اخوتي

6²

عندما عادو للمنزل اراد لوكا ان يخفي مراد عنهم .. ليأخذه لغرفته ..

صعد عصام خلفه ..

عصام :" اتأخرتوا ليه؟"

فزع لوكا لانه لم يكن يرا عصام..

لوكا بتوتر :" كنا بندور علي محمد و يوسف"

عصام بحده :" ممم و دا يشمل جروح مراد دي ؟"

لوكا بخوف :" اصل اصل .."

عصام :" قول الحقيقه يا عبدالملك"

تنهد لوكا ليخبر عصام كل ما حدث و طلب منه عدم التدخل ..

وافق عصام علي عدم التدخل ..

عصام :" ماشي .. روح اوضة يوسف ولما اجي هتكلم معاكم .. هاخد مراد للمستشفي عشان جرح راسه محتاج خياطه ولازم نتأكد ان مناخيره مش مكسوره "

لوكا بحرج :" حاضر .. بس هي مش مكسوره انا اتأكدت "

عصام ببتسامه :" اتأكدت ازاي ؟"

لوكا :" لما كنت في الباسكت اتعلمت لما اتخبط في وشي امسك مناخيري من العضم احركها يمين و شمال و لفوق .. لو في الم ممكن يبقي كسر او شرخ لو مفيش يبقي تعويره او الشعيرات الدموية اتفتحت بس "

بعثر عصام شعر لوكا :" شاطر يا حبيبي ماشاءالله عليك "

اخذ عصام مراد للمشفي حتي يتم خياطة الجرح ..ثم عاد و اخبر ادهم ..

ادهم بغضب و انفعال لمراد :" ازاي دا يحصل و متكلمنيش !! "

مراد بتوتر:" مكنش معايا التلفون يا بابا .. كان في الشنطه برا "

عصام :" براحه يا ادهم الزعيق مش هيحل حاجه ... عموما بلاش تروحله المدرسه .. ممكن تقدم فيهم بلاغ خليتهم في المستشفي يعملولي تقرير بالاصابات "

مراد :" لا لا بلاش "

ادهم بغضب :" هو ايه اللي بلاش !!!"

تذكر عصام كلام يوسف .. و محاولات اخفاء لوكا .. هو لا يريد ان يطاوعهم المدرسه ليست غابه والبقاء فيها للاقوي .. لكنه ايضا يتفهم كلامهم ..

عصام :" طيب روح يا مراد ارتاح شويه.. علي ما اتكلم مع بابا "

ذهب مراد بخوف ..

ادهم :" تتكلم معايا في ايه يا ابيه ! .. انت مش شايف اللي حصل "

حاول عصام تهداته و اخبره ان يترك الامر له .. ليوافق ادهم بعد الكثير من المناقشات..

عندما كان عصام متوجه لغرفة يوسف وقف امامه تيم و تيا

تيم :" كنت عايزنا يا بابا "

نظر له عصام بتذكر .. حتي تذكر ماذا كان يريد ..

عصام :" اه يا حبيبي .. اي رايكم لو كل واحد فيكم بقي ليه اوضه لوحده علي زوقه ؟"