اخوتي

22

عندما وصل عصام للشركه صعد مع اخرين لنفس السبب .. واثناء حديثهم رن هاتفه تجاهله..

ليرن مجددا و مجددا ظل يرن حتي
اخرجه عصام ليصمت للحظه فياسر يتصل به !!

خرج من الغرفه ليجيبه ..

ياسر بندفاع :" ابيه انا كويس .. انا مكنتش علي الطياره "

عصام بعدم استيعاب :" اومال انت فين !"

ياسر :" انا في تركيا نزلنا ترانزيت هناك و الطياره فاتتنا بعديها "

لم يكن يعرف عصام هل يبكي ام يضحك :" ارجع طيب يا ياسر "

ياسر :" حاجزت رجوع خلاص هبقي عندك الفجر"

عاد عصام للمنزل وهو شارد الفكر..

كان شهاب نام من كثرة بكائه.. و حمزه استأذن ورحل لمنزله ..

عندما راه ادهم وقف واقترب منه :" بابا انا اسف "

عصام :" انا مش بابا يا ادهم .. و مفيش حاجه تعتذرلي عليها .. دي حياتك و انت حر "

صمت عصام ثم اكمل قبل رد ادهم :" ياسر بخير .. شويه ويجي هو و مراته .. اللي فهمته منه ان الطياره فاتته "

كاد عصام يذهب لغرفته .. لكن ادهم لحقه و وقف امامه ..

ادهم :" يا بابا متتخلاش عني .. انت عارف اننا ملناش غير بعض .. انا غلطان مش مره ولا اتنين .. انا غلطان كتير.. وقولت كلام استحق تموتني عليه .. بس بس ارجوك متسبنيش "

عصام:" انا مسبتكش .. انت اللي اختارت يا ادهم "

بكي ادهم وامسك يد عصام :" يا بابا حضرتك بتيجي عليا بجد وعارف اني هرجعلك واني عمري ما هخرج عن طوعك .. عصام انت مش اخويا .. انت ابويا بجد وانت عارف دا .. ارضي عني مليش غيرك " انهي كلامه وهو يقبل يد عصام..

نظر له عصام بهدوء :" انا مش عايز ازعلك .. بس اللي انت بتطلبه دا صعب عليا اقبله .. قبلت ساعة ياسر عشان كان في طفل مستقبله هيضيع .. انما دلوقتي مفيش حاجه تجبرنا علي كدا "

ادهم :" انا فاهم يا بابا بس مقدرش اسيبها بعد ما وعدتها "

عصام بهدوء :" زي ما انت مش هترجع في كلامك انا مش هرجع في كلامي .. اعمل اللي يريحك بعيد عني يا ادهم .. انا مش بظلمك اهو .. انا بديك مطلق الحريه انك تتصرف و تخرج من تحت رقابتي .. انا تعبت من الجدال معاكم .. لا هو مش جدال دي حرب .. وانا استنفذت للاخر "

ادهم :" يا بابا انت كدا بتخيرني بينك و بينها .. ودا مش عدل .. انت ابويا وهي حبيبتي مفيش مقارنه "

عصام بنفاذ صبر :" مش بخيرك يا ادهم مش بنيلك .. اعمل اللي يريحك انا تعبت .. اتجوزها بكره ولا سيبها ميفرقنيش .. انا مش هشيل همك ولا اعرف مصلحتك اكتر منك "

دخل عصام غرفته .. و جلس ادهم علي الارض امام الغرفه يبكي ..

نام ادهم من البكاء.. محتار كيف يتصرف..