مجنــ🤣ـــٌونتي .... 34 ما قبل الأخيرة
آلَأمِـــــوُمِـــــــهِ أضـــعـــــــفتني ولكن !!
هِذآ آلَأمِــ؟ـــر لَمِ يـــــّخطر علي بّــــ؟ــالي
_________
حمزه يبي بيان تحمل كل اشويه يفتح هالسيره وهي وافقت في النهايه .. وصلها في اليوم الثاني لدكتورة نساء وحكت وضعها لها .. اما حمزه كان فرحان يبيها تحمل خاطره في بنت صغيره واتكون منها .. قعد كل فتره يشيل فيها للمواعيد ويراجي فيها واي شيء اتقوله الدكتوره يتنفذ بشكل دقيق والحمل بعد وقت طويل صار منه بعد اخر حادث دمرها
طار عقله وحط صدقه في الجامع من فرحته يلي ما تنوصف : انتي خلاص لازم تتريحي واي شيء تبيه حاضر اقسم بالله
بيان ضحكت : لا وين انت ناوي تخليني بطريقه .. خليني نتحرك ونطبخ عادي زي ايهم شن المشكله يا سيد حمزه 🤣
عطاها نضره : حمزه ؟ لا عاد انتي جافه ورسميه بشكل فضيع .. بس صدقيني خايف عليك ما نبي انتعبك ولا نبي يصير في الجنين شيء .. انا فقدت 2 من قبل
بيان سكتت لما اذكرت جنينها يلي ضرباته بيدها ماقدرتش تحكي وهو انحرم حتي من ولده من امل يلي انتحرت ورفضت تخلي ولدها يتيم كيفها .. تصرفها كان خاطئ وطايش ولكن مع الاسف هي مزالت صغيره والوحده خلتها ما تشبه اي حد وتفكر بشكل يفرق عن الكل استسلمت بسهوله للمرض وانتحرت .. انجرفت شور الانتحار وماتت علي طول ماتت منتحره
_____
" اوقات الصعوبات يلي نحنا نعيشو فيها تجبرنا نفكرو في الانتحار ويكون رقم قياسي في حياتنا .. مثلا انا دائما انفكر بالانتحار ولو انعدهم بين صوابع يدي عدد المرات يلي انتحرت فيهم يتجاوزو 30 "
" لَآ تٌلَوٌمًوٌ فُتٌآةّ تٌفُکْر بًآلَآنِتٌحًآر .. لَآ آحًدٍ يَعٌلَمً مًآ يَدٍوٌر بًدٍآخِلَ آلَأعٌمًآقُ آلَتٌيَ تٌعٌيَشُ بًدٍآخِلَهّآ .. لَآ آحًدٍ يَعٌلَمً کْمً مًنِ آلَمً تٌحًمًلَتٌ وٌآکْتٌفُتٌ مًنِ کْلَ شُيَء لَمً تٌعٌدٍ تٌسِتٌطِيَعٌ آلَتٌحًمًلَ .. لَآ تٌلَمًوٌهّآ فُلَقُدٍ يَأسِتٌ تٌمًآمًآ "
_____
رائد فرحان بتؤمه واجد وطول الوقت يلعب فيهم ويبوس فيهم .. وزمرد ما شالت اعيونها من عليه ، نضارتها كلها حب وعشق له .. زارتها اختها رويدا يلي كانت مشغوله واجد بحوشها وهي ام بولدها الاول سماته وريد وفرحانه بيه واجد
زمرد : واخيرا جيتي والله رايفت عليك
رويدا تضحك : والله غصبا عني وأعربي يبوني ديما عندهم عشان وريد متعلقين فيه لدرجه لا توصف .. وانا مانقدرش نخليه ثانيه وحده بدوني عشان هك نمشي ديما معاه وما نخليش فيه ابروحه
توا عمره 6 شهور ومجنني واجد ❤
زمرد ابتسمت : ربي يحفظه وعقبال ما يكبرو تؤمي اشويه توا عمرهم 3 شهور
رويدا : ان شاء الله واحسن حاجه يكبرو مع بعضهم ويلعبو مع بعضهم يا بنت
وبعدين كيف حال كوثر كويسه توا ؟
زمرد : اهووو كوثر وقفت قيدها حاليا الاستاذ وسيم واخد اجازه هو وياها ومسافرين لهم شهرين لعند توا ما شفناها
رويدا : ما شاء الله وهي فرحانه معاه ؟
زمرد : طبعا لما زارتنا كانت فرحانه واجد
رويدا : باهي ما شاء الله فرحتلها واجد
واختها رحمه شنو جوها مع عمتها ؟؟
زمرد تنهدت : هي زعلانه علي وضعها ومشغوله واجد عليها .. انفكر نمشي نزورها اكيد حاتفرح لما انجيها صح
رويدا قالت : طبعا امشيلها بدون تردد
زمرد ابتسمت وقررت فعلا تمشي اتزور رحمه في اليوم الثاني ورائد عجباته الفكره هو رايف عليها وعلي عمران بس كان مايبيش يزعجها ويقوللها ليش ماعش جيتي لعندهم .. هي انجبرت انها تقعد ماتقدرش اتخلي عمتها المريضه مع ممرضه في الحوش ابروحهم .. وحنان تزوجت من زميلها مراد في الجامعه وقنعها تكمل معاه وما اتوقفش ، كان جاهز للزواج علي طول طلع العرس وهي وافقت .. طارق فرح واجد لما تزوجت وتمنى لها الخير والسعاده طول عمرها
