"සුදූ...!!! ඔයා දැන් හෙනම ෆේමස් හුහ්.. තව ටික දවසකින් අපිටත් ඔයාව හම්බෙන්න වෙන්නේ අපොයින්ට්මන්ට් දාලා.."
ආදිත්‍ය හිටියේ නිර්වාන්ගේ ඉන්ස්ටා එකේ උඩ පහල යන ගමන්..
"මේ එක මැසේජ් එකකටවත් ඇයි සුදූ ඔයා රිප්ලයි කරලා නැත්තේ..?"
ෆෝන් එක නිර්වාන්ගේ පැත්තට හරවලා අහද්දී නිර්වාන් හද හද හිටපු ඔම්ලට් එකෙන් ඇස් අරගෙන ඒ දිහා බලුවා.. එතන එහා පැත්තේ සෝෆා එකක හාන්සි වෙලා ආදිත්‍ය එක්ක ගහන්න ගේම් එකක් හොයා හොයා හිටපු චිරාත්ගේ ඇසුත් එක පාර ඒ පැත්තට හැරෙද්දී..
"මම රිප්ලයි කරනවා.."
නිර්වාන් කිව්වා..
මොකක්..?? මැසේජ්වලට රිප්ලයි කරනවා..? ඒ මොකටද..? අවශ්‍ය නැහැනේ..!! මේ කොහෙවත් ඉන්න උන් දාන මැසේජ්වලට මොකටද සුදු අයියේ ඔයා රිප්ලයි කරන්නේ..?
"කොහෙද අනේ මේ රීඩ් නොකරපු මැසේජ්ම 787ක් තියනවා.."
"ගොඩක් අය මැසේජ් කරන්නේ අර ටික්ටොක් එක ෆේමස් වුන නිසා අදුරගන්න.. නැත්තම් කැෆේ එක ගැන දැනගෙන අඳුරගන්න.. ඔච්චර අය අඳුරගෙන මම මොනවා කරන්නද..? අවශ්‍යයි කියලා හිතුනොත් මම රිප්ලයි දානවා ආදි.."
ඉතින් චිරාත් කලේ වට්සැප් එකට, ඉන්ස්ටා එකට, මැසෙන්ජර් එකට ගිහින් එයා නිර්වාන්ට යවපු මැසේජ්වලට නිර්වාන් රිප්ලයි එවලද බලන එක.. මදි පාඩුවට නෝමල් මැසේජස්වලටත් ගිහින් බැලුවා..
ම්ම්.. රිප්ලයි එවලා.. හැම එකටම රිප්ලයි එවලා.. ඒකනේ.. මම අවශ්‍ය එක්කෙනෙක්නේ.. සුදු අයියට මම අත්‍යාවශ්‍යයිනේ..!!
"රිප්ලයි දාලා තියන ඒවත් බලන්නකෝ සුදූ.. මේ සති තුනකට කලින් එවපු මැසේජ් එකකට ඔයා රිප්ලයි දාලා තියෙන්නේ අද උදේ.. යකාගේ රිප්ලයි කිරිල්ලක් ඒක..!"
"හදිසියේ රිප්ලයි කරන්න වුවමනා නැති මැසේජ්වලට මම හදිසියේ රිප්ලයි කරන්න යන්නේ නැහැ ඉතින්.."
ඔන්න ඉතින් දැන් චිරාත් ඒකත් බලනවා..
කෝ බලමු.. මට රිප්ලයි කරන්න කොච්චර වෙලා අරන්ද කියලා..
ම්ම්.. ම්ම්.. තප්පර දහයයි.. අටයි.. දහතුනයි.. විනාඩියයි.. විනාඩි එකහමාරයි.. තප්පර දෙකයි..
