اخوتي

5²

في الصباح عندما خرج عصام من غرفة يوسف .. وجد ياسر ينام علي الاريكه امام الباب ...

ابتسم بخفه ليقظه ...

استيقظ ياسر بألم في ظهره و رقبته من وضعية نومه السيئه ..

ياسر :" محمد عامل ايه"

عصام بضحك :" طب قول صباح الخير الاول .. عموما هو كويس متقلقش .. مكلتوش يعني "

ضحك ياسر بحرج :" صباح الخير يا بابا... عارف .. بس قلبي واجعني عليه "

حكي له عصام ما حدث لتذهب مخاوف ياسر بعيدا ..

علي الفطار

كان محمد يخاصم ياسر ... و ياسر يحاول فتح حديث مع عبدالملك..

انفجر محمد في البكاء .. لانه شعر ان ياسر يتجاهله .. فهو لم يهتم بانه يخاصمه ..

استأذن ورحل لغرفته .. لاحظت نسمه ..
بينما ارتدي ياسر ملابس عمله كان سيذهب ..

لكن نسمه اوقفته وطلبت ان تتحدث معه في غرفتهم ..

نسمه :" ياسر انت اتكلمت مع محمد من امبارح .. ولا سبت عصام يضربه و مطنشه من ساعتها .. ادخل كلم ابنك و راضيه"

ياسر :" هو غلطان اراضيه ليه .. المفروض يجي هو يعتذرلي "

نسمه :" متبقاش جاحد و قاسي كدا .. انت شايف عصام من الصبح عمال يكلم ابنه ويهزر معاه .. وانت حتي مقولتش لمحمد صباح الخير "

ياسر :" انا مش بحب المقارنات يا نسمه .. هتقعدي تقرنيني بحد .. هنمشي من البيت .. ولو مش عاجبك اسلوبي خدي ولادك وشوفيلك مكان تروحي فيه .. انا نازل "

صدمة نسمه من رد فعله .. لتذهب لعصام .. وجدته يركب سيارته متوجه للعمل .. لتنده عليه ..

نسمه :" عصام ممكن دقيقه لو سمحت "

كان ياسر رحل و لم يراها ..

عاد معها .. لتحكي له ما قاله ياسر ..
لم يكن عصام يعلم بما حدث مع عبدالملك ..
وعدها انه سيتكلم مع ياسر و يرا ما به ..

ارتدي يوسف ملابس المدرسه ليمر علي محمد لينزلوا سويا

وجده نائم يبكي علي سريره ولم يستعد ..

يوسف بهتمام :" مالك يا ميدو .. بتعيط ليه .. وبعدين ملبستش ليه كدا الباص هيفوتنا و بابا مشي خلاص مش هيوصلنا "

محمد وسط بكائه :" مش هروح النهارده.. "

اقترب منه يوسف ليقيس حرارته :" انت تعبان ولا ايه"

محمد :" مش عايز اروح مش قادر " انهي كلامه ببكاء شديد

فهم يوسف انه لا طاقه له :" طيب قوم البس وتعالي مش هنروح" انهي كلامه بغمزه

ذهبوا مع الباص ولكن لم يدخلوا المدرسه .. وخرجوا لمطعم ثم ذهبوا للمشي علي النيل ..

سمعوا صوت سياره من خلفهم توقفهم .. كان ياسر ذاهب لحضور اجتماع في شركه غير شركته ..
اشار لهم ان يصعدوا ..