مجنــ🤣ـــٌونتي
آلَحًلَقُهّ 4
لَآ أعٌلَمً مًآ سِر أخِتٌفُآءهّ
وٌلَکْنِ آلَخِوٌفُ سِيَطِر عٌلَيَ مًشُآعٌريَ
______________
طلعت رحمه من المستشفى وخوتها معاها يساندو فيها ، ورائد ماعدلش علي المحل ولا أي شيء يخصه قعد متواجد في الحوش لعند ماسمع صوت الباب عدا يفتح وكان جاره يلي قاله المحل بأمانتي سلمه المفتاح ونقاله : تفضل كانو عندي
رائد : صحيت بارك الله فيك
رد : فيك بارك الله ونحنا جيران لو ما وقفناش مع بعضنا ، من يبي يوقف ؟
رائد أبتسم : كلام جواهر ربي يحفظك
رد الجار : ويحفظك ، ومع السلامة توا ،
لا باس علي أختك ماتشوف شر
رائد : الله لا يوريك باس ، خش تفضل تغدا عندنا
رد : لا عندي شغل لازم نمشي ، مره تانية أن شاء الله مش حانردك
رائد : وأنت طيب ، نهارك أبيض
كوثر رن تليفونها وكان معاذ خشت لدارها وردت عليه : ألو ، كيف حالك
معاذ : وينك من أمس نتصل بيك
كوثر : كنت في المستشفى ، أختي مريضه
معاذ : لا باس عليها ، أن شاء الله
كوثر : الله لا يوريك باس ، وأختي طلع عندها السكر وأنا بصعوبه ماسكه روحي وما نبكيش ... والله تعبانه
معاذ زعل : لا خليك قوية وساندي أختك لو بكيتي وزعلتي حا تزيدي عليها
كوثر تنهدت : ربي يقويني
معاذ : حاتكوني قويه ، لو أنتي ضعيفه راه ما سمعت صوتك وأنا في المربوعه هههه
كوثر : يعني ندمان عشان سمعته
معاذ : لا أنا فرحت لأني كنت في الحوش وسمعتك وحاتكوني من نصيبي كان هضا خداك واحد غيري ولا عرفتك بكل
كوثر بخجل : انا لازم نمشي تواا
معاذ : نجيلي الخجول ، تمام نحكو في وقت اخر ، وديري بالك علي روحك
كوثر : وأنت دير بّــ🙈ـــالك
معاذ ضحك : علي شنو أندير ؟
كوثر : علي نفسك وسكرت الخط
أبتسمت ولكن أبتسامتها تلاشت أذكرت أختها وعدت تجري لعند غرفتها لقتها راقده ومغمضه عيونها ، عرفتها تتظاهر بالنوم قعدت عالكرسي وبحتت فيها وبهدوء قالت : تذكري لما قلتي نحنا أقوياء في ضعفنا ، ومرضنا ، حتي في سعادتنا أقوياء ويلي يساند فينا في كل شيء هو ربي سبحانه وتعالي ، وقلتي لو جاه يوم ووحده فينا مرضت وهالمرض يكون معاها طول عمرها لازم تقول الحمدلله علي طول وماتنزلش دمعه علي خدها لأنها مرضت ، بالعكس لازم تفرح لأن ربي يبتلي الناس يلي يحبها ولو كنت أنا من ضمن هالناس حانكون سعيده ومش حانزعل
رحمه بحتت فيها وأبتسمت : ومن قالك أني مش فرحانه وسعيده ؟
كوثر : بس حالتك هي يلي قالتلي العكس
رحمه قمعزت : الموضوع يلي مخليني بالحاله هذي ، مش المرض
كوثر رفعت حاجبها : باهي شنو ؟
رحمه تنهدت : الدكتور ونضارته الغريبه ماعش فهمتها يبحت فيا ويبتسم
كوثر شهقت : قصدك الدكتور طارق ؟
رحمه تسكت فيها : اسكتي راه يسمعك رائد
كوثر همست : هو يبتسملك وعيونه عليك
رحمه : مع الأسف أها وأستغربت بكل
كوثر : بلكي عجبتيه أنتي سمحه وكرت خدودها وهي تبتسم ، أكيد طاير عقله فيك
رحمه تحشمت : عيب ماعش تحكي هك
كوثر : شن فيها ، لو طلبك توافقي
رحمه تأففت وعدت من حداها
كوثر تضحك وفرحانه عشان هذي أول مره تشوف أختها متحشمه بالشكل هضا وفي نفس الوقت تتمنى الدكتور يكون نصيبها
