مجنــ🤣ـــٌونتي --- الحلقه 14
لَآ تٌتٌسِرعٌ فُيَ آلَحًکْمً قُبًلَ آلَتٌفُکْيَر جّيَدٍآ فُآلَنِدٍمً قُآتٌلَ 🥀🌹
العائله قاعده كلها علي أعصابها خايفين علي أيهم له أسبوعين في غيبوبه وأمه ماقدرتش تحكي ولا تقول شيء ، حابسه روحها في حوشها .. تبكي علي ولدها يلي بصعوبه جاه عالدنيا كانت من مستشفى لمستشفى .. الأنهيار خلاها طريحة الفراش .. لا تاكل ولا تشرب مافيش حد أهتم بيها أو عبرها غير زمرد يلي قنعت أمها زهره يمشو لعندها .. كان في نسخه لمفتاح حوشها مسيبها خوها حمزه تحت .. لما طلب منهم يجيبوله ملابسه وحجاته عشان يدوش تحت مايبيش يشوفها كان مقهور منها .. رائد لما تحسن عدا معاهم في المستشفى هو ومعاذ يلي أتصل بطارق علي جنب : قتلك الأمور بينك تمام سألنا عليك ورائد موافق .. نحنا عندكم في المستشفى تعال وتواجه معاه لأنه معايا
طارق : تمام جاي توا ، عند ولد حمزه ؟
معاذ : اها والعيل شنو حايصير فيه ؟
طارق : العلم عند ربي سبحانه وتعالى
هو بحاجه لدعائكم .. أن شاء الله خير
زمرد دقت باب غرفة بيان وفتحتها لقتها في السرير وشكلها ضاربه بطنها واجد لأن في دم طالع منها : بيان شنو درتي انتي 😳
بيان نزلو دموعها وماردتش عليها نهائيا
زهره كانت في الصاله اول ما سمعت صوت زمرد .. جات تجري ولقتها تفحص فيها : لا انتي اكيد جنيتي قتلتي جنينك ؟
بيان : أنا مش أم كويسه الاول مات فقتلت الثاني .. مانقدرش نجيبه علي الدنيا
زمرد : شنو هالكلام هضا .. استغفري ربي وادعي لولدك يلي اديري فيه حرام
وخدت تليفون بيان وحطاته في يدها وبأمر قالت : اتصلي بخوك خليه يجي يسعفك لازم تمشي للمستشفى توا الوقت
زهره : يا خساره وخلاص .. يا ناري علي وليدي حمزه ، قتلت عويله المجرمه
زمرد بحتت فيها : امي ارجوك هي مش بخير للكلام هضا .. هيا اتصلي بيه
بيان : مش حانتصل ولا نبي نمشي
زمرد عصبت : الصبر ياربي وخدت تليفونها
ونادت علي حسن يلي جاه فوق بسرعه
عطاته التليفون : اتصل علي معتز قوله يجي يسعف اخته الجنين طاح ووضعها سيء لأزم تمشي توا الوقت للمستشفى
حسن خايف ويرعش حط عالرقم وأتصل علي معتز بصعوبه رد عليه : الو شنو تبي
وولدك مزال في الغيبوبه لما ينوض نكلمك
حسن : انا حسن .. عمتي بيان تعبانه تعال أسعفها لأن الجنين طاح وهي مش بخير
معتز : عليك قهر فيا انا وخلاص منين طلعتلي هذي مش وقتها وسكر في وجه
حمزه استلم فلوس قطعة الأرض توا وقبل ما يخش للمستشفى شاف معتز طالع قرب منه وعطاه الكيس : هضا لأختك امشي خودها من الحوش مانبيش نشوفها نهائيا
معتز مسك الكيس كان فرحان بس مايبيش يوضح : توا هضا وقته يا استاذ
حمزه نزل نضارته من عيونه : وقته لأن مش طايق لا نشوفك ولا نشوفها اطلعو من حياتي وايهم لو يصيرله شيء حاتشوفني قدامك لأن خلاص ماعش نبي شيء من الدنيا لو مات ولدي .. مستعد نقعد في السجن طول حياتي ولا نخلي ناس وسخه زيكم عايشه وتحط كرعيها عالتراب يلي يتمنى تمطر المطر عشان تكرسو في حوشكم .. وعدا سيبه دغري
