مجنــ🤣ـــٌونتي
الحلقه 9
زمرد بعد وقت طويل فتحت أعيونها بصعوبه حست بألم فضيع ومش قادره تتحرك .. أذكرت يلي صار معاها نزلو دموعها وقعدت تبكي بدون صوت وكانت ترعش وحالتها حاله ولا قادره تستوعب يلي صار ومن يلي ضلمها وكذب عليها هك
حاولت تصبي ماقدرتش ألا بصعوبه قعدت متكيه عالباب وهي تمشي .. قريب طاحت بس مسكت في الساس ، كان وضعها سيء بكل ويقطع القلب 🥺 .. خشت للصاله وشافت رائد كان راقد ، ماعش قدرت تصبي قمعزت عالكنبه بسرعه كانت بعيده علي رائد بحتت فيه وبتعب قالت : رائد
أستمرت تنادي فيه وهو في عالم اخر
قعدت تقرب خطوه بخطوه لعند ما وصلت فيه .. حطت يدها علي ضهره : رائد
وهزاته بتعب وهي تنادي : رائد نوض 😭
حس رائد عليها فتح أعيونه بس ماقدرش يلتفت ويبحت فيها قعد في مكانه وهي تهز فيه وتبكي : رد عليا صدقني والله مادرتش حاجه ولا فاهمه شيء انا
رائد يسمع فيها شد علي يده بالقوة
زمرد قربت منه وحطت راسها علي كتفه وهي تبكي : حرام عليك أنت تضلم فيا
رائد حط يده علي شعرها : صح نضلم فيك لدرجة ندس عليك في معلومات ونحطك في الحظر زيك .. أنا مش طايقك ولا نبي نشوفك ، أمشي من حدايا توا
زمرد بألم من شد شعرها والضرب يلي حصلاته من رائد قالت : مش حانمشي لعند ما تسمعني كويس وأنت مزلت تظلم فيا
رائد صبا وهو مزال يشد في شعرها وهي تعيط من الألم ... لفه علي صوابع يديه بالقوة وقعد يشد فيها لعند الغرفه عزقها جوا وطلع سكر عليها الباب بالمفتاح
وبصوت عالي قال : خليك هنا وموتي جوا انا مش طايقك كرهتك يا بنت الحرام
بحت في تليفونه وأتصل بصاحب الرقم مره تانيه بس كان مسكر تليفونه ورائد ماقدرش يوصل فيه ولا عارف كيف يحكي لعيلتها بس قرر يسكت لعند ما يلقا حل
طارق ماقدرش يعدي لحوش أمه كان خايف منها وأخته طول الوقت ادزله في مسجات كانت تبلغ فيه علي وضع أمه وعلي عصبيتها يلي تهز الجبل بحاله
زاد خاف أكتر منها .. وقعد طول الوقت يدعيلها ويتمنى أتكون ابخير وتسامحه ودعاه تكون رحمه من نصيبه وياخدها بالحلال ويحقق حلمه لأن لما شافها لقاه فيها كل الصفات يلي يحلم بيهم تكون في زوجته من خجل وجمال وأحترام كل شيء فيها طيرله عقله بس لازم يدير حل ويقنع أمه ويطلب من رائد يسامحه علي كل شيء داره فيها وكان زعلان ومضايق
بصعوبه قعد في الشاليه لمدة أسبوع كامل ولما عدا للحوش أمه قعدت تلز فيه وتعزق عليه في ملابسه وحجاته : أطلع برا أنا مانبيش نشوفك .. أنت عيل مش راجل
طارق عصب : شنو هالكلام هضا وبعدين أنتي يلي خلتيني نتصرف هك ، جبرتيني عليها وأنا ما نبيهاش ولا قادر نتزوجها ماتكونيش أنانيه حطي نفسك مكاني زمان لما كنتي بنت شباب ترضى تاخدي واحد أنتي ماتبيش ولا متقبلته مش مهم هو من ولا كنيته شنو ولا حالته الماديه ... المهم نفسك وقلبك وتفكيرك لو فعلا موافقه حاتكون علاقتك كويسه ولو تزوجتي بالغصب صدقيني مستحيل تتريحي زي يلي صاير فيا توا والبنت ربي يستر عليها باتها زوجها الحمدلله ومسامحني هو متفهم وحس فيا .. أما أنتي عاجبك وضعي
أمه عطاته كف : اطلع برا توا الوقت
طارق نزل راسه وعدا بسرعه لسيارته
كان معصب بكل ولا قادر يقنع أمه 💔
