اخوتي

25

فاق ادهم ليجد نفسه في المستشفي .. شعر بالغضب قليلا فهو كان يريد الموت ..

وجد بجانبه ياسر يضع كرسي بجوار السرير ويمسك يده التي بها غرز الخياطه

و شهاب يجلس علي الاريكه المقابله للسرير و يبكي ..

ادهم بهدوء سحب يده من ياسر .. ليرفع الاخر عينه باتجاهه..

ياسر :" الحمدلله على سلامتك يا حبيبي .. ينفع تخضنا عليك كدا "

كدا ادهم ان يتكلم ليشعر بالم في فمه ..

ياسر بستحياء :" براحه يا حبيبي عشان شفتك فيها غرزتين "

تحامل ادهم علي نفسه ليتحدث :" مين جابني هنا !"

ياسر بتوتر :" انا يا ادهم .. لقيتك اتأخرت في الحمام دخلتلك لقيتك غرقان في دمك "

ابتسم ادهم بسخرية:" ياريتك كنت اتأخرت شويه كان زماني متت "

ياسر :" بعد الشر عنك .. "

قاطعه طرق علي الباب تابعه دخول الطبيب و عصام ..

الدكتور :" حمدلله علي السلامه لولا انهم جابوك في الوقت المناسب مكناش لحقنا ننقذك ... اسف بس في شبهه جنائية لان في علامات علي جسمك و وشك .. فانا عملت محضر بيهم و تقرير طبي كامل واترفع للشرطه .. وهما في الطريق عشان ياخدو اقوالك .. اتمني انك متخافش من حاجه وتقول الحقيقه انت هنا تحت حماية المستشفى والشرطه كمان هتوفرلك الحمايه اللازمه" انهي كلامه وهو ينظر لاخوات ادهم .. ثم خرج

جلس عصام ولم يتحدث بكلمه .. هو ليس خائف من الشرطه او ما سيقوله ادهم .. هو سيقول لهم كل شئ بنفسه لو اضطر لذلك ..

لكنه خائف من صمت ادهم .. خائف من نتيجة فقدانه للتحكم في نفسه الذي حدث .. ادهم لن يسامحه هو حتي لا ينظر له كأنه غير موجود ...

هو الان فقط ادرك كلمات ادهم بانه سيكون خسره ...

اتت الشرطه و طلبت منهم الخروج للتحدث مع ادهم علي انفراد ..

الضابط :" دي قضية اعتداء جسدي يا ادهم .. و شروع في القتل كمان .. مين اللي عمل فيك كدا  "

ادهم بهدوء :" انا مش عايز اي قضايا .. الموضوع كله اني غلطت واخويا كان بيربيني .. انا اللي كبرت الموضوع وحاولت انتحر .. بس هو لحقني .. عشان مهونتش عليه يسبني بعيط .. اكتشف اللي انا عملته دا "

الضابط :" يعني دا عنف اسري من قبل اخوك ادي لمحاولتك للانتحار ؟"

ادهم مكرراً كلامه :" لو سمحت يا فندم انا مش بوجه اي اتهامات لاي حد .. وبكرر لحضرتك انا مش عايز اي قضايا تحت اي مسميات"

الضابط:" يا ادهم .. انت تحت حمايتنا متقلقش ولا تخاف من حد .. عايز اسمع منك الحقيقه .. وصدقني اللي انت عايزه هيحصل"