اخوتي

8

بعد انتهاء اختباره خرج لينتظر عصام حتي يعيده للمنزل ..

تأخر قليلا ليتصل ادهم عليه .. ليخبره عصام انه في الطريق لينتظر  ..

كان عصام يشعر بتأنيب الضمير .. كلام ياسر و امهم عالق في ذهنه .. جعله غير قادر على النوم يومها ..

ادهم صغير ولن يحتمل .. هو لا يرا سبب مقنع لغضبه و لمخاصمتهم لكنه قرر ان يصالحه فمهما كان هو اخيه الصغير ..

لم يكن عصام يهمل ادهم .. لكنه كان يريد ان يرا اخر هذا الخصام .. لم يكن ليتركه اراده ان يتكلم من نفسه ان ينفعل ان يعلي صوته اي شئ لكن يقول ما يشعر به مثل اخوته .. لكنه طال الصمت وهذا سيزيد حزن ادهم .. وصعوبة حل المشكله لذا قرار التدخل و التحدث هو اولا

احضر له قهوته المفضله ودوناتس .. وهذا ما جعله يتأخر عليه .. وذهب اليه

عصام بعد ان اعطاه ما احضره :" عملت ايه في الامتحان يا ادهومي "

ترك ادهم العلبه بجانبه ولم يمسها :" كويس"

عصام :" انا اخدت اجازه من الشغل النهارده عشان نخرج سوا .. انت بقالك كتير مخرجتش"

لم يسمع رد من ادهم ليقود نحو مطعمه المفضل ..

عصام:" اكيد جعان وانا كمان بصراحه يلا ننزل ناكل "

كان ادهم لا يريد الجلوس مع عصام ... كانت افكاره تهاجمه يريد ان يتركه ويرحل لكنه لا يستطيع..

كره انه مجبر علي الجلوس معه .. شعر عصام بذلك.. اخرج بعض المال و وضعه علي الطاوله هو لم يحرم ادهم من المصروف لكنه خاف ان يخرج ادهم مبكرا من الامتحان و يرحل ..

عصام :" لو عايز تقوم تمشي روح .. بس انا عايز اتكلم معاك "

نظر ادهم للمال ثم لعصام ولم يتحرك ..
ابتسم عصام ليطلب لهم الطعام ..

صمت عصام كثيرا ليتحدث بعدها بهدوء :" انت مختار تسكت مع ان دا الاختيار الغلط .. تعال واجهني اتخانق معايا قولي اني ظلمك اني قسيت عليك .. اتكلم معايا يا ادهم .. حاسس بالظلم ساكت ليه .. عايز تقول ايه بتفكر في اني ظالم ؟ اني بفرق بينكم صح ؟ ازاي اضربك و في نفس اليوم اسيب شهاب مش كدا ؟ .. فكرت انا عملت كدا ليه ؟ اكيد لا .. طيب جربت تسالني ! مكنش زمنا في الموقف دا .. انت فاكر لما تسكت هحس بالذنب بقي وضميري هيموتني .. اه دا هيحصل عشان انا اخوك و وجعك يوجعني انما تفتكر الدنيا هتعمل معاك كدا ؟ .. لو مخدش حقك بايدك ولو مسمعتش الدنيا صوتك هتدوس عليك يا ادهم .. كل ما هتسكت اكتر كل ما هتتظلم .. انا مش هبرر ليه مضربتش شهاب .. بس هبرر لك ليه ضربتك انت "

صمت بعدها عصام يرتب افكاره .. فما سيقوله ثقيل علي قلبه ..

عصام بنبره مهزوزه :" فاكر لما ابوك مات .. معتقدش كان عندك 4 سنين وقتها .. عمامك دفنونا مع ابوك وحتي الزياره استخسروها فينا .. خوالك اتخلوا عنا بالصراحه كدا كل واحد قال مليش فيه مش ولادي و مربيش حد وظروف الحياه صعبه .. بقيت انا شايل مسؤلية البيت وانتوا كمان .. طفل 16 سنه شايل مسؤليه 3 اطفال غيره .. كنت مش عارف اشكي لمين لا خال ولا عم .. واتكلم مع ماما هشيلها الهم واحسسها اني مش قد المسؤولية.. ولا اتكلم مع ياسر وهو طفل اصغر مني بسنين..الدنيا سكتتني غصب يا ادهم .. كنا هنموت بجد .. جي ايام كنا بنموت من الجوع و ايام من الوحده .. اللي خلانا نقدر اني اخدكم في حضني وكبرنا سوا .. عارف مكنش عندي رفاهية اني اعيط .. انا مش قاسي عليك .. انا محدش حن عليا ..
ضربتك ليه وعملت كدا مش هقولك كنت خايف عليك لا كنت مرعوب ..."