"ඇඳුම්..?" පපුවට මූණ ඔබාගෙන ඉන්න නිර්වාන්ගෙන් චිරාත් ඇහුවේ 'අද රෑ මාත් එක්ක ඉන්නවද' අහපු පරක්කුවට 'හා' කිව්වත් නිර්වාන් දැන් ඉන්නේ ස්කුල් යුනිෆෝර්ම් එකෙන් නිසා..
"ඔයාගේ ඇඳුමක් අදින්නම්.."
"ම්ම්.." ලොකර් එක දිහාවට ගිය චිරාත් ජර්සියක් අරගෙන නිර්වාන් අතේ තිබ්බා..
Chirath Gajanayake
No 13
AAU Junior Olympic Games
ජර්සි එක පිටිපස්සේ ගහලා තිබ්බ ලොකු අකුරු දිගේ නිර්වාන් එයාගේ වෙවුලන ඇඟිලි අරන් ගියේ කලින් තිබ්බටත් වඩා ඒ ඇස් දිලිසෙද්දී..
"ම්.. මේක.."
"ම්ම්..?" ලොකර් එක ඇතුලේ තිබ්බ ෆෝන් එක අරගෙන ඕක දැකලා නිර්වාන් ආයෙම පටන් ගන්න කලින් බෑග් එකට ඔබාගත්ත චිරාත් හූ මිටි තිබ්බා..
"මේක ඔයාගේ ඔලිම්පික්ස් වල ජර්සි එක ආත්ම..!"
"ම්ම්.. ඔව්... ඉතින්..?" සේරම බඩු ලැස්ති කරගෙන චිරාත් හැරුනේ නිර්වාන් දිහාවට..
"මේක නාස්ති කරන්නෙපා ආත්ම.. මට අල්ලන්නත් ලෝබයි මේක.." උවමනාවට එපාවට ගුලි කරලා තිබ්බ ජර්සිය හරි පිළිවෙලට හතරට නවලා නිර්වාන් ඒක පපුවට තුරුළු කරගත්තේ දැන් නම් නිර්වාන් කීයටවත්ම ඒ ජර්සිය නම් අදින්නේ නැහැ කියලා චිරාත්ට තේරුම් යද්දී..
"සුදු අයියේ.. ඕක අදින්න.. මං ගාව තව දෙකක්ම ගෙදර තියනවා.."
"කමක් නැහැ.. මේක නාස්ති කරන්න එපා.. මට මොකක් හරි නිකන් ඇඳුමක් දෙන්නකෝ.. "
"ඇඳගන්න ඕක සුදු අයියේ එක පාරක් කිව්වම.."
"එප්--"
"දෙයක් කිව්වම එකට එක කියවගෙන එන්නේ නැතුව කරනවා.."
නිර්වාන්ගේ අතේ තිබ්බ ජර්සි එක චිරාත් ඇදලා ගනිද්දී නිර්වාන්ගේ ඇස් වලට කඳුලු පිරුණේ තමන්ට බැනපු එකටත් වඩා ජර්සිය කුණු මාලු කෑල්ලක් වගේ ඇදලා ගත්ත එකට..
"ඔය ඉතින් ඇස් දෙක රවුම් කරන් කඳුළු පුරවගන්න එපා කියන දේ අහන්නේ නැතුව බැනුම් අහලා.."
"ඒක.. එහෙම ඇදලා ගන්න එපා.."
"හරි.. හරි.. සොරි.. මේක ඇඳගන්නකො සුදු අයියේ.. ඔහොම ස්කූල් යුනිෆෝර්ම් එක පිටින් යන්න බැහැනේ එලියට.. ම්ම්..?" නිර්වාන් ගාවට ගිහින් බලෙන්ම ජර්සිය අන්දවලා චිරාත් කලේ නිර්වාන්ව වටයක් කරකවලා හැඩ බලපු එක..
