في الصباح كان عصام يعمل حتي اتي له ياسر ...
عصام ببتسامه :" صباح الخير .. عامل ايه "
ياسر :" كويس .. عصام انا هدخل في الموضوع علي طول .. انا عايز حقي من ورث ابويا عشان هسافر "
عصام بعد ان ترك ما في يده :" ورث ايه دا ابوك مات مش سايب جنيه حتي الورشه دي بالمكن اللي كان فيها كان إيجار مش ملك ... عايز كام عشان تسافر وانا ادفعهولك .. هتسافر فين ؟ "
غضب ياسر ليتحدث بصوت عالي :" انت مالك هسافر ليه ولا فين .. انت مش هتجبي عليا يا نصاب اللي بتقوله دا مش حقيقي "
عصام :" اولا وطي صوتك .. ثانيا هنصب عليك ليه ليك عندي ايه يا ياسر "
بدأ ياسر يتكلم ويشتم بصوت عالي لدرجة ان العاملين في المكان تركوا ما بيدهم و التفوا حولهم حتي يشاهدون ما يحدث ...
عصام بغضب محاول تمالك نفسه :" طيب نكمل كلام ف البيت يلا"
تركه وذهب ليتبعه ياسر ...
ما ان دخلوا المنزل حتي فقد عصام اعصابه
و صفع ياسر علي وجهه بشده عدت مرات حتي أتت امهم ..
فاطمة بفزع :" في ايه يا عصام سيبه و كلمني"
لم يرد عليها .. حاول ياسر الإفلات من يديه ليمسكه من شعره بإحكام ويكمل ضربه بعشوائية...
ياسر :" سبني يا حيوان يا همجي "
عصام :" انا اللي همجي ومبقدرش اتحكم في صوتي و كلامي .. انا هوريك الهماجيه اللي بجد"
دفعه ليقع علي الأرض ليخلع حزامه وقبل ان يبدأ بضربه به امسكت امه يديه
فاطمة :" هو في ايه .. بتضربه ليه يا عصام "
عصام :" البيه جالي الورشه يطالب بحقه ف ورث ابونا ولما حاولت افهمه انه مفيش اصلا قل ادبه وعلي صوته فرج علينا اللي يسوا واللي ميسواش"
فاطمة :" طيب سيبه .. وانت قوم من الأرض .. براحه كدا مفيش اصلا ورث ابوك مسابش جنيه لما مات وانت فاكر يا ياسر و فاكر الايام السوده اللي عشناها لحد ما اخوك وقف ع رجله وبني كل اللي احنا فيه دلوقتي دا ... وبعدين ياعصام مش تشوفه عايز فلوس ليه اصلا ؟"
عصام :" قالي عشان عايز يسافر .. قولتله عايز كام و هديهوملك و هتسافر ليه .. قل ادبه ويقولي بتجبي وبتتحكم "
ياسر :" ايام سودا لحد ما اتعلم يمسك الشغل مش لحد ما فتح شغله الخاص "
فاطمة :" يعني مش كفايه مكدب اخوك ومش قايله انت عايزهم ليه اصلا لا كمان بتكدبني ! .. عموما بليل لما نتجمع انا هقولكم اللي حصل ساعة لما مات ابوكوا و هطلع الورق اللي يثبت كلامي " وتركتهم لتدخل غرفتها
دخل شهاب من الباب ليجد اجواء المنزل متوتره .. و عصام ينظر له بغضب
عصام :" انت كنت فين .. واستأذنت مين اصلا عشان تخرج ها !!"
أنت تقرأ
اخوتي
Actionهم اربعة اخوه توفي والدهم في حادث سياره فكيف ستكون حياتهم رواية بين اللغة العربية الفصحى و العاميه المصريه
