مجنــ🤣ـــٌونتي .... الحلقه 24
حمزه أول ما ناض طلع من قدام بيان يلي كانت نايضه ومارقدت طول الليل كان راسها يوجع فيها واجد .. تجاهلها مايبيش يوضح اهتمامه ، ولا يبي أمل اتحس عليه مش ناقص مشاكل ولا يبي يسمع الكلام يلي اتعزق فيه .. ركب فوق ولقاها تجهز في الفطور : صباح الخير امتى وعيتي ؟
أمل ببرود : من لما نزلت لعندها يا استاذ
حمزه تأفف : الصبر ياربي ، باه والمشكله ؟
أمل : انا مش عاجبني هالشيء اختار يا انا يا بيان .. لأن مستحيل نكمل بهالطريقه
حمزه : انا مانقدرش نطلقها ماعندها وين تمشي افهمي واستوعبي ، خوها بايع الحوش وهارب برا البلاد .. ارحميهاا
امل : تمشي لأقاربهم ولا غاير عليها او خايف تتزوج غيرك وياخدها واحد اخر
حمزه عصب رفع يده بس نزلها بسرعه وعدا لغرفته وسكر الباب بالقوة بغضب
الحاج سليمان عدا للجامع هو وحسن بس ايهم رفض يمشي .. وعدا للمطبخ صب اميه لأمه بيان وحط فيها نصف حبة عقاقير .. الطفل مضحوك عليه وهو مصدق
(( قبل فتره طويله جداااااا خاله معتز قعد يبكي قدام ايهم بروحهم بكذب : اسمعني نبي نقولك شيء خطير حتي امك ادبالك تعلم ويكون عندها الخبر انها مريضه جدا وقريب تموت انت لو تحبها فعلا يا عمري نكتبلك اسم دواء في ورقه والصيدليه يلي في شارع الحوش يبيع فيه الدواء هضا امشيلها كلما يكمل والحبه اقسمها نصين عطيها منه كل اسبوع يومين في جرت بعضهم .. يوم الأربعاء والخميس ، انا مانقدرش نقولك شنو هالمرض بس انت ولدها وعايش معاها لو تعزها دير يلي قتلك عليه يا صقر .. تمام فاهم عليا ؟
ايهم يبكي بدموعه : انا مانبيش ماما تموت
معتز بخبث : مش حاتموت يا راجل انت بس عطيها هالحبوب بأستمرار .. توا تتحسن وتكون ابخير وتعيش معاك ديما بس ماتوضحش نهائيا لها ولازم تشرب تصرف دير اي شيء عشان امك تشرب
هز راسه ايهم ومسح دموعه : حاضر
معتز فتح يد ايهم وحط فيها ورقه بأسم دواء بيان وطلع علبة دواء : اهو الدواء زي هضا وابدا من توا عطيها انت .. مفهوم ؟؟
ايهم هز راسه : ولو كمل دواء ماعنديش فلوس نجيبلها شنو اندير يا خالي ؟
معتز : تي اكذب علي باتك حمزه او جدك تصرف والحبه تنقسم نصين حاتسدها العلبه شهرين لان يومين بس في الاسبوع
ايهم : حاضر توا نبدأ توا ، شكرا يا خالي
معتز ابتسم بخبث وهالكلام كان قبل شهور
اول ما بدت بيان تاخد الدواء بداه يسيطر عليها ويزور فيها .. خلاها تحقد علي زمرد اكتر واكتر بطريقته الخاصه : عارفه يا اختي البنت يلي اسمها زمرد تكرهني وماتحبنيش ورفضت تتزوجني .. عشان هك ما تخليها تتريح لو تحبيني وتعزيني طبعا ، خليها تندم علي رفضها ليا تمام
بيان تضغط علي راسها ، كانت الحبوب متع مرضى نفسسين وهلوسه : اه صح انت راجل كويس يا خويا ورفضاتك
معتز بدموع : لو شفتيها تحب واحد اخر ما تخليها تاخده لازم توقفي جنبي وناخدها
بيان هزت راسها وهي تضغط عليه بألم فضيع .. غاب معتز عليها فتره لعند ما سمع من بيان ان زمرد تحب رائد صاحب محل الالكترونيات ، عصب وحرضها عليها اكتر واكتر .. استغل هالشيء بأستغلال زمرد علي يد بيان والفلوس يلي بدت تاخد فيهم منها $ .. كان ياخد فيهم من اخته وهي عطتهم له برضاها وما عدلتش نهائيا كانت تسمع في كلامه وما ترفضله طلب
بس هو ما يعرفش ان بيان كانت تبي واحد من قبل وتحبه بس عيلتها جوزتها لحمزه وهالشيء زاد عليها الحقد علي زمرد وماتبيها تتزوج الشخص يلي هي اتحبه بس النصيب صدمهم وتجوزت من رائد فعلا .. اتفقت مع خوها يشوهو سمعتها لرائد وما يخلوها تتريح ابدا في ايام عرسها وخطتهم نجحت .. بس يلي خرب عليهم الخطه هو قصة التليفون يلي كسره رائد وجيت بيان لعند رائد تكذب عليها انها تتواصل مع خوها وتخون فيه كل يوم ))
