اخوتي

12²

عندما انتهي عصام من تيم توجه لغرفة يوسف.. دخل ليجده يدرس ..

عصام :" عايز مساعده في حاجه ؟"

يوسف :" لا شكرا .. انا براجع بس "

اقترب منه عصام ليحتضنه .. لم يبادله يوسف ..

حمله عصام و جلس على السرير ليصبح يوسف نائم بحضنه ..

توتر عصام و نزلت دموعه :" انت عارف اني كنت فاكر ان الحضن دا عشانك وان انت اللي محتاجه .. بس طلعت غلطان .. اليومين دول اتأكدت فيهم ان فعلا انا محتاج الحضن دا اكتر منك يمكن .. انا اسف يا يوسف متزعلش مني .. شوف ايه يرضيك بجد و انا اعمله "

لان يوسف قليلا :" مش زعلان .. ومش عايز حاجه " بادل والده العناق

عصام ببتسامه :" كبرت وبقيت لما اقولك اطلب اللي عايزه يبقي مفيش "

يوسف :" عشان مش حارمني من حاجه"

شعر عصام بألم في قلبه .. قبل رأس يوسف عدة مرات..

عصام :" مالك طيب يا حبيبي حابس نفسك في الاوضه "

يوسف :" بذاكر يا بابا "

عصام:" زمان .. اتخانقت انا وادهم و ضربته .. ساعتها قعدنا متخاصمين كام يوم وكان حابس نفسه بردو .. في الاخر موصلناش لحل بالعكس المشاكل كبرت ما بينا اكتر "

يوسف :" عارف "

عصام :" عارف منين ؟ .. وبردو كان قصدك ايه بمتخافش انا مش زيه دي ؟ تقصد مين اصلا "

يوسف :" اقصد عمي ادهم واني مش زيه يعني مش هعمل اللي هو عمله "

تمالك عصام اعصابه :" وانت عرفت منين اللي هو عمله ؟"

يوسف:" سمعت عمي ياسر وهو بيتكلم معاه .. بس هما ماشفونيش  .. مكنتش اقصد"

تنهد عصام:" قولنا ايه عن التنصت يا يوسف "

يوسف :" مش تصنت هو صدقني.. كانوا قاعدين في الصاله عادي "

عصام بهدوء :" لقيتهم بيتكلموا يا تمشي يا تدخل ويشفوك .. مش اول مره نقول الكلام دا"

يوسف :" اه مش اول مره "

كان عصام يقاوم رغبته في التعليق عليه .. هو يصالحه لا يريد اغضابه اكثر .. الوقت غير مناسب لتوبيخه ..

عصام :" متعملش كدا تاني طيب"

يوسف بضحك :" ماسك نفسك صح .. عايز تزعقلي"

ضحك عصام:" بصراحه اه "

دفن يوسف وجهه في صدر والده ليبكي بهدوء ..
شعر عصام ببل قميصه .. ليشد العناق عليه ..

يوسف بصوت مكتوم :" انا مش زعلان منك يا بابا ولا عمري اعترضت علي اي حاجه حضرتك قولتها او عملتها فيا .. وشايف انك بتربيني بالطريقه اللي شايفها صح ..بس انا صعبان عليا نفسي .. النظره اللي بصولي بيها صعبه عليا اتقبلها .. والطريقه اللي الكابتن شاف بيها علاقتنا مزعلاني .. احنا اصحاب و اللي بينا مش بس اب وابنه .. ليه بقي يشفونا علاقتنا وحشه ببعض "