اخوتي

11

تحدث ادهم مع عصام لكنه رفض تدخله .. ليبقي الوضع كما هو ..

كان ادهم يعطي شهاب هاتفه القديم ليكلم اصحابه او يتصفحه قليلا.. و يأخذه قبل عودة عصام ..

كان عصام يعلم لكنه يتجاهل مواجهتهم ..

ذهبوا لخطبة نسمه من ابوها و اعمامها .. وتمت الإجراءات وعادت معهم في غضون 10 يام .. وانتهي بذلك كل الخوف و المشاكل الخاصه بهم ..

اراد عصام ان يتزوج .. ليبدأ في البحث عن عروس جيده ..

قبل بدء العام الدراسي الجديد جلس ادهم مع عصام .. ليخبره ان شهاب يجب ان يكمل تعليمه ..

كان ادهم سحب ملف شهاب من مدرسته الاعداديه و قدم له في مدرسة الثانوية العامة.. بدون علم عصام ..

لانه لن يسمح ان يفوت شهاب العام الدراسي...

ادهم بتوتر :" بابا .. الدراسه الاسبوع اللي جاي "

عصام بعدم اهتمام :" اه عارف .. ربنا معاك يا ادهوم"

ادهم بتوتر  :" بابا شهاب لازم يكمل .. حرام تقعده عشان غلطه يعني واتعاقب عليها من ابيه ياسر ومن حضرتك الاجازه كلها "

نظر عصام له بحده :" مش قولتلك قبل كدا متدخلش في الموضوع دا "

ارتعب ادهم و سيطر عليه خوف من ردت فعل عصام :" لو سمحت يا بابا هو اخويا الصغير بردو .. وليا حق اني اتكلم عنه .. و كمان انا .. انا قدمتله في المدرسه .. وكنت عايز اقولك بس خوفت ترفض "

عصام بهدوء محاولا السيطرة على نفسه :" انت سحبت ورقه و قدمته !!!؟ .. وجاي تقولي ليه مانت خلاص اتصرفت " انهي كلامه بسخريه وصوت عالي ..

ليكمل بحده :" انت ازاي تتصرف من دماغك يا ادهم "

ادهم بخوف :" يا بابا افهمني .. حرام السنه تضيع عليه.. هو غلطان وبجد يستحق كل حاجه تحصله لكن دا مستقبله .. وهو شاطر في المدرسه و بينجح بدرجات حلوه .. مش عشان عمل غلط ندمر مستقبله"

عصام بنبره ارعبت ادهم :" مش انت اللي تحدد يستحق ولا ميستحقش .. ادخل اوضتك يا ادهم "  ذهب ليدخل خلفه عصام و يغلق الباب ..

كان شهاب يستمع لهم من خلف باب غرفته.. خاف علي ادهم من رد فعل عصام.. فيبدو انه لن يتجاهل ما يحدث ..
لم يسمع شهاب بعد اغلاق الباب شئ

قطع تفكيره صوت ضربه تليها صراخ ادهم من غرفته
واستمر صوت الضربات لمده .. لم يعرف شهاب ماذا يفعل.. ليدخل لفاطمة يستنجد بها ..

شهاب برعب :" ماما .. ماما معلش تعالي الحقي .. بابا بيضرب ادهم بقاله شويه .. بجد صوتهم صعب جدا "

فاطمه بنعاس :" ايه اللي حصل طيب "

شهاب :" كان بيقوله اني لازم اكمل تعليم وانه سحب ملفي وقدمه في المدرسه الجديدة"