(Unicode)
Recommend Song//
Butterflies( Max & Ali Gatie)
...........................
''အရေးမပါတာတွေ"
မဟာမြင့်မိုရ်သည် ကုတက်ထက်ငြိမ်ငြိမ်ဆိတ်ဆိတ်
ထိုင်ကာအဓိပ္ပါယ်မရှိသောစကားများပြောထွက်သော နွေနှောင်းအားကြည့်ပြီးမခံချိမခံသာဟန်ဖြင့်
တောက်တစ်ချက်ပြင်းပြင်းခေါက်၏။
''မောင် အခုနှောင်းကိုစိတ်ဆိုးနေတာလား"
''နှောင်းပြောပုံကိုလည်းကြည့်အုံးလေ"
''မောင်က နှောင်းမှမဟုတ်ဘဲ၊နှောင်းဘယ်လိုခံစားနေရသလဲဆိုတာ မောင်မသိဘူး''
ပြောဆိုရင်းပင် နွေနှောင်း၏ကြာမျက်ဝန်းတစ်စုံတွင်
မျက်ရည်ကြည်များရစ်သိုင်းလာလေတော့သည်။
စကားကြမ်းများပြောမိတော့မည့်မဟာသည် နွေနှောင်း၏
ငိုမဲ့မဲ့မျက်နှာပေးနှင့်မျက်ရည်ကြည်များအားမြင်တော့
လေပူများအားမှုတ်ထုတ်ရင်းစိတ်လျော့လိုက်ရသည်။
အပြာရောင်အချစ်ညအားဖြတ်သန်းပြီးတဲ့နောက်
မဟာနှင့်နွေနှောင်း၏မင်္ဂလာကိစ္စအားစီစဥ်ရန်
မြင့်မိုရ်စံအိမ်တွင်အလုပ်ရှုပ်နေကြ၏။ပြင်ဦးလွင်မှ
ဆွေမျိုးတွေကိုပါလှမ်းအသိပေးပြီးနောက် မန္တလေးသို့
နေ့မဆိုင်းညမဆိုင်းချက်ချင်းရောက်လာကြလေသည်။
စံအိမ်တန်းလျားမှအလုပ်သမားဖြစ်လျက် စံအိမ်၏
မျိုးဆက်များနည်းတူနေထိုင်ရသည့်နွေနှောင်းအား
ကိုယ့်နေရာကိုယ်မသိတတ်သူဟူ၍ မဟာ့၏ဖခင်
ဦးလင်းမြတ်ကိုဘက်မှ ပြင်ဦးလွင်ရှိဆွေမျိုးတစ်ချို့သည် ကြည်ဖြူခြင်းမရှိကြ။ယခုလို မဟာသည်သူတို့မကြည်သော
သူနှင့်လက်ထပ်တော့မည်ဟူသောအကြောင်းသည်
မျိုးရိုးဂုဏ်ထိခိုက်သည်ဟုဆိုကြ၏။သိသိသာသာမဟုတ်
သော်လည်းမသိမသာဖြင့်ကန့်ကွက်နေကြသည်ချည်းသာ။
သို့သော် မြင့်မိုရ်စံအိမ်ရှိမိသားစုဝင်များအားလုံးသည်
သူတို့မျက်စိရှေ့တွင်ကြီးပြင်းလာသော နွေနှောင်းအား
စကားတစ်ခွန်းမျှပင်အထိအခိုက်မခံ။သူတို့၏
အရိပ်အောက်တွင် နွေနှောင်းအားမည်သူမျှ
အပြစ်မဆိုရလေအောင်စိတ်လုံခြုံမှုအပြည့်အစုံ
ပေးထားလေသည်။
