اخوتي

1

:" السلام عليكم نعم انا ولي أمر الطالب شهاب .. تمام انا جاي دلوقتي .. شكرا .. مع السلامة "
أنهي عصام المكالمة و صعد للمنزل ليغير ملابس عمله ليتوجه بعدها لمدرسة شهاب فيبدو انه تسبب في مشكله كبيره

توجه إلى المدرسه التي تبعد عن البيت بمسافه ليست كبيره ليدخل لغرفة المدير مباشرة بعد وصوله

المدير :" ازيك يا أستاذ عصام .. دلوقتي شهاب اتنمر علي الطالب دا و اتخانقوا ليضربه شهاب زي ما حضرتك شايف كدا"

نظر للفتي الواقف بعد انتهاء المدير من كلامه ليجد الفتي عينه مزرقه و مقفوله من الورم و ملابسه مبعثرة مليئة بالأتربة وانفه ينزف ...

عصام :" الكلام دا حقيقي يا شهاب ؟"

نظر شهاب حول الغرفه بتفكير يتجنب النظر لعين اخيه الاكبر .. فهو لا يريد الكذب لكنه خائف من عواقب فعلته
ليعود لهم عندما تحدث عصام مره اخرى

:" افهم من سكوتك دا انه اه .. صح كدا ! "
قالها بحده أكدت لشهاب ان ما قادم سئ جدا

وافق شهاب علي كلام أخيه الاكبر بهز رأسه فقط والتزم الصمت

ليقول المدير :" عشان كدا انا مضطر افصل شهاب عن المدرسه لمدة اسبوع ولو اتكرارت هيبقي فصل نهائي "

عصام :" انا اسف جدا حضرتك .. واكيد مش هتكرر تاني .. شهاب اتأسف لاخوك "

تحدث شهاب لاول مره امام اخيه الان ليقول :" انا اسف يا علي .. بس علي فكره هو اللي بدأ الضرب انا كنت بهزر معاه وهو متقبلش الهزار دا ومد ايده عليا .. انا بتأسف عن اني اتغابيت شويه بس مش اكتر"

عصام يثق ان شهاب لا يكذب ليقول :" مكنش ينفع تضربوا بعض يا علي ولا انك ترد عليه بالشكل دا يا شهاب .. انتوا في مدرسه كان ممكن تشتكوا لمدرس او حتي تيجوا هنا للمدير وهو يتصرف "

ليقول المدير :" صح يا استاذ عصام .. عشان كدا كمان علي مفصول لمدة ثلاثة أيام"

كرار عصام اعتذاره للمدير وللفتي ليأخذ شهاب و يعودوا للمنزل ..
عند صعودهم للسياره بدا عصام في توبيخ شهاب

:" بتتنمر ع الواد دا اللي ربيتك عليه لا ولما معجبوش الكلام ورد عليك مسكته طحنته .. موديك المدرسه عشان تبقي بلطجي مش تتعلم و تبقي انسان محترم .. مش فاهم يعني انت سبت ايه لولاد الشوارع لما كل يومين تلاته تجيلي بخناقه مره في المدرسه ومره ف الشارع لا ومستقوي نفسك كمان اللي ميعجبكش مترحموش .. بس انا مش هعديهالك المرادي يا شهاب الدين "

خاف شهاب مما سمعه ليحاول الدفاع عن نفسه ..
شهاب:" يا بابا صدقني كنت بهزر مش بتنمر بس هزار تقيل شويه وهو اللي مد ايده الاول"

رغم انفعال عصام الشديد لكنه حاول ان يهدأ ليقول :" بتهزر هزار تقيل اه .. كام مره قولتلك ان دا مينفعش ها .. وانك مش ابن شوارع والتصرفات دي مرفوضه .. ليه مصمم تبقي زباله .. ليه بقي حضرتك مش بتعمل بالكلام اللي ربيتك عليه من وانت صغير .. بس تمام لو كنت فشلت فتربيتك فاحنا لسه فيها وصدقني مش هكرر غلطتي تاني "