مجنــ🤣ـــٌونتي الحلقه 13
رويدا وأمل أول ما عرفو يلي صار في زمرد وأيهم أنهارو بكاء .. أما الرجاله في المستشفى والصبايا كلهم ملتمين في حوش الحاج سليمان .. بس الحاج أصر علي حسن أنه يروح ويقعد في الحوش لأنه هو الراجل من بعدهم ويمكن يحتاجو لوجوده أو يتعب حد حايمشي يجيب الدواء من الصيدليه .. أول ما وصله خاله حمزه للحوش .. عدا لخالته زمرد يجري ودق عليها الباب كان منهار : يا خالتي أفتحيلي توا 😭 وقعد يدق ويبكي
زمرد كانت في الكوجينه أول ما سمعت الباب يلي تحت عند البنات يدق بالقوه فتحت الباب يلي عندها وبحتت من فوق كانت ترعش .. شافت كوثر تقول : من ؟
حسن يبكي : انا حسن نبي خالتي زمرد
كوثر فتحت الباب : كنك بسم الله شنو في
زمرد بعد شافت حسن نزلت بسرعه لعنده وبحتت فيه مفجوعه من حالته : كنك 😳
حسن مسك فيها زين : ايهم يا خالتي
زمرد : كنه شن صارله .. احكي فجعتني
حسن يبكي مسك يدها : ايهم طاح من فوق البلكوني وطلع منه دم واجد
زمرد شهقت وقعدت ترعش : يانعليا يا ايهم
كوثر : لا حول ولا قوة الا بالله .. باهي شنو صار فيه العيل عندك معلومه ؟
حسن يبكي : والله مش عارف حقيتهم خدوه من خالي وخشو بيه جوا
زمرد قعدت تهدي في حسن رغم انها مفجوعه : خلاص اهدا وامي وينها ؟
حسن : في الحوش قاعده تعالي معايا
زمرد بحتت في كوثر : اااا باهي أرجاني اشويه توا انجي .. وطلعت تجري فوق لعند رائد يلي متسطح : ايهم ولد خويا طايح من فوق البلكوني مانقدرش نقعد بعيده عليهم .. حانمشي مع حسن للحوش
رائد قال : بشرط خليك قويه وما تبكيش
وألبسي خمار مانبيش حد يشوفك تمام
زمرد : حاضر .. وفتحت الدلاب دغري
رويدا تبكي وخايفه علي ولد خوها
اول ما شافت بيان نزلت جات تبي تعدي تضربها مسكتها امها : الله يربحك خليها ماتعدليش عليها .. هذي ما اتحشم
رويدا بقهر تبحت فيها : حسبي الله ونعم الوكيل فيكي يا سوسه .. تكذبي علي أختي يلي ما أتحشمي علي وجهك ، وأيهم عليش حابستيه مش اصغير هو هضا راجل تريحتي توا طاح من فوق بسببك .. شنو حاتستفيدي في النهايه حاتفقدي ولدك
بيان قمعزت علي ركبيها ودموعها شلال
علي خشت زمرد وحسن مع بعضهم جوا
جات عين بيان في زمرد يلي رفعت خمارها نست ما حولتش ألا بعد شافت بيان رفعاته دغري وبحتت فيها : ان شاء الله يطلع بالسلامه ويردلك طيب يا بيان
أنصدمت زوجة خوها قعدت تبحت فيها ومش قادره تقول حرف .. نزلت راسها
زمرد خشت حضنت رويدا كانت تبكي
أمل تتحزز علي بيان بالضرب بس زهره زوجة عمها .. تمسك فيها وتحلف انها ماتقربش منها ولا تلمسها لأنها ما تستحق
زمرد قربت من أمها يلي فتحتلها يديها حضنتها وقعدت تبكي : اتصلتو بيهم ؟
رويدا : توا اتصلت بحمزه قال في العمليات
زمرد قالت : لا حول ولا قوة الا بالله
باهي ايهم كيف طاح هو مش صغير !
زهره : والله مش عارفين فجأه طاح من فوق .. وامه الحقيره طلعت تعيط في بلكوني .. انا متأكده أنها السبب في طيحته
بيان ماعش قدرت تتحمل .. ركبت فوق تبكي وحالتها حاله والخوف يجري في دمها
