مجنــ🤣ـــٌونتي ... الحلقه 15
حمزه أطمن علي حالة بيان من الممرضات
كان فرحان لأن أيهم تحسن وكتبوله خروج
بس مش قادر يشوف بيان أو يخش عليها وتوا تريح لأنهم كتبولها خروج وحاتطلع من المستشفى .. داير روحه مش مهتم وفي نفس الوقت طلب من أمه تخليها ترقد تحت مع أيهم عندهم في الحوش أما هو رقد في المربوعه كان تعبان بكل يبي يتريح .. خواته زمرد ورويدا يجهزو لغذاء اليوم الثاني عشان سلامة أيهم وأمل بايته عندهم تساعد فيهم .. فقررت تصتاد حمزه وتاخده من بيان رغم أنه كبير عمره 38 سنه وهي أصغر عمرها 19 .. عدت لعنده وهو راقد : حمزه نوض أفطر من أمس رقدت بدون عشاء ، أكيده جعان صح
حمزه أنصدم بحت فيها : أمل شنو أديري هنا وكيف خشيتي عليا في المربوعه
أمل قمعزت بتوتر وهي تبحت فيه بجرأه قالت : خايفه عليك نبيك تكون كويس
حمزه قمعز وأرتبك : تمام شكرا
أنتي اطلعي توا نصبي ونفطر
أمل : توا نجيبه لك هنا مش حانطول
حمزه بحت فيها وهي طالعه كانت تمشي وتلف تبحت فيه : هذي كنها بسم الله
عليك حاله ناقصني مراهقين أنا
زمرد ورويدا في الكوجينه ، جات عينهم علي أمل تجهز في سفره : لمن هذي ؟
أمل بأبتسامه : حمزه طلب فطور مني
زمرد مستغربه بحتت في رويدا وهي متأكده أن حمزه مستحيل يطلب من بنت عمه أمل .. جهزت الفطور وعدت لعنده كانت مرتبه نفسها هي حلوه بكل وتجنن بس حمزه دايرها زي أخته زمرد
كان يصلي بعد كمل قمعز وحط تليفونه في الشحن .. شافها جات كانت تبتسم
حطت السفره حداه وقريب من حمزه يلي رفع راسه وبحت فيها : كلمي زمرد
أمل : حاضر توا نكلمها لك ولكن لو تبي شيء عادي ما تتحشم أطلب مني
حمزه سكت ونقض حياته حسن يلي خش للمربوعه : تعال أفطر معايا يا حسونه
حسن : لا الحمدلله فطرت توا نتفرج علي مباره وولع التليفزيون .. أمل أبتسمت وعدت ، توتر حمزه ماعمره صار معاه هك
بيان جافه معاه بس أمل توزع في بسمات ومهتمه بشكل غريب اليوم ، أرتبك وبعد فطر جاته زمرد وصاها علي أيهم واجد
بعدها عدا يدخن وأنتبه علي طيف يبحت فيه من عند الروشن ولقاها أمل كرست بسرعه وهي تبتسم ومتحشمه لأن هالمره علي أرض الواقع .. سابقا تتواصل عالتليفون وتحكي مع شباب عشان ماتقعدش بروحها امها توفت وهي وحيده لذالك ادور في الحب من الشباب يلي يضحكو عليها وتوا حمزه حطت عينها عليه .. زعما شنو حايصير بينهم 🔥
رائد بالأيش هداه وقرر يجهز نفسه عشان يمشي هو وخواته لعند حوش الحاج سليمان يلي عزمه من أمس عالعشاء
زمرد فرحانه وطاير عقلها ورويدا تبتسم عشان اختها فرحانه : شنو الحلو فرحان
شكله الجو بينكم تمام احكيلي نسمع فيك
زمرد : طلع يحبني ويموت فيا ويغار عليا بشكل مش طبيعي .. قعد زعلان ومضايق عشان الوسخ معتز شافني وعطاه طريحه سمحه حي لو يعلموها الرجاله ينصدمو
رويدا انصدمت : كيف كيف احكيلي
زمرد حكت يلي صار بالضبط
معتز في المستشفى ، فتح محظر في رائد وعطاهم العنوان .. عدت الشرطه لعند حوش رائد يدقو عليه بس مافيش حد
واحد من الجيران قال : تلقوه عند الحاج سليمان .. تعالو توا نوريه لكم
الشرطه لحقاته وهو اشر عالحوش
دقت الشرطه بالقوة علي الحوش
فتح الحاج سليمان كان قريب من الباب
لقاهم شرطه انصدم : كنكم بسم الله
