مجنــ🤣ـــٌونتي
الحلقه 8
رائد وصل للحوش بعد فتح الباب لقاهم خايفات عليه لأنهم شافوه واخد سلاح تنهد وعزق المسدس : أنا كويس أهدو
رحمه : كيف نهدو وأنت واخد مِـسدس
رائد : في واحد وسخ ومايتحشم علي وجه سيب زمرد بنت الحاج سليمان في أيام عرسها وماتجيش بكل يديرها الحركه هذي والحاج طلب مني نتزوج البنت بس أنا ماتريحتش حتى شفته قدامي وضربته وعزقت عليه تكاليف العرس وكل شيء دفعه علي زمرد لأني مستحيل نرضى ناخدها بالطريقه الحقيره هذي يلي قهرتني
كوثر أنصدمت : من جدك حاتتزوج من زمرد بالطريقه هذي يلي تقهر ومش حلوه
رائد : هضا نصيب ما تزيدوها عليا وأهم شيء هيا جهزو أرواحكم توا نوصلكم للمول تشرو لبسه للعرس .. بكرا فاتحتي وبعدها حاتكون ليلة الزفه حانمشو مع بعضنا ناخدوها وهي مش حاتعرف ألا لما تشوفني خاش لعندها .. قالها وهو يشد علي يده بالقوة وخش لغرفته الخزنه كانت فاضيه وماعندش ولا قرش توا تنهد وخداه البضاعه يلي عنده كلها في الحوش وباعها في محلات التليفونات حصل مبلغ كبير يسده هو وخواته وحتى بعد زواجه من زمرد ويكمل البيع في محله بشكل طبيعي لأن المحل في بضاعه مايبيش يلمسها لأن حتى خواته لهم نصيب من الرزق هضا وهو مايحبش ياخد حق حد فخذاه رزقه كله وعطاه لطارق كان ناوي يتزوج بيهم ولكن مش بهالطريقه يلي خلاته مش تمام نهائيا ومضايق مش فرحان .. اتصل بصاحبه معاذ اول مارد قال : خليك معايا يا صاحبي ما تخليني
تعال توا نحكيلك شن صار وساعدني
معاذ : خير أن شاء الله شن في خوفتني
رائد : تعال توا نفهمك وبالمره تمشي معايا للسوق نحطو البنات ونقمعز انا وياك نشربو قهوه ونحكيلك يلي صار بالضبط لأن بجد حاسس روحي نحلم معقوله في النهايه تكون ليا ومن نصيبي وفوقها ماعندهش العلم لأن كان شرطي حابب نشوف صدمتها
معاذ أنصدم : كيف كيف 😳 شن صاير ؟؟
كوثر جهزت روحها وهي مستغربه ولا قادره تستوعب رغم أنها عارفه حب رائد لزمرد من معاذ يلي حكالها ... لكن مش راضيه عالطريقه التافهه هذي وحابه تفرح بخوها بّـــــ عرس كبير مش مفاجئ وكأنهم سارقين عروسه يخشو ويطلعو فجأه
دقت عليها رحمه : هيا انا كملت وانتي
كوثر بحتت في الباب : توا حانجي ولبست حجابها وخذت تليفونها وطلعت بسرعه
رحمه طلعت مع كوثر لعند سيارة خوها يلي كان يراجي فيهم وأعيونه علي طريق شارع زمرد من بعيد ، كان يلعب عالمفتاح بضيقه .. أنتبه علي جيت خواته : هيا
ركبو معاه في السيارة وهو قعد يسوق بشويه عشان يوصل معاذ ويلحقه وفعلا تلاقو في الطريق بيبله بصوت بعد أنتبه له لحقه دغري .. رائد توجه لمول عائلي والبنات مستغربات لأن رائد شالهم عكس قبل كان يشريلهم هو ولو شالهم يختار بنفسه ويرفض ذوقهم .. هالمره اشر يخشو لقسم النساء : اذا لقيتو راجل ماتحكوش معاه ولو في بنات احكو معاهم
رحمه : حاضر وانت حاتمشي او شنو ؟
رائد : لا قاعد في الكافي أنا ومعاذ وعطاه رحمه فلوسها هي وكوثر عشان تصرف بيهم
كوثر بحتت من جهه الخلفيه وشافت معاذ يسكر في سيارته .. أبتسمت بخجل ونزلت راسها علي طول ورحمه أول ما شــــافتها مسكتها مع يدها : هيا نمشو بسرعه يا بنت
كوثر عدت معاها وأعيونها علي معاذ يلي شافها وأبتسم دغري : اهلا رائد شن الجو
رائد : أقسم بالله لازم تركز وأنت تسمع فيا لأن أنا بروحي مش قادر نستوعب أمس منهار عليها واليوم نجهز لعرسي عليك حظ
معاذ : هيا نكملو الكلام في الكافي خير
عدا رائد معاه لأتجاه الكافي وطلبو قهوه
أما كوثر عيون الشباب عليها قعدو يعاكسو فيها وفي عيونها .. هي ماقدرتش تتحمل تسكت وما أدير شيء بحتت في شيشة الميه يلي قــــــدامها فتحتها ووجتها علي وجه الشباب يلي أنصدمو : أقسم بالله إذا تجرأتو وحكيتو حرف اخرآ نكلم خويا وخطيبي يقتلوكم بدم بارد قاعدين برا هما
الشباب خافو وصاحب المحل كان يبي يطرد الشباب بس هما خافو من البنت
قرب منهم : سامِــــحونا مش حاتتكرر
رحمه أنصدمت من تصرف أختها قربت منها وهمست : ماترديش عليه حي عليك لو يشوفك رائد والله يقتلك وكرتها مع يدها شور الملابس : هيا أختاري بسرعه
كوثر تأففت : باهي بشويه ليش تشدي علي يدي وبعدين هما غلطو وانا حاسبتهم
رحمه : يا بنت فكينا من المشاكل مع رائد
تنهدت كوثر وجاه في عينها فستان حلو بكل أشرت عليه : أنا نبي هضا عجبني
رحمه : بس هضا قصير بكل يا بنت
كوثر : شنو المشكله وبالنسبه لأقاربنا مش حانكلمو حد توا نقولو أن رائد قال مايبيش يدير عرس كبير وخداه البنت من قاعتها وخلاص ... مافيش غير هالحل من كلامهم
رحمه : أها صح الموضوع هضا نسيته بكل
بس توا خلينا نختارو بسرعه عشان نمشو
