مجنــ🤣ـــٌونتي ... الحلقه 33
نــٌصـــيـــــــّبّــي جعلني أنـــــــٌهار 🥺❤️🩹
___
رائد قعد طول الليل يفــــــكر في وسيم واخته كوثر .. مارقدش بكل لعند ما جاه الصبح خداه اسمه بالكامل من الحاج لان مكتوب عنده في الورقه الاسم والعنوان وحتي رقمه .. عدا سأل عليه وكلهم يشكرو فيه وفي اخلاقه واحسانه حتي انه ساعد في بناء جامع قريب من سكنه
حتي حكوله علي زوجته يلي تخلت عنه بسبب حادث سياره حكوله حاجات واجد تعرفوهم بعد يحكي مع كوثر !!! .. حس روحه اكتفاه يسأل في منطقة حوشه فتوجه للجامعه سأل عليه زملاءه وحتي الطلاب كلهم يشكرو فيه بس فضولهم كبير يبو يعرفو ليش يسأل علي الاستاذ وسيم ؟ لكن رائد خداه الزبده وعدا يبي يسيحها علي اخته كوثر 🤣 .. لقاها مع اطفاله التؤم تلعب فيهم : خيرات كيف حالكم اليوم .. ان شاء الله اكويسين
كوثر : الحمدلله وانت كنك مختفي ؟
زمرد : صح انا نضت في الصبح وما شفتك .. حتي تليفونك مقفل شغلتني
رائد قمعز وهو يبتسم : ولا شيء كان عندي مشوار مهم .. شنو جو صحتكم
كوثر وزمرد يضحكو عليه لأن طبعه اليوم غريب اشويه ويبتسم طول الوقت بلا سبب بس صدمهم من كلامه المفاجئ يلي قاله : كوثر جاك عريس مقنط والله اسد
كوثر انصدمت : يعني هضا سبب بسمتك من توا انقولك مانبيش ورافضه نهائيااااا
رائد : يلي طلبك هو الاستاذ وسيم !!!
كوثر بحتت فيه بصدمه شلتها بس قالت علي طول : لا انت اكيد جنيت هو متزوج وعنده بنت وانا رافضه الزواج بصفه عامه وما تضغطش عليا لو سمحت
عدت تجري ونزلت لحوشها تحت
رائد لحقها يجري وقبل ما اتسكر الباب
خش معاها : اسمعي دهشتيني راه وسيم مطلق وعنده طفله اكيد شفتيها من قبل
كوثر : مايهمنيش وبعدين اكيد داير غلط
رائد : لا انتي غلطانه طليقته الغالطه
كوثر : ايوا وقدر يقنعك انه بريء ؟؟
رائد : انتي تبحتي في المظهر الخارجي وتقارني كل الناس انهم زي معاذ وتقنعي نفسك انك الصح وهما الغلط جميعاااا
بس في هذي غلطانه .. الراجل يلي توا تحكي عليه رايدك بالحلال كان رافض يتزوج بعد يلي شافه من طليقته يلي تكون قريبته وبنت خالته .. اهمال بشكل فضيع يعني زوجه فاشله حتي لما زوجها دار حادث بدل ما توقف جنبه ، طلبت الطلاق دغري عشان قعد يمشي علي عكوس ويعرج المسكين كان يسمع فيها تحكي عليه هي وخالته ومش عاجبهم الوضع .. هو خلاص ماعش قدر يتحمل وطلقها كانت حامل وقتها .. جابت طفله رفضتها عطتها له .. وعاشت حياتها نست ان عندها بنت بحاجتها كبرت علي يد جدتها ورغم هضا كله هو يشيل فيها لها ولما ياخد فيها من امها يلقاها في حالة اهمال من شعر معسل وريحتها مش حلوه بسبب اهمال امها يلي مش معبرتها
الراجل كاره الصبايا لكن لما شافك غير منضوره .. كان يحكي ويبرم علي كوثر في نص صالة الحوش هي مصدومه ماقدرتش تحكي ولا حرف بس مزالت رافضه قصة الزواج يلي دمرتها فعلا
رائد اعيونه عليها : هو جاه من الباب لحقك وعرف مكانك وطلبك يعني ما دار شيء حرام هو يبي الحلال .. يبيك زوجته وام بنته الصغيره ، فكري كويس في نفسك ثم الطفله يلي عايشه يتيمه لان هو كان مش حاببها بسبب طليقته كره بنته بس حاليا هو حاسس بغلطه ويعوض فيها عن كل لحظه عاشتها بدونه .. فكري في وسيم استاذك انه حايكون زوجك انتي
كوثر بعناد : مستحيل نتزوج من جديد
رائد : تبي تقنعيني انك ماتبيش تكوني ام
تبي تعيشي طول عمرك بروحك .. صح انا معاكي وفوق منك بس راجل متزوج ومانقدروش ننقلو تحت ونعيشو معاك لان مانبو نجعزوك توا انتي طالبه وتبي تقري وتكملي دراستك .. نحنا نفكرو فيك اكتر من نفسنا ، نبي انشوفك فرحانه ومتزوجه وعندك عيله حلوه .. لو كانت امي عايشه كانت زعلت منك معقوله يا بنت ماتبيش تجربي احساس الأمومه ؟ ماتبيش تسمعي كلمة ماما وتراجي ولدك من المدرسه وبعدها اتقريه وتلعبيه ؟؟
