اخوتي

16²

في الصباح جلس عصام ينتظر استيقاظ يوسف .. كان مرهق و يشعر بالتعب والوهن ..

افاق يوسف .. ليطمئن سريعا علي صحة والده ..

يوسف :" صباح الخير يا بابا.. عامل ايه دلوقتي "

عصام :" بخير الحمدلله .. معلش يا حبيبي خضيتك امبارح "

احتضنه يوسف:" لا متقلقش المهم انك بخير"

ابتسم عصام:" انت طيب كويس .. وريني لاكون اذيتك امبارح "

يوسف بحرج :" لا ماذتنيش المعلقه كانت برده اصلا .. انا كويس "

عصام :" متعملش كدا تاني يا يوسف .. عشان حرام يا حبيبي تقول كلام زي دا او تقرب من بنت بالشكل دا .. وكمان عشان خطر عليك وهي فعلا تقدر تأذيك بالشات دا "

تفهم يوسف خوف والده ليقبل يده :" حاضر يا بابا "

ابتسم عصام ومسح على رأسه ..

عصام بجدية :" في حاجه كمان .. اي موضوع ان تيم جاله استدعاء ورحت انت دا ؟"

تلعثم يوسف ثم تمالك نفسه :" اللي حصل انه من اسبوعين ضرب ولد بينهم مشاكل يعني بس اللي اتقال انه اتنمر عليه .. و بعدين عشان هو كان مش مركز حاول يغش .. ولما اتمسك راح للمدير .. ساعتها المدير اكتفي بحرمانه من درجات السلوك و الامتحانات .. وكان هيكلم حضرتك .. ف يعني روحت انا و من ساعتها وانا بذاكرله و مش بسيبه في المدرسه غير اثناء الحصص .. واتكلمت معاه و فهمته أن كدا غلط يعني "

تنهد عصام:" كان لازم تبلغني يا يوسف حتي لو مش عايزني ادخل .. عموما الموضوع مش هيعدي كدا بس لما افوق شويه"

يوسف بتوتر:" ربنا يتم شفاك علي خير يا بابا"

ابتسم عصام ورحل ليجهز نفسه للعمل ..

بينما يوسف ارتدي ملابس مدرسه وعقله مشغول بكيف عرف والده امر تيم ..

لم يذهب لوكا معهم للمدرسه بسبب انه لا يستطيع المشي بشكل جيد ..

ولم يخبرهم سبب عقابه .. اصر عليه محمد ان يعرف قبل نومهم .. ليخبره وجعله يقسم انه لن يخبر يوسف او مراد

في الباص ..

مراد :" بابا قالي اخلي حوار الشغل دا من اول الشهر "

مؤمن:" طيب هنعمل ايه كدا .. مصروفنا مش هيكفي "

محمد :" هما كانوا اسبوعين و كنا هنقسمهم .. دلوقتي حتي لو كلنا حطينا مصروفنا كله مش هيكفي "

يوسف :' مصروفنا احنا الخمسه هيبقي في حدود الفين وشويه .. ممكن بقي نقول الباقي اتخصم بسبب اي غلطه عملها مثلا "

محمد :" لا مينفعش .. مش عايزين اي حاجه توصله انه يقوله وديني الشغل او كلملي المدير "

مؤمن :" نشوف حد نستلف منه طيب ونبقي نردله الشهر الجاي "