اخوتي

15²

بعد خروجهم من مكتب شريف وقف لوكا مع أصدقائه..

لم يحرجه عصام و تركه .. حتي اتت عائلتهم ..

عصام :" يلا يا لوكا لازم نمشي "

لوكا :" لا قولتلك هفضل مع اصحابي "

عصام محاولا السيطره على انفعاله :" يلا يا عبدالملك قبل ما ازعلك "

لوكا بصوت عالي :" ملكش دعوه بيا.. اصلا انا مكنتش هكلمك .. سيب..."

لم يكمل كلامه بسبب صفع عصام له..

عصام بحده :" هعد لحد 3 مكنتش في العربيه .. هقدم لصحابك دول عرض "

خرج لوكا بغضب ركب السيارة و اغلق الباب بعنف ..

عصام :" يعني انت غلطان و بجح .. بتسرق ليه فهمني .. يعني احنا معانا اللي يخليك تشتري مصنع كريستال وعمر ما اتقالك علي حاجه لا .. ايدك اللي عايزه القطع دي بتتمد علي حاجه مش بتاعتها ليه "

لم يجيبه لوكا .. ليتذكر عصام ياسر وهم صغار عندما سرق بقالة جارهم ..

سرح في افكاره حتي عاد للمنزل..

صعد لياسر وهو يسحب لوكا .. فتح له الباب محمد ..

عصام :" ابوك هنا ؟ .. انزل ليوسف طيب "

اكمل بعد ان هز محمد رأسه بالموافقه ..

دخل ليستقبله ياسر ... وجد وجه عبدالملك احمر وبه علامات الصفع ..

واتت خلفه نسمه ..

عصام :" بقولك يا نسمه فريده عايزاكي لو تقدي تروحيلها دلوقتي"

فهمت من الوضع انه يريدها ان ترحل .. لتوافق دون استفسار..

بعد نزولها .. ياسر :" ايه اللي حصل و مين ضربك علي وشك يا لوكا "

حكي له عصام كل شئ ..

غضب ياسر :" ليه كدا هو انا حارمك من حاجه يا عبدالملك.. دا حتي مش بقولك لا علي حاجه ابدا "

لوكا :" يوووه اسطوانة حارمك ومش حارمك .. مين قال اني روحت اعمل كدا عشان محتاج .. دا كنا بنلعب عادي يعني "

كان عصام في اخر مراحل غضبه من كلامه .. ليقف :" انا نازل "

تركهم ورحل دون سماع رد..

خلع ياسر حزامه :" انت فاكر ان دي لعبه وهزار .. انت كدا حرامي عارف يعني ايه "

امسكه ياسر و القاه علي الاريكه .. كان يحاول ان يسيطر علي غضبه .. بينما لوكا بدأ يخاف ..

لوكا :" لا انا مسرقتش حاجه عشان ابقي حرامي .. انا كنت معاهم بس "

ياسر :" كونك ساعدهم علي حاجه زي دي تبقي زيهم .. و بعدين انت لو كنت متمسكتش كنت خدت من اللي هما سرقوه"

امسك قدم لوكا و وضعها علي الطاوله يخلع حزائه تحت مقاومة لوكا ..

اكمل ياسر :" كأنك متعرفش ان السرقه حرام .. ولا ان اللي عملته دا يدمر مستقبلك .. ولو كانت مشيت محضر كان زمانك في الاحداث مع المتشردين .. بس دي مش غلطتك ... انا اللي اتساهلت في تربيتك "