اخوتي

19²

يوسف بتردد :" معلش يا بابا.. بس ممكن لو حضرتك هتعاقب تيم تاني .. يعني انا مبقاش جزء من العقاب دا ؟"

عصام :" جزء منه ازاي ؟"

يوسف بحرج :" يعني لا امسكه ولا تضربه او تزعقله قدامي .. حتي لو هتعاقبنا احنا الاتنين زي دلوقتي.. اءء اضربني انا الاول "

عصام بستغراب:" ليه ؟؟ مش فاهم وجهة نظرك يا يويو "

يوسف :" اصل هو بيتحرج يعني و بعدين بان انه مدايق اوي النهارده .. هو يعني عموما دا حقه "

عصام :" هو ايه اللي حقه ؟ .. لا انتوا الاتنين زي بعض و الاولي اني ولا ازعقلك ولا اضربك قدامه عشان انت الكبير "

يوسف :" خلاص لو ممكن انه منبقاش قصاد بعض احنا الاتنين " 

عصام :" لا مش ممكن يا يوسف .."

قاطع كلامه اقتحام محمد للغرفه :" انت رحت فين النهارده .. سمعت انك عملت مشكله مع الواد الجديد .. "

بلع حديثه عندما وجد عصام امامه ..

محمد :" اسف معرفش ان حضرتك هنا "

ضحك عصام:" عادي تعال .. انا كنت خارج اصلا .. عندي شغل و هعدي علي تيم كدا "

يوسف :" تمام "

خرج عصام.. ليتجه محمد ليجلس بجوار يوسف..

احتضنه يوسف لينفجر في البكاء .. لم يتحدث ولم يسأله محمد عن شئ ..

توقف عن البكاء ليحاول الوقوف لغسل وجهه .. لكن عندما رأى محمد قدمه منعه ..

محمد :" خليك هجيبلك مياه و مناديل واجي"

احضرهم و ساعده .. ثم جلس يتحدث معه في أمور عشوائية..

دخل عصام غرفة تيم ليجد تيا تجلس بجواره ..

توترت تيا :"اءء .. انا .. كنت"

عصام :" انا كنت هجيبك اصلا .. اللي حصل دا مش هيعدي كدا.. ومتفتكروش انه عشان زعقت شويه يبقي خلاص .."

قاطعه تيم :" بس انت مزعقتش شويه بس يا بابا.. واصلا الموضوع كله ميستحقش كل اللي بتعمله دا "

عصام بحده:" اتأدب وانت بتتكلم معايا عشان مزعلكش يا تيم "

تيا :" هو قاصده ان حضرتك ضربته يعني مش زعقتله بس "

عصام :" لو اللي حصل دا اتكرر تاني منكم انتوا الاتنين ..  و لو اتكلمت معايا بالاسلوب دا يا تيم تاني صدقني رد فعلي ساعتها هيفاجأك ومش هيعجبك خالص "

لم يجيبه تيم و نظر بعيد .. لتقول تيا:" لا يا بابا مش هيحصل حاضر "

عصام بحده :" روح ليوسف واعتذرله انك دخلته في الخناقه دي وانه اتعاقب بسببك "

تيم بندفاع :" كنت تقدر متضربوش علي فكرا .. مش بعد ما ضربته بالشكل دا تقول انه بسببي "

تمالك اعصابه حتي لا يضرب تيم مجددا :" روحي اوضتك يا تيا " قالها بنبره ارعبتهم هم الاثنين ...