اخوتي

3²

دخل ادهم ليجد محمود يقف وجهه للحائط ويبكي ..

اقترب منه ليحمله

ادهم:" بتعيط ليه يا ميدو "

زاد بكائه ولم يجيب

ادهم بلطف :" مش عايز تقول لعمو انت واقف كدا ليه و بتعيط ليه ؟"

نفي برأسه

ادهم :" مش عارف تكلم طيب ؟"

هز رأسه بالايجاب ...

فهم ادهم .. ذهب به للمطبخ و اجلسه علي الطاوله .. واحضر مناديل

ادهم بهدوء :" افتح بوقك و اوعي تبلع حاجه منها "

اخرج محمود الشطه من فمه و هو يبكي ..

اتي شهاب يبحث عنه عندما لم يجده في الخارج كما تركه ..

شهاب :" محمود انت رحت فين؟"

نظر له ادهم بحده وقال بهدوء :" محمود معايا يا شهاب.. سيبه شويه"

خرج شهاب من المطبخ دون رد ..

اعطي ادهم لمحمود كوب حليب بارد ليشربه .. بينما توجه هو لشهاب ..

ادهم :" انت مجنون ؟ ازاي تعاقب طفل لسه متمش ال4 سنين كدا .. اي كان غلطه انت كدا بتأذيه .. يعني انت متعرفش الشطه دي ممكن تعمل ايه في معدته يا شهاب "

شهاب :" ماهو بيكدب عليا كتير .. وكل مره اقفشه يقولي مش هيعمل كدا تاني "

ادهم بنفاذ صبر :" الطفل في السن دا يجي بالكلام يابني .. اتكلم معاه مره واتنين و تلاته .. انت اتعاقبت في السن دا ؟ لا بالرغم من ان ابيه كان قاسي و كان مش بيفكر مرتين في ضرب اي حد فينا .. طيب شوفت حد فينا عاقب ابنه قبل ما يتم ال10 سنين .. محصلش بردو عشان غلط يا حبيبي"

هداء بعدما لاحظ نظرات الندم في اعين شهاب .. ليكمل :" مش الرسول صلى الله عليه وسلم وصانا ازاي نربي ؟ .. واننا مينفعش نعاقبهم قبل 10 سنين وكمان ميبقاش ضرب مبرح يعني لا دا تعليمي بس .. روح صالحه يا شهاب ومتعملش كدا تاني "

شهاب بندم :" كلامك صح .. حاضر"

دخل شهاب المطبخ لمحمود ليجده يلعب بالكوب الفارغ وهو يجلس على الطاوله و يحرك قدميه في الهواء ..

جلس علي الكرسي امامه لينظر له محمود بخوف ..

شهاب :" بابي اسف يا روحي متزعلش مني "

محمود ببكاء :" بابي مش بيحب ميدو عشان كدا وجعه "

شهاب :" بابي بيحب ميدو و بيموت فيه و روحه فداه كمان .. بس بابي زعل من ميدو عشان مش بيقوله الحقيقه "

محمود :" انا اسف مش ببقي قاصد اني مش اقول الحقيقه بس ببقي مش عايز بابي يزعل مني "

شهاب :" لما تقولي الحقيقه اي كانت هي ايه مش هزعل منك يا قلبي وبعدين ليه بتعمل حاجه تزعلني اصلا .. مش انت شاطر و كبير"