اخوتي

14²

بعد عدة ايام ..

اتي لعصام والد احدي زميلات يوسف في المدرسه يتهمه بانه تحرش بابنته عدة مرات..

لم يصدقه عصام حتي واجه يوسف..

عصام :" والد ندي اللي معاك في الفصل جالي النهارده يشتكي منك "

تغير وجه يوسف و توتر :" يشتكي مني ليه "

عصام بهدوء مخيف :" بيقول انك حاولت كذا مره تتحرش ببنته و انك اصلا بدايقها و جايب رقمها وكدا"

يوسف بتوتر :" لا يا بابا هو مش كدا .. انا هفهمك "

عصام حافظ علي نبرة صوته:" اومال ازاي .. انا سامعك اهو "

يوسف بتوتر لا يعلم ماذا يقول .. هل يخبر والده انه يريد الارتباط بها ولكنها ترفضه .. ام ماذا يفعل ..

يوسف بخوف :" بص هو انا مش بتحرش بيها .. انا برخم عليها بس عشان عايزها تكلمني وكدا .. وهي بردو مش راضيه .. و رقمها جبته من جروب المدرسه .. يعني مش دورت عليه هو مع الناس كلها عادي "

عصام بحده :" وانت عايزها ترد عليك ليه "

فريده :" عادي يمكن عايز يبقوا اصحاب "

عصام بهدوء :" مينفعش صحوبيه في السن دا بين ولد وبنت ..وانت عارف انه حرام يا يويو .. اخر تحذير ليك لو اشتكالي منك تاني هتتعاقب .. اتفقنا ؟"

يوسف براحه :" حاضر يا بابا "

في المساء توجه عصام لغرفة شهاب ..

عصام :" انا كنت هبعتك مكان بعيد تتعالج فيه .. بس عشان نفسيتك عامل مهم بردو للعلاج خلاص مش هبعدك "

شهاب بتوتر :" شكرا يا بابا .. اوعدك هتعالج بجد مش هستهبل "

عصام :" هتروح لدكتور معتز .. دا معرفتي هتقعد معاه في البيت هو عايش لوحده .. اسبوع ولا اتنين كدا لحد ما حالك يتعدل و تقدر تكمل في البيت هنا "

شهاب :" مينفعش اخليني هنا و هو يجيلي كل يومين مثلا .. مش هقدر ابعد عنكم بجد "

تنهد عصام :" لا مينفعش .. هنقولهم في البيت هنا انك مسافر مؤتمر .. و انا هاجي ازورك يوميا "

احتضنه شهاب :" انا كلي مشاكل ومش بجيبلك غير القرف .. عارف انك اتحملتني كتير .."

قطع عصام كلامه:" انت ابني و اخويا ياشهوبي ومبيزعلنيش غير اني ببقي عايزك احسن وحياتك كويسه "

قبل شهاب يده ليبتسم عصام :" يلا حضر حاجتك عشان هتروح من النهارده "

شهاب :" حاضر "

مرت الايام ونسي يوسف تحذير والده ليكلم ندي مجددا ..
هذه المره ذهبت ندي مع والدها .. لتتكلم مع عصام و فتحت له هاتفها ليرا الرسائل التي يرسلها لها يوسف ..

صدم عصام فهي بها تهديدات واضحه بانه سيفعل بها اشياء سيئه ان لم توافق علي الارتباط به .. و الفاظ خارجه وشتائم .. وايضا محاولات للاتصال بها لكنها لم تجيب عليهم ابدا