مجنــ🤣ـــٌونتي ... الحلقه 27
حمزه عدا للمستشفى بعد غيابه عليها كل هالوقت بس امه وخواته كانو يزورو فيها كانت بيان مش بخير فتحت اعيونها بس ماتحكيش نهائيا ساكته .. ايهم ولدها قعد يبكي وحالته حاله حط راسه عند يدها المصابه : ماما سامحيني هو ضحك عليا
بيان ماتردش ساكته كانت تعبانه بكل
تمنت تموت وتتريح من العذاب هضا
جاه حمزه للغرفه اعيونه جات علي ايهم وامه : شنو قتلك انه الراجل مايبكيش ؟
ايهم قعد يرعش ، مسح دموعه ومسك يد بيان يلي ماتحركتش ولا بحتت في حمزه
امه زهره صبت : هيا تعال معايا يا ايهم
صبا وعدا معاها كان وضعه سيء بكل
حمزه قرب وقمعز حداها قعد يبحت فيها
الوقت يمر وهو ساكت ماحكش ولا حرف
بيان غمضت عيونها فقال : انا في حاجات واجد صدموني ولا قادر نستوعبهم ليا ايام حابس روحي في غرفتك ، والكلام يلي انتي كتبتيه في كتابك صعقني ، ليش ماحكيتي الحقيقه من البدايه ؟؟؟ لو صارحتيني من ليلة العرس كنت تحملت هالصدمه من بدايتها وبعد فتره طلقتك بس لازم يصير بينا شيء لانك حاتكوني مطلقه .. انتي ماحكيتي بالعكس مديتلك ورد وغرستي فيا الشوك ، كرهتيني بدون اي سبب مقنع وتتجاهلي فيا وتردي عليا بوقاحه وقلة ادب .. انا كنت في متاهه ماعش فهمتك وخوك معتز يلعب علي جميع الأحبال وتحكم فيك وفي ايهم
انا والله مش قادر نتحمل كيف زوجتي كانت تحكي مع عشيقها وهي علي ذمتي
كيف قدرتي اديريها معايا وما خفتي حتي من ربي .. قوليلي بس شنو اندير ، انتي ماعندك مكان تقعدي فيه واقاربك لو فيهم الخير ، كنت شفتهم من زمان يسألو عليك
بيان بصوت ذابل قالت : خليني هنا وامشي .. وبعدها طلقني وتخلص مني
حمزه شد علي يده : بالسهوله هذي يعني
ليش انا ولد حرام يا مدام ، هممم احكي
بيان ماردتش عليه ولا ناويه أترد اصلا
حمزه صبا وبحت فيها : قوليلي يمكن يلي صار امعاك عقاب لك من ربي علي كل شيء درتيه فيا .. ولدك وخوك دمروك
نفسيتك تعبت وهو يلعب عليك وانتي لأن خوك امصدقتيه وتمشي وراه علي طول
بيان بقهر : شمتان فيا يا حمزه ؟؟؟؟
قال بهدوء : لا بس يلي درتيه قتلني
بيان : خلاص تخلص مني ما تتمسك فيا
حمزه بقهر : انا مانقدر صدقيني مش قادر
بيان بحتت فيه : لا حاتقدر فطلقني هيااا
حمزه : حتي النضره ياربي تقتل فياااااا
بيان بحتت بعيد : انا عطيتك رأي 💔
حمزه : انتي مش عارفه شيء ولا انتي شنو بالنسبه ليا .. تحملتك سنوات طويله بينا عشرة عمر ، ورغم هضا كله حبيتك
تانيا انا كنت عارف انك ما تحبيني ولا عمرك حاتحبيني بس متمسك فيك
بيان : غلط غلط لذالك مش حاتفهمني
حمزه : شنو يلي غلط فهميني هياااا
بيان : غلط اتقول ولا عمرك حاتحبيني
لأني فعلا حبيتك بس انا وياك خلاص
حمزه : ههه حبتيني بس انا ما شفت شيء
بيان : لان خلاص حتي لو وضحتلك انت كارهني اساسا عشان يلي صار مع زمرد
حمزه بحت فيها : عارفه شنو نتمنى ان ربي ياخدني ونخليك من عند ربي ولا نخليك بيدي ونسيبك بروحك بدون عيله
وعدا سيبها قعد مقمعز برا .. مقهور
بيان نزلو دموعها علي هالحب يلي شفاته في عيون حمزه ومزال ماسك روحه عليها
