسكرت الخط بعد لبست خدت شنطتها وعدت لعندها .. كانت هاديه ماتحكيش وتسوق بهدوء اول ما نزلو محل الأطفال .. كل وحده فيهم قعدت تختار هديه لرائد للولد وللبنت
رحمه فطنت كوثر تبحت في الملابس بشرود وبعالم اخر همست : يانعليا 😭
يارب ماتنحرم من الأمومه انا عارفتها تحب الأطفال وتعشقهم بجنون من طفولتها .. نتمنى يجي نصيبها وتوافق بس البنت عنيده ورائد هو حلها الوحيد
كوثر مسحت دمعه نزلت منها وتحركت بسرعه من مكانها ماتبيش رحمه تفطن لها يلي دارت روحها ما شافت شيء وعدو سلكو حق الهدايا وعدو مع بعضهم للسياره وعلي طول المستشفي : نحنا تحت يا رائد في الكراج تعال انا ندوخ في المستشفي عارفني ما انحبهش ومعايا رحمه حامل حتي هي ماتحبش جو المستشفيات والهرجه تخوف فينا واجد
رائد ضحك : هيا توا نجيكم توا خليكم في السياره .. ونزل بسرعه من المصعد وعلي طول عدا يجري للكراج دور بعيونه علي سيارة اخته هي اول ما شفاته نزلت وهي تبتسم : وقعدت أب واخيـــــــّرا
الحمدلله علي سلامتها ويتربو بعزك
رائد بأبتسامه : الله يسلمك يا سمحتي
وباس راسها وبحت في رحمه يلي مزالت ما نزلت ويدها علي بطنها كانت في الشهر السابع بس شكلها حاتجيب توا : رائد
انصدم فتح الباب : كنك في شيء ؟
رحمه : مش عارفه بس والله تعبانه
كوثر انفجعت : في شيء كنك يا رحمه
رائد مسك يدها ونزلها بهدوء : لازم نشيلوها جوا .. بسرعه كرسي متحرك
عدت كوثر تجري وجابت كرسي من قدام الباب : معليش حاله طارئة توا نجيبه
عدت شور سيارتها ورائد قمعز رحمه يلي بصعوبه ماسكه روحها وما اتعيطش
رائد قعد يدف في الكرسي جوا وكلمو طارق قاعد في مكتبه كان .. اول ماعرف ان رحمه وضعها مش تمام جاه يجري بسرعه كان خايف عليها : بسم الله كنك
رحمه : يتحرك واجد شكله مستعجل 😭
طارق ابتسم : معقوله توا يبي يجي معناها طالعلي مستعجل عشان نتزوجك
قالها بهمس ما سمعه رائد يلي يهدي في كوثر كانت خايفه علي رحمه وترعش
طارق بحت فيهم : البرنس شكله ناوي يجي توا يعني ولاده قيصريه مع الاسف
رائد خاف : ارجوك ما تخليها بروحها اهم شيء سلامتها لو سمحت يا طارق ارجوك
طارق : ما تخافش راه هي زوجتي مش اختك وبس .. حتى لو كانت غريبه عليا هذي وظيفتي كطبيب صح لما تعرفت علي اختك كنت متطوع علي وضعها لان الاطباء مشغولين بس كانت اجمل صدفه في حياتي هي نصيبي واجمل نصيب في الحياه هذي لذالك اطمن حاتجيب بالسلامه .. توا حاننقلوها في غرفة العمليات ادعولها لو سمحتو مع اني متوتر اشويه ماكنتش متوقع حاتولد توا بس الحمدلله في اي وقت المهم سلامتهم
رائد وكوثر : يارب يارب ان شاء الله
