اخوتي

18

عندما استيقظ ادهم .. اتصل على عصام .. وحكي له كل شئ ..

عصام :" ايه اللي انت عملته دا يا ادهم .. انت اتجننت .. مش انت اللي دائما كنت رافض اسلوبي دا .. ازاي يعني تضربه كدا بالغباوه دي ... يعني هو دلوقتي اعتبرك صاحبه و اخوه و ابوه كمان .. هربان مني و من اسلوبي معاه .. تغلبني انت بقي تعنفه بالشكل المجنون دا .. لا وهو اصلا مش متعود لا منك علي كدا ولا حتي في العادي متعود علي الضرب دا مني .. غلطان طبعا ولو انا موجود كنت اتغابيت عليه .. بس مش انت اللي تعمل كدا لا"

شعر ادهم بالندم قليلا ليبرر:" يعني اسيبه يعمل المصيبه دي و اسكت .. خوفت عليه يا بابا و بجد دا كل اللي جي في بالي اعمله "

عصام :" خوفت عليه تقوم اذيه اكتر مما كان هو هيعمل في نفسه ..  اللي جي في بالك تعمله اللي انت رافضه صح برافو عليك .. يعني انت قعدت سنين تقولي ان دا مش حل واني غلطان في طريقتي معاكم .. عشان انت في اول موقف جد ليك تعمل اكتر مني .. طيب علي الاقل هو متعود مني علي الضرب .. انما انت معوده علي الكلام و المشاركه .. شوف هتحلها ازاي يا ادهم وانا ولا اكني عرفت حاجه "

ادهم بتوتر :" طيب اعمل ايه يا بابا .. اصلح الموقف ازاي "

عصام :" كنت انا عرفت اصلاح مواقفي معاكم ياحبيبي .. اتكلم معاه و قوله انت ليه عملت كدا و وصله قد ايه انت خايف عليه و متعملش كدا تاني يا ادهم "

اغلق ادهم مع عصام وهو يفكر كيف يصالح شهاب ...

ذهب ليحضر لهم الطعام .. ثم دخل لشهاب يقظه ..

ادهم بحنيه :" شهاب .. شهوبي .. قوم يا حبيبي عشان ناكل "

فتح شهاب عينه لينظر لادهم بخوف :" مش قادر  يا ادهم .. سيبني انام شويه"

توتر ادهم من منادة شهاب له باسمه .. فهو كان يفعل نفس الشئ مع عصام عندما يغضب منه .. يناديه باخي بدلا عن ابي...

ادهم بتوتر خفيف :" طيب اصحي و هجيبلك الاكل هنا .. ناكل سوا "

اعتدل شهاب في جلسته لتظهر ملامح الالم علي وجهه ..

ليكمل ادهم :"  قوم صلي الظهر عشان هيفوتك كدا "

كاد شهاب ان يعترض لانه متعب لكن نظرة ادهم الحده جعلته يتراجع و يقوم ..

شعر ادهم بالندم وتأنيب الضمير .. لكنه لم يتكلم ..

خرج ليحضر الطعام ... وجلس يطعم شهاب بيده .. وشهاب عينه مليئه بالدموع ..

عندما انتهوا نظر ادهم للارض :" شهاب انا اسف .. انا اتصرفت غلط بجد .. ومكنش ينفع اعمل كدا .. اول واخر مره صدقني "

اشاح شهاب بنظره بعيدا عن ادهم كان صوته متحشرج يرفض الخروج :" قولتلك اني بحبك اكتر من ابيه عصام عشان انت مش بتقسي عليا و بقيت اقولك يا بابا بداله كمان .. بس انت مقدرتش دا .. انا عارف اني غلطان ومش هبرر لنفسي لا اللي عملته غلط و كبير .. بس كنت عشمان فيك .. عموما انت صح و مغلطش في حاجه .. هو بس مفيش الفرق اللي انا كنت فكره بينك و بين ابيه"