ගාථා කියලා ඉවර වෙලා යද්දී නිර්වාන් ඩියුටි ඉවර කරලා, බැජ් එකත් ගලවලා දාලා, අත් දෙකත් වැලමිට ගාවට විතර නවාගෙන මේන් ගේට් එක ලඟට වෙලා හිටියා..
"ම්ම්.. ආ.." උදේ පාන්දරම බැනුම් අහගත්ත කොෆී කප් එක මේ පාර හරියට නම ලියලා ගෙනත්..
චිරාත් ඒකත් අරගෙන කප් එකේ නම දිහා බලලා මුකුත්ම නොකියා ගේට් එකෙන් එලියට ගියා..
දැන් කොහොමද මේක බීලා බෑග් එකට ඔබාගන්නේ..? දවසේ ගැටලුව...!
බස් හෝල්ට් එකට යනකන් කොෆී එක බිබී ගිය චිරාත් හෝල්ට් එකේ තියන පුටුවක වාඩි වුනේ කොෆී කප් එක බෑග් එකට ඔබාගන්න ක්‍රම සීයක් ඔලුවෙන් හිත හිත..
නිර්වාන් එතනට ඇවිත් මෙලෝ සිහියක් නැතුව එයාට හම්බුන කොෆී එක බිබී ඉන්න චිරාත්ගේ අවුල් වෙලා ගිය කොණ්ඩේ අතින් හදලා ෆෝන් එක අතට ගත්තේ ආදිත්‍ය ඈත ඉඳන් මේ පැත්තට එනවා පෙනෙද්දී..
"ක්ලාස් එකේ ලියන්න පොත් ගත්තද ආත්ම..?"
හුටා.. වාහනේ යද්දී ගන්නනේ හිටියේ..
කොෆී එකත් කටේ ගහගෙන නිර්වාන් දිහා බලන් ඉන්නවා ඇර දැන් ඕකට උත්තර දුන්නොත් වස ලැජ්ජාවක් වෙන බව චිරාත් දන්නවා.. මොකද, මොන සිහියෙන්ද ඉන්නේ ඇහුවොත්..? ඔයාගේ සිහියෙන් සුදු අයියේ කියන්නය..?
"ආදි.. ඔයාගේ හයිලයිටර්ස් දෙකම ඉවරයිද..?" කොහෙන්දෝ ගත්ත තැඹිලි පාට අයිස් පැකට් එකකුත් කටේ ගහගෙන එතනට ආපු ආදිත්‍යගෙන් නිර්වාන් ඇහුවේ රෝස පාට අයිස් පැකට් එකක් එයා දිහාවට දික් කරද්දී..
"ම්ම්.. දෙකම ඉවරයි.." චිරාත්ගේ එහා පැත්තෙන් වාඩි වෙද්දීම චිරාත් එයා දිහාවට දික් කරපු අත දිහා බලාගෙන ආදිත්‍ය 'ඇයි' අහන්න වගේ ඇහිබැමක් ඉස්සුවා..
"මට..?" කොෆී කප් එකත් කටේ ගහගෙන චිරාත් තව මොනවද ඉල්ලනවා..
"උඹට මොකටද.. උඹට හම්බුනේ ඔය උණුසුම් කෝපි කෝප්පයක්.." චිරාත්ගේ උරහිසට අතකුත් තියාගෙන අයිස් පැකට් එකත් කටේ ගහගෙන ආදිත්‍ය කිව්වේ චිරාත්ගේ අතේ තිබුන කොෆී කප් එකට තට්ටු කරලා..
"ඔයාගේ රතු පෑන නැති කරගත්තා නේද ආදි..?" නිර්වාන් තවම ආදිත්‍යගේ අඩු පාඩු බලනවා..
