اخوتي

7

بعد يومان عاد شهاب من الرحله وارسلوا لعصام ان يأتي للمدرسه للتحدث في المشكله التي سببها شهاب ..

حسنا تسألون ماذا حدث مع ياسر منذ يومان عندما تحدث مع عصام .. انتهي به الامر معاقب ب10 ضربات علي قدمه لتدخله فيما لا يعنيه .. قد تشعرون ان الرقم قليل ولاكن ضربات عصام لا تمزح ...

في المدرسه ..

المعلم :" حضرتك شهاب ضرب شريكه في الخيمه واتخانق مع مستر خالد و زقه عشان قاله انه هيفضل في الباص اليوم دا ومش هيشارك في الفعاليات عقابا ليه وبعدين كسر خيمه خالص "

عصام مستفهما من شهاب:" عملت كدا  ليه ؟"

شهاب :" قولتلهم مش عايز احمد معايا مش بنتفق وهما افتكروني بهزر .. احنا مش نافع نبقي مع بعض عشان كدا اتخنقنا سوا .. و بعدين انا مش طالع الرحله دي عشان استاذ خالد يحبسني في الباص كان روحني احسن بقي .. و كسرت الخيمه عشان القائد قال لو انا معترض علي وجودي مع احمد يبقي ابات في الطل فكسرت خيمته عشان يبات هو في الطل"

وضع عصام يده علي رأسه محاولا تهدئت نفسه .. لكنه لم يستطيع ليصفع شهاب علي وجهه ..

المعلم :" سيد عصام العنف مش حل "

وقف عصام ليعتذر منهم ساحبا شهاب خلفه ..
كان شهاب في عالم اخر أخوه الأكبر قد ضربه امام نصف المدرسه تقريبا ومن ضمن الموجودين من تشاجر معهم و من يتنمرون عليه لكنه يصدهم بشده..

عصام في السياره :" بقي انا اوافق علي الرحله عشان خاطرك تعمل المشاكل دي كلها .. يومك مش معدي النهارده يا شهاب .. يومك مش هيعدي"

كان الصمت سيد الموقف .. فشهاب لم ينطق بكلمه منذ خروجهم من المدرسه .. حتي عندما وجه له عصام الكلام لم يرد عليه ..

عند عودتهم للمنزل دخل شهاب لغرفته واغلق الباب غير سامح لاحد منهم بالتحدث معه ..

ذهب عصام ليتحدث معه :" ينفع اللي عملته دا ؟ .. ليه بتتعامل زي ولاد الشوارع كدا ! مش قولتلك بطل عنف و قلة ادب "

شهاب بنفعال :" اه ينفع .. مش هقعد مع واحد طول الوقت بيعايرني ان ابويا ميت و بيتنمر عليا .. ولا هتحمل مدرس يعاقبني انا ويسيبه .. وهو اللي غلطان و شتمني وهو اللي مد ايده الاول كمان ودا قدامهم كلهم .. انا مش قليل الادب .. ابيه لو سمحت سيبني عايز انام "

عصام :" لما هو بيتنمر عليك مقولتش ليه "

شهاب :" و اقولك ليه عشان تروح تقول للمدير وابقي مسخرة المدرسه كلها .. العيل اللي جايب اخوه ياخد حقه .. اخرج يا ابيه لو سمحت .. كفايه اللي حصل في المدرسه " انهي كلامه بصوت عالي لدرجه سماع ياسر و ادهم من الخارج ..

توجه ياسر لهم .. لا يعرف كيف يتصرف ...

ياسر :" وطي صوتك يا شهاب .. ايه اللي حصل !"