اخوتي

10

عندما عاد عصام عزم علي ان يتكلم مع ياسر ان ما فعله خطئ وان لا يعاقبهم بهذا الشكل مجددا ..

دخل ليجد ياسر يجلس مع نسمه و فاطمه يتحدثون ولوكا يلعب امامهم..

حمل لوكا ليلعب معه وجلس بجوارهم ..

عصام :" ابوكي كلمني يا نسمه عشان تروحي عنده"

نسمه :" بس انا مش عايزه اروح خالص .. خايفه من عبدلله وعلي "

عصام :" اتكلمت معاهم .. روحي و متخافيش .. بس هتسيبي لوكا هنا "

وافقت نسمه بتردد .. لكن لا مفر ..

صعدت بلوكا حتي تنيمه .. و فاطمة دخلت غرفتها .. ليقف عصام ذاهبا خلفها ..

عصام :" ياسر لو سمحت استناني في اوضتي"

ياسر :" حاضر"

دخل عصام لفاطمه :" هو الجميل بيتجاهلني ولا ايه .. يعني من ساعة ما جينا من عند خالتي كريمه وحضرتك مش بتكلميني .. حتي لما جيت دلوقتي سكتي "

فاطمه دون ان تنظر اليه :" عايز ايه ياعصام .. روح شوف شغلك "

ابتسم عصام:" لا دا بجد بقي .. بقي انا اقدر ازعل القمر دا بردو "

فاطمه :" شوف الواد بياخدني في دوكه ازاي .. لا انا زعلانه منك .. مش راضي تشوفلك بنت حلال .. عايزه اشوف عيالك قبل ما اموت يا عصام" كانت فاطمه تتمني ان يعجب عصام باحدي بنات اخواتها لكنه لم يهتم حتي بالنظر اليهم

عصام:" حاضر يا امي .. بس متضغطيش عليا في الموضوع دا "

فاطمة :" ربنا يريح بالك يا حبيبي و يسعدك "

ابتسم عصام ليرحل لغرفته ...

دخل ليجد ياسر ينتظره ...
عصام بهدوء وتشتت :" انا اسف .. عمري مكان قصدي اهمشك او اخليهم مش بيحترموك .. بس انا مكنتش عايزك تشيل اللي انا شايله .. اتمني انك تسامحني .. وبجد انا ندمان اني عملت كدا .. كان المفروض انت تكبر معايا و نشيل المسؤلية سوا .. عشان انت قدها و بجد عمرك ما خيبت ظني فيك .. حتي دلوقتي بعد كل اللي حصل دا انت اتصرفت صح .. "

ابتسم ياسر :" الفات خلص .. وانا مش زعلان منك يا بابا .. ودلوقتي اشيل معاك المسؤليه و ابقي في ظهرك في اي وقت .. انا اللي اسف عشان عليت صوتي الصبح وانفعلت عليك "

مسح عصام علي رأس ياسر بهدوء و طبطب علي كتفه ...

عصام :" بس كان عندي تعليق صغير .. الطريقه اللي عاقبتهم بيها دي .. مش احسن حاجه عشان هما رجاله وكدا فاهمني يعني .. فمعلش حاول متستخدمهاش "

تحمحم ياسر :" حاضر هحاول .. وكمان هحاول معاقبهمش اصلا غير لما ارجعلك "

ابتسم عصام برضا ..

ذهب ياسر لشقته .. اما عصام فتوجه لشهاب ..

دخل دون ان يطرق الباب .. ليجده يتحدث مع صديقه علي الهاتف ..