مجنــ🤣ـــٌونتي
الحلقه 1
كوثر : ليش أدافعي عليه وتخافي منه بالطريقه هذي أنتي حاتكوني ضعيفه وماعندكش شخصيه حتي مع زوجك المستقبلي يقعد يضرب فيك ويعامل فيك معامله معفنه وراضيه
رحمه عطتها كف قوي خلاها تسكت ودموعها زادت زيادة 😭
رحمه : يلي قلتيه قبل شويه تعاوديه صدقيني أعتبري نفسك مش أختي ومستحيل نسامحك ونحكي معاكي
كوثر قعدت تبكي وماردتش عليهااا
طلعت رحمه من دارهاا وهي تمسح في دموعها يلي نزلو ومصدومه من تصرفات أختها الصغيرة وحتي كلامهااا القاسي
هي نوعا ما ... عندها الحق بس لازم تعرف وتفكر كويس في كلامها قبل ماتقوله لأن رائد خوهم الكبير ويحبهم ويخاف عليهم صح حرمهم من الدراسه لأن خايف علي كوثر بذات ، عدا للجامعات والمعاهد وشاف الأجواء غادي ماعجبنش ، وعدا للخاص فيه بنات بس لكن المعلمين رجاله ومن شكلهم ماتريحش لهم وهو يبيها تكون قريبه منه مش يحطها في مكان بعيد علي حوشهم ولكن كوثر ماتبيش تفهم الشيء هضاا وتبكي ديما وكلامهاا يوجع
3 قبل العصر
رائد بعد ناض بعت رساله لمعاذ : نتمني تأجل جيت هلك أشويه لأن وجه كوثر مضروب ماتجيش يحقوها بالشكل هضا
معاذ رد عليه دغري : رد مقنع تمام الوقت يلي يناسبك بلغني وحانجو علي طول
رائد : وأنت طيب ، مع السلامه
سكر تليفونه وعدا للصاله أعيونه علي دار أخته كوثر تنهد وخش للمطبخ يشرب في أميه ويفكر شن حايصير في قصة أخته
وعشان ما يتعاركش معاها قرر ينزل ويفتح المحل متعه ، غير ملابسه وتعطر ونزل فتح المحل ... كان الوقت في العصر بعد وقت خشت عليه زبونه قصيره وملامحها طفوليه وكان معاها طفل عمره 9 سنوات وديما أتجي البنت هذي
قالت : السلام عليكم
رائد بحت فيها : وعليكم السلام
ردت : نبي سماعة بلتوت للتليفون هضا
وطلعاته من شنطتها وغير الكفر
رائد شافه وعدا يجيب في السماعه والكفر أختارت واحد عجبها ودفعت حقهم كان مكتوب السعر عليهم وما سألتش عالسعر الشيء هضاا جذب رائد لأن مايحبش السؤال وخاصة لو كان السعر مكتوب $ وهي الوحيدة ما تسألش عالسعر فكانت زبونة مميزة بالنسبه له ولكن محتار ليش تاخد في كفرات ديما من كل تليفون شكل
البنت الطفل غافلها وطلع براا وهي من النسوه طلعت وراه ونست التليفون عالطاولة وعدت تجري وراه الطفل
رائد مسك التليفون ويبي يلحقها يعطيه لها ما شافهش : شكلها خشت في شوارع عليك قصه ناقص أنا نست التليفون هذي
وبحت فيه وحاول يفتحه كان مقفل برمز سري وحاطه صورة قفص عصافير أبتسم وكان يقدر يفتح التليفون لأن مهندس أكتروانيات بس مابش يفتحه 🫶🏻 وأحترم الخصوصية حطه في الدرج وماطقتش ربع ساعه سمع صوت تليفون يرن والنغمة عالية بكل اللحن متعها مزعج رد بسرعه بعد فتح الدرج ولقاه تليفونها : ألووو
ردت : ألو نسيت تليفوني عندك
رائد : أها موجود تعالي خوديه
ردت : حاندزلك ولد أختي توا
رائد : لا التليفون ما نسلمش ألا في يد صاحبته ، أنتي عطيتيه ليا خلاص تعالي
ردت بغضب : أنا مش فاضية عندنا عرس توا كيف تبيني نطلع ونجيك
رائد : خلاص مش ضروري تاخديه اليوم خليها بكرااا الصبح أفضل
عصبت : لا أنت جنيت وبعدين العرس مستمر مانقدرش نجيك
رائد بأستفزاز : ليش أنتو كل يوم تزوجو حد ولا كيف ، هي 5 دقائق تعالي خوديه وأربحي وسكر في وجها الخط وقفل التليفون وهو يبتسم بخبث
بعد وقت خش عليه طفل اخر مش نفس يلي جاه مع البنت وقال : نبي تليفون عمتي
وقالتلك جيبه بدون مشاكل
رائد بعناد : قوللها نعطيه لصاحبته بس
هيا أطلع سلم وليدي ووصل الكلام
طلع الطفل بسرعه وبعد وقت جاه مع وحده لابسه خمار ونفس الصوت بس ماحبش يوضح أن عرفها ... خاصة يلي جاته توا طويله وواضح لابسه كعب
قالت : أنت واحد ماتتحشم علي وجهك ومريض ، ليش ماعطيته التليفون ؟؟
رائد بأستفزاز : والله معليش أسف ، بس من حظرتك ؟ يلي جاتني أمبدري بصيره قصيره وبدون خمار من أنتي ؟ لأن أنتي طويله ومغطيه وجهك مش واضحه
عصبت : أنا نفسها ولكن بخمار تواا
رائد هز راسه : شنو تلعبي مره بخمار ومره لا ، أقعدي تابته أو ماتلبسيش بكل
ردت بغضب : أنت شن دخلك بياا وبعدين قتلك عندي عرس شن تبيني نجيك بزواقي
ضحك رائد بانو غمازته من الضحك وماقدرش يوقف وهي رافعه حاجبها من تحت خمار وماسكه بسمتها عالضحكه الحلوه يلي شافتهاااا : عطيني تليفوني
رائد : اه معليش بعد تغسلي الزواق يلي علي وجهك تعالي خوديه ههههههه
البنت خدت تليفونه قاعد عالطاولة وحطاته في الشنطة : عطيني تليفوني ، وقتها نعطيك تليفونك تمام
رائد شير عالكاميرا : نفضح بيك راه
قالت : وأنا نفضح بيك ونشوه سمعت المحل صدقني أندمك أنت ماتعرفنيش
ضحك رائد : ليش من حظرتك ؟؟؟
قالت بغرور : عارف الحاج سليمان أنا بنته
رائد أنصدم ودغري عطاها التليفون : أنا أسف معليش سامحيناا والله نبصر معاكي بس ، واخر مره يا أختي مش حاتتكرر
ردت بأبتسامه وهي أطلع في تليفونه وحطاته عالطاولة وخدت تليفونها : فرصه سعيدة يا مجنون هيا سلامات وطلعت
