اخوتي

1²

يجلس ادهم علي الارض يساعد تيا و تيام و نور علي كتابة واجباتهم المنزليه وهم يجلسون علي مكاتبهم الصغيره حتي اتي محمود يجري نحوهم و هو يضحك ..

فتح ادهم يده ليستقبله في احضانه ويقبل وجهه ..

ادهم بضحك :" عملت مصيبة ايه عشان تجري كدا "

ظهر شهاب خلفه ملابسه مبلله .. و يظهر علي وجهه ملامح الالم

شهاب بصراخ :" اخر مره هحذرك يا محمود من دلق المياه علي الارض "

انفجر ادهم من الضحك :" خلاص يا شهاب ميقصدش .. مش انت متقصدش يا ميدو "

محمود ببراءه :" ايوه يا عمو مقصدش "

تركهم شهاب و هو يهسهس بالكلام ورحل ..

ليأتي مراد بهدوء :" بابا انا خلصت واجباتي .. ممكن تراجع معايا حل الماث ؟"

ادهم :" تعال جنبي يا حبيبي "

امسك كتبه ليقراء المسائل.. ثم راجع حلول مراد ..

ادهم :" بص كله صح معادا دي .. راجع كدا هتلاقي انك معوض غلط .. في خطوة الضرب .. راجع الناتج و صحح الباقي "

حاول مراد اصلاحها عدة مرات لكنه لم يستطيع ..

مراد :" ممكن استخدم الاله الحاسبه.. مش عارف اضربهم بصراحه صعب اوي اضرب 58*19 "

ادهم :" مينفعش نبدل دماغنا بالاله يا حبيبي .. جرب بالورقه والقلم لحد ما توصل "

امسك ورقه و قلم خرجين و حولها لمسألة جمع .. كتب 58+19

ادهم :" اجمع الناتج بقي 19 مره "

اتي ياسر ليرا ماذا يفعلون .. اقترب من مراد ليقبل رأسه ..

ياسر :" 19*58=1102 يا ميمو"

اكمل موجها كلامه لادهم :" حرام عليك الواد .. انا محاسب و كل شغلي ارقام و ساعات بستخدم اله عادي متبقاش كدا "

ادهم :" انا عارف ان مراد شاطر وهيعرف يحلها بدماغه .. عموما هو بيستخدمها براحته بس لما نبقي بنذاكر يفضل يعني يستخدم دماغه فاهمني "

ياسر :" طبعا مراد اشطر كتكوت "

دخل الجميع لينام فهم لديهم عمل و مدارس في الصباح الباكر ..

كانوا جميع الاولاد في مدرسه واحده لذا كانت حافلة المدرسه تمر عليهم في الصباح و ترجعهم المنزل بعد انتهاء اليوم الدراسي ...

في المدرسه وفي وقت الراحه ..

كان مراد يجلس مع صديقه يتناولون طعامهم ..

اتي فتيان لمراد ..

الفتي الاول :" ايه دا ابو اربع عيون مش قاعد مع باقي القطيع بتاعه ليه "

الثاني :" يمكن زهقوا منه .. نيرد" انهي كلامه بضحك

لم يرد عليهم مراد ..