مجنــ🤣ـــٌونتي ... الحلقه 25
خشت نجوى عليها في الكوجينه .. طفت كوثر الغاز وبدت تصب في قهوه الساخنه عشان تشربها بس سمعت كلمه متنمره من سلفتها خلتها تبحت فيها دغري وتكب الفنجان عليها : خوك خلاك رخيصه لما رفع خمارك قدام معاذ يا يتيمه هههههه
عيطت سلفتها ودارت مناحه لما كوثر كبت القهوه عليها : وووووو حرقتني الحقيره ووووو تعال يا سند تعال شوف شنو دارت
جاه يجري هو ومعاذ ولقوه زوجاتهم وحده تبحت ببرود ومش معدله والتانيه تعيط
سند بأنفعال قال : شن في كنك تعيطي
نجوى تبكي : هذي عروستكم حرقتني
معاذ قرب من كوثر بهدوء : شنو صار ؟
كوثر بحتت فيه وهي تحاول علي قدر المستطاع كتم عبرتها : هي قليلة ادب من أمس وهي تتاوقح معايا وانا سكتت واجد
معاذ : باهي تكبي عليها القهوه في وجهها ؟
سند : لا حول ولا قوة الا بالله ، هو الواحد ناقص يلي فيا امكفيني .. وخداه زوجته لشقتهم فوق وهو معصب ومقهور منها
نجوى تبكي : صدقني انا جيت نحكي معاها ونقوللها قهوتك سمحه اشويه كبتها عليا وقالت ... قعدت توا مش سمحه
سند : استغفر الله شن هالطبع يلي عندكم
نجوى مزالت تكذب وهو مش طايق شيء
ام معاذ لما سمعت الهرجه خشت عليهم لقت معاذ يحكي مع كوثر ويعاتب فيها علي قصة القهوه : فهميني ليش بس ليش
كوثر كانت تبي تحكي وتبكي من القهر بس خشت عمتها سكتت ونزلت راسها دغري
نعيمه : شن في وعليش نجوى تعيط وتبكي
معاذ بحت فيها : القهوه انكبت عليها قعدت تعيط ساهله انتي ما ادققيش
كوثر طلعت من حداهم وركبت فوق
لحقها معاذ بسرعه وكرها من عند يدها : يا بنت اقسم بالله مزلت مصدوم ومقهور
كوثر : انا في حالي هي يلي بدت تهين
معاذ : خلينا نخشو واحكيلي القصه كلها
كوثر نزلو دموعها اول ما خشو جوا بدت تحكيله كل شيء صار ... معاذ مصدوم
______
حمزه مصدوم قاعد قدام غرفة العمليات مش قادر يحكي او يقول شيء ، تجاهل اتصالات امل بس جاته رساله منها كانت طويله جدا .. زٍعٌمًآ شن فيها الرساله ؟؟
(( حمزه أسمعني في كتاب مهم يخص بيان لازم انت تقراه ضروري جدا ، في حاجات واجد حاتعرفهم فيه وهي اصلا حكت عليك في الكتاب لو يهمك تعرف الكتاب حاتلقاه في غرفتها عند عمتي زهره .. طبعا انا زعلت عليها واجد ان شاء الله تتحسن واتكون كويسه ، وانشوفو فرحتك بردتها سالمه .. سامحني علي كل شيء صار وقلته وزعلتك فيه ، انا حانقعد لعند ما تتحسن ونطمنو عليها بس بعدها لازم تشيلني لحوش باتي وخلي بيان اترد لشقتها فوق .. هي زعلانه واجد لأنك قررت تتزوج غيرها ، ماكتبتش عن شعورها بعد زواجك مني او عن مباركتها لك .. هالشيء ما انكتب في كتابها لانها نساته فوق ، بس عيونها توضح كل شيء .. طلقني وكمل حياتك معاها انا طرف تالث ، نعترف اني كنت انانيه بس انا مانقدر نتحمل ان الشخص يلي حانكمل حياتي معاه عقله مش معايا وطول الوقت يفكر في زوجته الاولى ، صعبه عليا ياريت تتفهمني .. المهم طلقني وخديت درس مستحيل ننساه " آنِ بًعٌض آلَظُنِ آثًمً "
يعني كنت نسحب بيان حقيره بس مضلومه لما تروح توا تعرف كل شيء ))
