مجنــ🤣ـــٌونتي .. الحلقه 16
رائد بعد تصالح مع زمرد قرر ياخد عيلته يدهورو ويغيرو جو مع بعضهم .. أول ما وصلو للملاهي ، كوثر كانت فرحانه وطاير عقلها .. ورحمه تشم في الهواء النقي وعجبها الجو واجد .. حتى زمرد يلي كانت جنب رائد وأعيونها عليه طاير عقلها فيه
كوثر تبحت في غزل البنات وخافت تمشي تاخد يهزبها رائد فهمست لزمرد : نبو غزل البنات قوليله بلكي يسمع منك ههههههه
زمرد وجهها احمر قعد ، قربت من رائد بصعوبه قالت : عادي تجيبلنا غزل البنات
رائد بحت فيها وهو رافع حاجبه : شنو غزل البنات هذي ليش في غزل غيركم أنتو
زمرد مسكت ضحكتها وانحرجت بكل
كوثر ضحكت : هههههه رائد والله خاطري في غزل البنات بليز بليز جيبلنا منها
رائد تنهد : بعد نركبو في السياره توا نجيبلكم منها .. عليش مستعجلين
كوثر فرحت ورائد يضحك عليها لأنها تتصرف زي الأطفال .. بعد كملو جولتهم الرائعه عدا جابلهم غزل البنات وركبو في السياره مع بعضهم .. طول الطريق وبسمة البنات ما أنشالت بسبب رائد وتصرفاته
كان أغلب الوقت يهزب في الرجاله يلي يسوقو بشكل عشوائي : تي حقو انعن عماه ان شاء الله حتى السواقه مايعرفوش
كوثر تضحك : وووو يا بطني خلاص
رائد بحت مع مرايه : كنها بطنك فيها محرك سياره بيب بيب هههههههه
زمرد انفجرت ضحك : هههههههههههههه
رائد بحت فيها : وانتي كنك تضحكي
زمرد : منضرك يضحك اصلا هههههه
رائد : له له كنه منضري تحقي فيا عفريت
رحمه ضحكت : ههههه ههههه ضحكتوني
كوثر : خلاص يا رائد أرحمني مش قادره
رائد : انا مش قادر انسى غيابك هههههه
انسى احلى غرام ههههههه
زمرد انفجرت ضحك : لا أنت فضيع
رائد وقف علي اشارة المرور : وأنتي كوكتيل ناعليا انا من الكتاكيت يلي ورايا
كوثر مسكت ضحكتها ورحمه تحشمت
زمرد خلاص وجهها احمر اول ما وصلو للحوش ركبت تعبانه لشقتها فوق ، اما البنات خش عليهم رائد : اسمعوني اليوم الأحد صح .. جهزو رواحكم الثلاثاء حايجونا ظيوف يا رحمه خصيصا شورك
رحمه انصدمت : شوري انا وعليش ؟
رائد : الدكتور طارق اذكرتيه يلي كشف عليك لما شلناك للمستشفى ، طالبك بالحلال
رحمه حست روحها في حلم وكوثر مسكت مرفق يدها البنت خلاص حايغمى عليها
رائد استغرب : كنك بسم الله شنو في
كوثر : من امبدري اتقولي تعبت من شمس
رائد : اها باهي تريحي ، ديري بالك عليها
كوثر : هي بعيوني ما تخافش نهائيا
رائد ابتسم : الله يحفظكم ومايحرمني منكم .. وطلع من الحوش ركب فوق يدندن
زمرد غيرت بسرعه قبل ما يجي لأنها تتحشم واجد من رائد وهو عاجبه خجلها
خش للدار وشافها توا قمعزت ، طلع من دلابه علبه مغلفه وقرب منها : تفضلي
زمرد بحتت فيها بأستغراب : شنو هذي ؟
رائد يلعب علي مفتايحه : افتحي وشوفي
زمرد قلبها يدق خدت العلبه وفتحتها كان جايبلها تليفون حديث وحاط فيه شفره جديده مسجلها بأسمه .. قمعز جنبها لما شاف دمعتها نزلت ، مسحهم بلطف
وحط يده علي يدها : انا اسف علي كل شيء .. انا جبتلك كل شيء جديد
وطبعا التليفون مسجل رقمي أول واحد افتحيه وشوفي شن سجلته هيا
زمرد وجهها احمر فتحت التليفون لقت صورته وهو عريس 🙈 قلبها حاينفجر خلاص .. حطت علي جهات الأتصال
لقت أسمه مسجل : سندي وحبيبي
زمرد بخجل قالت : شكرا عالهديه
رائد بخبث : لا مش مقبوله اتصلي !
زمرد خلاص مش قادره تتحمل وهو اصر تتصل بيه .. طلع يراجي في الصاله : هيا
اتصلت زمرد بيه بأبتسامه قالت : الو
رائد في صاله متسطح : الو منين جبتيها ليا يا مدام .. شن مسجل أسمي ؟؟
زمرد وجهها احمر : سندي حبيبي
رائد بهمس : ايوا ترا عاوديها من جديد
زمرد قلبها حاينفجر : سندي حبيبي
رائد : وأنتي حبيبتي وعمري وطاير عقلي فيك .. عليم الله اني فرحان واجد
زمرد بخجل : وأنا فرحانه لأنك زوجي
رائد : مش حابه تكملي كلامك ؟
زمرد بصعوبه قالت : فرحانه لأن تزوجت الشخص يلي خش لقلبي .. كنت منهاره بس الحمدلله لأنك معايا وتحقق حلمي
رائد أبتسم وعدا شورها لقاها تمسح في لمعة عيونها يلي سحراته اكتر : نجيلي أنا
وقرب منها حضنها بحنان : والله نحبك
زمرد قلبها يدق : وأنا نحبك يا رائد الفضاء
ضحك وأنفجر ضحك بحت فيها : يا بنت بدينا عاد طلعت يلي في قلبها عليا
زمرد غطت وجهها : خلاص والله ماعش فيا أرحمني اشويه .. توا ماعش ندوي بكل
رائد : لا كل حاجه ألا هذي نبيك تحكي ديما
زمرد أبتسمت وهو قرص خدها وغمزلها
