مجنــ🤣ـــٌونتي .... الحلقه 26
بعد 10 أيـــــــّآمِ
كوثر لاحظت تغيير عمتها عليها يلي كانت تشكر فيها وتحبها .. قعدت تشكر في زوجة ولدها الثاني وبس ، استغربت لكن ما دورتش ولا عدلت لكن .. عمتها نعيمه قعدت تخزي فيها وتعزق في كلام وطول الوقت نجوى معاها لدرجة انها خلاص قررت تنفجر : شنو درت يا عمتي ؟
نعيمه بحتت فيها : وعندك عين تسألي
كوثر : قوليلي نبي نعرف ، غلطت فيك ؟
نعيمه : غلطتي في نجوى سلفتك ضربتيها عشان قالت عرفت كيف تزوجتي معاذ
وتانيا هي شفاتك تكبي في سحر عند سيارته .. يعني أنتي سحاره حقيره
انصدمت كوثر ومن هول صدمتها عدت تجري شور شقة نجوى دقت عليها وسند قاعد جوا كان في الحمام .. يلي فتح الباب هي نجوى ، لقت كوثر قدامها انصدمت ، هدت عليها وكرت شعرها بكل قوتها وقعدت تكر فيها وتضرب فيها وحتي خبشتها .. والتانيه تعيط بصوت عالي هز المكان بالكامل ، سند طلع ورغوة الحلاقه في وجه .. شافها تضرب في زوجته الحامل انصدم : انتي يا مجنونه سيبيها اقسم بالله كما تطلقيها نضربك
كوثر دهشانه تبحت فيها بقهر : انا مش حانقول غير حسبي الله ونعم الوكيل فيك انتي فعلا حقيره والحقير يقعد طول عمره حقير .. انا مش مسامحتك يا كلبه انتي فعلا كلبه وما تستاهلي حتي اني نضربك .. ولفت لجهة شقتها اول ما خشت ، حطت يدها علي فمها وقعدت تبكي وحالتها حاله كانت تكتم في شهاقتها ماتبيهم يسمعوها
معاذ كان في المول اول ما خش استلامته امه نعيمه وخوه سند يلي كان معصب : زوجتك هذي تمشي لهلها تواااا
معاذ انصدم : ليش يا خويا فهمني 😳
نعيمه : لو تبي الربح مني ورضايا البنت هذي ماتقعدش اكتر .. تخلص منهاااااا
معاذ عصب : حد يفهمني شنو صار ؟
سند : ضربت زوجتي دقت علينا الباب بالقوه ، انا كنت في الحمام ، اقسم بالله سيبت كل شيء وعديت نجري بعد سمعت عياط نجوى .. وامك قالت انها ساحرتك وتلعب من تحت لتحت لو تبي رضى امك شيلها لهلها خليهم يربوها كويس هذي مش تمام من لما خشت علينا ونحنا في مشاكل .. راجع نفسك كويس توا تفهم انها ما تناسبك ووجها وجه شر ومشاكل
نعيمه : انا مش حانكون راضيه عليك لو خليتها معاك وتمسكت فيها .. شيلها الله يربحك ورحمة خوك يلي مات وتحبه لازم تشيلها .. انا نبي نفرح بيك مانبيش نعذبك
سند بضيقه : انا خوك الكبير ، تخلص منها توا نزوجوك وحده احسن منها حتي لو تزوجت اخت نجوى عادي خوات صح
نعيمه : ايوا خيرلك من البنت يلي عرفتها لما سمعت صوتها ، لو كانت كويسه ماكنتش سمعت صوتها عالي ولا كان خوها رفع خمارها قدامك وزرك عليها
سمعت انه قعد يبكي قدامك عشان تتزوجها وانت كذبت تقول شفتها بالصدفه وعجباتك ماكنتش نعرف الحقيقه يلي خفيتها علينا يا خساره طلعت شاطره وساحرتك وجنناتك فيها
معاذ انصدم قعد يبحت فيهم بصدمه وهما استمرو يحكو مابوش يسكتو وهو مسكين ماعنده مكان اخر يعيش فيه غير هالشقه يلي بناها من فتره .. ركب فوق سمعها تبكي ، قرر يضرب عصفورين بحجر واحد .. الأول يرضى امه اما الثاني يخلص كوثر من جحيم نجوى لان عارفها وراء كل الموضوع .. واخر شيء هو يهاجر يبي يسيب كل شيء ويمشي من هنا فورااا .. هو راجل ويقدر يدبر نفسه بس لو كانت كوثر معاه مش حايقدر يتصرف او يدير شيء ولا عنده ثقه في حد .. يخاف عليها فخلاها تفكر ان هو عيل ، فتح الباب بملامح بارده : هيا جهزي روحك توا نشيلك لعند رائد
كوثر قعدت تبحت فيه ومصدومه
معاذ شد علي يده : قتلك هيا بسرعه
كوثر نزلو دموعها وعدت تجري جهزت نفسها وشناطيها كلهم مابتش تخلي ولا قطعة ملابس .. هو ساكت ما قال شيء بس مستحيل يطلقها قرر يكون اناني معاها يهرب ويهج بس تكون علي ذمته ولا ياخدها واحد غيره وتعيش معاه
