اخوتي

20²

خرج عصام بأسرته مع احمد و اسرته في مطعم بحديقه ..

بعد تناول الطعام والتعرف علي بعض ذهبوا ليلعبوا قليلا ..

كان يوسف و تيم و تيا مع اولاد احمد وهم ..
عائشه في الصف الثالث الثانوي و جمال بعمر يوسف بينما عمر اكبر من تيم بعامين ..

جلست تيا علي الارجوحه .. اتي لها عمر ..

عمر :" ما كفايه قومي بقي عايزها "

تيا :" العب باي حاجه تانيه انا مش هقوم "

اوقف عمر الارجوحه :" انزلي عايزها و زهقت"

صرخت تيا :" لااا .. ابعد بقي"

عمر :" متصرخيش انا معملتلكيش حاجه .. عايز العب شويه"

اقترب تيم بعد ان كان يجلس مع يوسف وجمال يتحدثون عن الدراسه بشكل عام..

تيم :" في ايه .. عايز ايه منها يا عمر ؟"

حكي عمر ما حدث.. ليرد عليه تيم بسخافه ..
غضب عمر ليشتم تيم .. لينقض عليه تيم ليضربه ..

اقترب منهم يوسف و جمال سريعا ليفصلوا بينهم ..

يوسف بحده :" ابعد عنه ياتيم حالا"

جمال :" سيبه يا عمر "

ليبدأ تيم في الصراخ بان عمر هو من بدأ ..

اتي عصام و احمد علي صوتهم .. ليجدو تيم وعمر شكلهم مبعثر اثر ضربهم لبعض ..

امسك عصام اذن تيم  :" حصل ايه ؟"

ليسحبه يوسف من يد والده وهو ينظر لعمر بحقد وغضب ..

تحولت نظراته سريعا لشفقه .. لانه عندما وصل لهم احمد حاول عمر الاختباء خلف جمال ..

لكنه سحبه من شعره ليصفعه علي وجهه :" انا مش قولت مش عايز مشكله ؟"

امتلأت اعين عمر بالدموع من احراجه :" انا معملتش حاجه "

ليقول يوسف سريعا :" محصلش حاجه يا عمو دول بيلعبوا عادي "

احمد بحده :" اعتذر لهم "

احمرت اعين عمر و هربت دمعه منه :" اسف"

شعر يوسف بالغضب الشديد وكاد ان ينفجر في تيم .. فهو يعلم شعور عمر الان جيداً..

فقد عاني منه مع والده لسنين .. كان يحرجه و يظلمه امام اولاد اعمامه .. حتي كبر وتشجع ليتكلم معه وطلب منه ان يتوقف عن ذلك..

يوسف ببتسامه :" عادي يا عمور محصلش حاجه "

ليكمل موجهاً كلامه لتيم :" اعتذرله انت كمان"

نفي تيم برأسه .. لينظر له يوسف بحده اخافته .. كان يوسف يعلم ان تيم هو المخطئ .. فهو من بدأ بضربه و ايضا من رفع صوته ليجعلهم يلتفتون لهم ..

لم يتدخل عصام لانه رأي ان يوسف يتصرف بشكل صحيح ..

تيم :" اسف"