مجنــ🤣ـــٌونتي ... الحلقه 20
بيان نزلت تحت وطلعت برا في السور اشويه تتمشى وهي مضايقه .. شافت حسن مقمعز برا وشارد في القمر والنجوم
قربت بخطواتها منه : عليش قاعد بروحك
حسن اول ما شافها صبا دغري بخوف : توا نمشي اسف .. وكان حايتحرك وقفاته بيدها : خليك نقمعزو مع بعضنا اشويه
حسن قمعز وهي قمعزت جنبه : اعتبرني امك وماعش تخاف مني .. سامحني علي كل شيء ، عارفه روحي غلطت واجد معاك
حسن بدموع : لا مش زعلان منك بس رايفت علي ماما وزعلان لأن بابا نساني
بيان : يلي نساك انساه طلعه من راسك
وبعدين امك تشوف فيك كل يوم بحت في القمر فوق 🌕 هي اطل عليك كل ليله
ولو شفاتك زعلان هي حاتزعل منك واجد
حسن مسح دموعه : لا خلاص ما نبيها تزعل مني .. هذي اهم حاجه عندي والله
بيان ابتسمت وداعبت شعره بيديها : انا اعتبرني زي امك وناديني ماما لو تحب
حسن ابتسم وحضنها : حاضر يا ماما
بيان اذكرت حمزه وامل اضايقت بس ما بينتش لحسن يلي كان فرحان معاها
رائد اول ما شاف زمرد طار عقله فيها لأنها لابسه فستان خيال .. وجاي عليها ايهبل
زمرد خجلت : خلاص كنك من لما شفتني ما شلت اعيونك من عليا ما تخليني انرد لحوش عيلتي ونرقد عندهم احسن هههه
رائد رفع حاجبه : شنو اتهددي فيا يا بنت
زمرد : لا بس انت جننتني وانا نبي نرقد
والله تعبانه بكل ليا ايام مرهقه ارحمني
رائد ابتسم : باهي تمام معليش يا ماما تعبتك معايا ماكنتش نندري اني نرهق فيك
زمرد : ما قلت انك ترهق فيا بس جننتني
رائد بخبث كرها لحضنه : باهي تريحي بس معايا وين ما انكون انا كوني انتي
زمرد : ههههه هك تملك والله ندمت اني قتلك علي قصة الحمل ياريتني سكتت
رائد : ما تخليني نضربك والله نزعل منك
زمرد تضحك : يعني مسموح انت تبصر وانا لا .. بس اكتشفت انك لئيم فعلا
رائد قرص خدها : اه منك تلعبي عليا
زمرد تضحك : لو ماعندك مانع طبعا
رائد بأبتسامه : لا ماعنديش اي مانع ديري فيا يلي تبيه وألعبي وتصرفي براحتك
زمرد : بهالطريقه توا ندير الويل الويل معاك
رائد باس خدها : حلال عليك اميرتي ادللي
زمرد هربت منه ووجهها قعد باكو ألوان
في الصبح ..
طلع حمزه من شقته ونزل تحت سمع صوت ضحك جاي من كوجينه عدا وشاف بيان مع حسن وايهم توتيلهم في الفطور
قعد يبحت فيهم وخاصة في بيان يلي ما انتبهتش له اساسا .. امه جات وكانت وراه قالت : صباح الخير يا عريس كنك نزلت
بيان لفت دغري وشفاته مصبي عند الباب
حمزه ارتبك : صباح الخير ، سمعت هرجه نزلت .. كنكم نايضين بدري بسم الله
بيان برد صاعق : توا ساعه 10 علي فكره
والاطفال يبو يفطرو جاعو يعني وبعدين انت مكانك فوق عليش نازل تحت ؟؟
حمزه شد علي يده .. بحت فيها زين ولف باس يد امه وراسها : رضاكي علينا
زهره بأبتسامه : الله يرضى عليك يا وليدي .. وين امل مزالت راقده صح
حمزه : سيبتها في الحمام توا تجي
زهره : باهي ان شاء الله مبروك وتتهنو
حمزه ابتسم وعدا دغري شور دار باته دق عليه الباب وقال بهدوء : باتي نخش !
الحاج سمعه نقص صوت تليفزيون : تعال
حمزه خش وقرب منه .. مسك يده وباسها بأحترام ومسك راسه وباسه : صباح الخير كيف حالك اليوم يا باتي .. ان شاء الله تمام
الحاج ابتسم : صباح النور ، الله يرضى عليك .. كنك نازل ومخلي عروستك ؟
حمزه قال : لا توا اتجي وتسلم عليك
حانمشي نجيبها مش حانطول المهم خود دواك راه تنساه .. وطلع من الدار بسرعه
