اخوتي

10²

خرج يوسف من الحمام بعد ان انتهي من بكائه..

عادوا للمنزل ليصعد لغرفته و اغلق بابها بالمفتاح ..

نام علي سريره ليبكي بألم .. هو مصدوم من والده .. لم يتوقع ان يفعل ذلك .. ان يضعه في هذا الموقف ..

اعتاد عقابه لكنه اصبح يحرجه .. فالأمر لم يعد بينهم ..

لا يستطيع تخطي نظرات فريقه له .. وكلما اغمض عينه يرا نظرات الشفقه في اعين مدربه..

وضع الوساده فوق رأسه ليبكي بصوت عالي .. بكي حتي انقطعت انفاسه و ازرق وجهه ..

طرق محمد علي الباب ولكن لم يجد رد .. حاول فتحه ليجده مغلق بالمفتاح ..

اتصل بيوسف .. اجابه لكن لم يتحدث..

محمد :" انت كويس ؟ ... طمني عليك بس "

اغلق في وجهه وارسل له انه بخير .. لينام بعدها وسط دموعه ..

محمد يعرف ان ما حدث لن يمر علي خير مع يوسف ..

لانه دائما مكان يرسم شخصية الكبير المسيطر علي كل الأمور امام الجميع.. وهذا تم تدميره اليوم و الجميع نظر له انه معنف .. فما حدث لا يستدعي هذا العقاب .. هو تشاجر مع زميله كعادة الاولاد ليس أكثر ..

بينما امامه هو و عبدالملك كان يوصل لهم انه و والده اصدقاء وان عصام متفهم و يتحدث معه ولا يقسوا عليه ابدا .. امس اثبت عصام لهم الجانب الذي كان يحاول يوسف اخفاءه دائما ..

هو الان يشعر ان صديقه قد كسر عينه .. فلا يستطيع النظر في وجوههم مجددا..

في هذا الوقت اتصل عصام بطبيبه النفسي انور ..

عصام :" السلام عليكم ازيك يا دكتور"

د. انور :" الحمدلله بخير .. بقالك كتير مكلمتنيش ربنا يستر " انهي كلامه بمزاح ..

توتر عصام :" عايز معاد معاك ضروري "

سكت انور قليلا يفكر :" ممكن بكرا الساعه 2 مثلا ؟"

عصام :" لا حاول النهارده معلش "

د. انور :" تعال دلوقتي طيب عندي ساعه فاضيه قبل اول معاد النهارده "

عصام :" تمام .. مسافة السكه "

ذهب عصام له سريعا..

بعد ان استقبله د. انور .. حكي عصام ما حدث له ..

د. انور :" انت كنت غضبان من حاجه .. يوسف ذنبه ايه ؟ .. مش كنا اتفقنا اننا نفصل بين الامور "

عصام :" مقدرتش .. تفكيري فيهم خلاني مشوش بجد ..و بعدين الموقف فكرني بمواقف كتير لشهاب فدا خلاني اتعصب اكتر اني شايف شهاب دلوقتي فاسد وانا مش عايزه يبقي زيه .. وكمان شكله وهو واقف قدامهم دايقني اكتر حسيته جايب لنفسه الاهانه "