مجنــ🤣ـــٌونتي
الحلقه 10
طارق لما أمه لزاته من الحوش قرر يمشي المستشفى ويبدأ في شغله .. اشويه سمع أن في حالات أسعاف واجد وصلت توا
عدا يجري يساعد في الأطباء جات عينه علي رائد .. أنصدم يسحب روحه يتخايل عدا شوره وبحت فيه تأكد ميه في ميه أن هضا رائد خوه رحمه : بسم الله كنه وشنو صاير معاه الشاب هضا يا أيمن ؟
الممرض قال : متعرض لطعنه في جنبه
تعال يا دكتور الحالات واجده اليوم
طارق بدون طلب الممرض يبي يساعده
رائد ينزف واجد ووضعه تعبان بكل
زمرد تبكي في الحوش وحالتها حاله
رحمه منهاره وكوثر اعيونها علي زمرد ودموعها ينزلو بدون صوت من الحزن والخوف علي خوها رائد .. اول ما شافت الدم علي الأرض اذكرت شوفته وهو طايح هالشيء خله دموعها ينزلو شلال كانت ترعش وتبكي : يارب مايصيرله شيء ويردلنا بألف سلامه والله مانقدرو بدونه
رحمه : يانعليا يا خويا حتى في عرسه ماتريح ولا فرح كيف العالم والناس جاه بسرعه وفجأه العرس وقعد في مشاكل
كوثر بحتت في زمرد : في ناس وجوه مصايب من لما خشو لحياتنا وهي منهاره
زمرد بحتت فيها ولقتها تفنص فيها زين
خافت وقعدت ترعش .. صبت بصعوبه وقمعزت عند الباب مقابلها دم رائد نزلو دموعها وهي حاضنه نفسها كانت خايفه يموت وايصيرله شيء مش حاتقدر تعيش من غيره .. هو كل شيء في حياتها من زمان أتحبه ولما تزوجاته ما تريحتش ولا يوم .. حتى نفسها كرهتها بسبب كذب الناس عليها كانت شاكه في بيان لذالك تحسبت علي كل شخص شارك في دمار بيتها وشوه سمعتها 😭 وخرب فرحتها ولحظاتها الحلوه يلي تمنتها مع رائد ماكنتش تبيها هك ولا حلمت أتكون هك
قعدت تدعي يجي طيب وبألف صحه وسلامه وتطمن عليه .. ماكنتش تعرف أن خوها يلي ضربه ولا عرفت عن عركته معاه بسبب بيان يلي كذبت عليها اخرا بكل حقد
حمزه هرب للحوش كان يرعش وحالته حاله عزق الموس في الكناسه وغسل يديه
كانت ملابسه فيها دم .. شافه ولده أيهم وحسن ولد أخته المتوفيه ، أنصدمو وكانو يرعشو وخايفين من حالة حمزه يلي خوفتهم .. عدا لغرفته وبيان أول ماحست بجيته دارت روحها تتحسب علي زمرد وعيونها عليه : والله ما تتحشم أختك حسبي الله ونعم الوكيل فيها جابت العار لباتها يلي الكل يحلف براسه ويحبوه
حمزه قمعز ويديه علي راسه : مانبيش نسمع أسمها فأسكتي ماعنديش نيه نحكي
بيان : ملابسك كنها فيها دم بسم الله ؟
حمزه أضايق من كلامها صبا وطلع من الغرفه وقبل ما يطلع من الحوش جات عينه علي ايهم يلي قعد يرعش من شوفته
قرب بخطواته منه وكلام رائد يدور في راسه مسك يده : حبيبي ايهم نبي نسألك وخليك راجل لأن الراجل ما يكذبش
لما طلعت أنت وأمك أمبدري وين عديتو ؟
ايهم كان يرعش ولكن باته تلمس كتفه بحنان : أحكي ما تخافش ويلي تبيها حاضر
ايهم بصعوبه قال : ماما طلبت مني اذا شفت محل رائد مفتوح نبلغها دغري لأن في حاجات مهمه تبيهم .. دزتني لك عشان نمشو للسوق ولما عدينا طلبت نوقف قدام محل رائد من برا وهي خشت جوا بروحها
حمزه انصدم : سمعت شن صار بينهم ؟
حسن مصدوم يبحت في ولد خاله يلي كان يرعش قال : لا ما سمعت اي شيء
حمزه كر وذنه : لا سمعت قول خيرلك
ايهم خايف بس حكاله يلي سمعه اخر شيء
قالت ماما لرائد (( لا أنت شكلك جنيت شن تسحب روحك لكن اقسم بالله مش حانسكت لعند ما أندمركم ))
حمزه عصب : يا ويلها مني الحيوانه كيف اتخش عالراجل بروحها ومن سمحلها اصلا تحكي معاه والله نوريها وعدا يجري لعندها لقاها تحكي مع خوها معتز وتضحك : الفرخه يلي رفضت تتزوجك خربت عليها عرسها شن رايك نعجبك
معتز فرحان : أي والله فرحان .. خليها تستاهل تموت لأنها رفضتني عشانه
حمزه قعد يسمع وماقدرش يتحمل أكتر
خش عليها دغري وهي تحكي كانت أعيونها عالروشن وتضحك في نفس الوقت
حمزه كان يبي يقتلها بس أذكر ولده أيهم والجنين يلي في بطنها .. قرب منها وكرها مع يدها هي سكرت الخط بسرعه واعيونها جات عليه : توا الوقت تطلعي برا الحوش
مانبيش نشوفك ماعنديش زوجه زيك وحده وسخه وما اتحشم علي وجهها اما ولدي ايهم مش حايمشي معاك .. والعيل يلي في بطنك ما نبيش نشوفه ولا نمسكه بيان انصدمت بس قالت : شنو اتقول انت
هضا حوشي حتى أنا ولا نسيت أن مكتوب بأسمي يعني أنت يلي تطلع مش أنا
حمزه انصدم رفع يده يبي يضربها علي وجهها لكن هددت : جرب ألمسني اقسم بالله نكلم معتز خويا يجيك يقتلك بدم بارد
حمزه بصوت مهدود : انتي طالق وعدا بسرعه من قدامها .. هي قعدت تضحك ومش معدله ولا هامها لأنها ماتحبش اصلا
