اخوتي

21²

اغلق شهاب عيادته وباع الشقه التي كانت بها .. ثم غير رقم هاتفه ..

شهاب :" اختاري انتِ مكان العياده يا اميره .. و شوفي هتحتاجي واحده معاكي تساعدك ولا ايه "

اميره:" اي رايك نشوف حاجه جنب البيت ؟ .. في ممرض كويس هتفق معاه يبقي المساعد بتاعك و انا هبقي السكرتيرة وخلاص كدا "

شهاب :" تمام .. هكلم سمسار يشوف لنا عياده قريبه "

بينما سافر عصام لعمله .. وترك تيم و تيا مع يوسف وحدهم ..

لان والد فريده اصيب في حادث و ذهبت له

رفض تيم الذهاب معها بحجة أنه يريد قضاء الإجازة مع اصدقائه ليبقي معه تيا و يوسف ..

مطمأنين انهم في بيت العائلة يتناولون الطعام سويا ..

كانوا يذهبون للتمارين سويا و يعودوا للمنزل متفرقين مع اصدقائهم ..

في يوم عاد يوسف مع محمد لكن لم يجد تيم في المنزل .. انتظره حتي العشاء لكنه لم يأتي

حاول الاتصال به عدة مرات ولكنه لا يجيب .. اتصل علي تيا ولم تجيبه هي ايضا ..

علي العشاء

ياسر :" فين تيم وتيا ؟"

يوسف :" بيتعشوا مع اصحابهم "

ادهم :" انت عارف مكانهم يعني ؟"

يوسف:" اه يا عمو متقلقش .. شويه وجايين انا كلمتهم من نصايه كدا"

كان محمد يعلم انه يكذب لكنه لم يتدخل ..

انتهي العشاء ويوسف سيفقد اعصابه .. هو لا يعلم ان اخبرهم ان تيم وتيا خرجوا بدون علمه ماذا سيكون رد فعلهم ..

وايضا خائف من تأخرهم او ان يصيبهم مكروه وهو لا يعرف اين هم .. اعاد الاتصال علي تيا لتجيبه هذه المره ..

يوسف :" انتوا فين ؟"

تيا :" خلاص دخلين علي البيت اهو ..احنا في اول الشارع"

يوسف بهدوء :" تمام "

خرج انتظرهم أمام المنزل في الشارع حتي لا يقابلهم احد غيره ..

دخلوا للمنزل وكان يوسف لا يعلم ماذا يفعل متوتر وغاضب وخائف..

بغرفته :" والله ما في خروج من باب البيت تاني لحد ما بابا يرجع .. عشان تروحوا من غير ما اعرف وكمان مش بتردوا علي اتصالاتي "

تيم :" مسمعناش التلفون .. وبعدين متكبرش الموضوع كدا .. مش جينا و قبل ما الوقت يتأخر خلاص محصلش حاجه يعني"

انفعل يوسف:" تمااام انا هقول لابوك ونشوف حصل حاجه ولا لا "

تيا :" خلاص يا يوسف احنا اسفين بجد بعد كدا هنقولك الاول"

يوسف :" مفيش اسف .. حتي انتي يا تيا مردتيش عليا .. رحوا ناموا عشان انا عايز انام"

تيم :" بس احنا جعانين .. في باقي من العشا ؟"