اخوتي

23

في الصباح خرج ادهم ليقابل ساره .. حكي لها كل شئ ..

من عقاب عصام له بعد مكالمتهم حتي شجارهم امس و تخير عصام له بينهم ..

وهو يبكي .. لتبكي هي ايضا ..

ساره بهدوء و دموعها معلقه بعينها :" مقدرش اقولك اختارني يا ادهم و افرق بينك انت واخواتك .. بالذات انه عصام فعلا اتحمل عشانك كتير اوي .. وهو اللي رباك و كبرك .. حتي لو تربيته كانت قاسيه بس هو دا اللي قدر عليه .. خليك معاه و صالحه .. واحنا ربنا يعوض علينا "

خلعت خاتمها وأعطته له لتنهمر دموعها ..

ادهم :" بس انا عايزك .. ولو هقف قدام الدنيا كلها .."

قاطعته ساره :" اقف قدام الدنيا كلها الا اهلك .. اللي ملوش خير في اهله ملوش خير في حد .. روح وانا هستناك .. حاول تكلمه تاني و تقنعه .. قرب منه اكتر .. وحتي لو موافقش علينا يبقي خلاص ملناش نصيب مع بعض "

بكي ادهم بشده ليحتضن ساره لاخر مره .. هم تمسكوا ببعض كثيرا و قابلهم الكثير من المشاكل التي واجهوها سويا .. لكن ساره لديها حق في كل كلمه قالتها ..

عاد كل واحد منهم للمنزل ..

دخل ادهم غرفة عصام دون ان يطرق الباب..

وضع امامه علي المكتب خاتم ساره و خاتمه دون ان يقول كلمه ليخرج سريعا قبل ان يتحدث عصام ...

حاول عصام اللحاق به لكنه اغلق الباب في وجهه و عندما طرق عليه لم يجيبه وحاول فتح الباب عدة مرات لكنه لم يستطيع ...

دخل لغرفته واغلق الباب بالمفتاح و جلس على الارض يبكي .. يفكر لما هذا يحدث معه ..

ظل ادهم يبكي حتي نام علي الارض وهو يتذكر اخر مره كان بها علي ارض غرفته و حوله دمائه ...

عندما استيقظ كان فاقد للرغبه في الحياه .. وكان جسده يؤلمه من الارض .. توجه للحمام لينظر في المرايا...

وجد سواد حول عينه و لونه شاحب .. ليأخذ حمام دافئ ..

ثم خرج من غرفته .. يتجنب النظر لهم .. حتي وصل لباب المنزل و هم بالنزول .. ليوقفه عصام ..

عصام بهدوء :" عايز اتكلم معاك "

ادهم :" لما اجي ان شاء الله مش هتأخر "

عصام :" رايح فين ؟"

ادهم :" نازل .. انا مش صغير عشان اديك تقرير .. قولتلك مش هتأخر وخلاص "

عصام حاول الهدوء :" مفيش نزول غير لما اعرف رايح فين يا ادهم .. وعند العيال اللي بتعمله معايا دا مش هيوصل غير لحاجه انت مش عايزها"

ادهم :" كفايه تهديد .. عشان خلاص كدا مش هيجيب معايا نتيجه تاني .. مفيش حاجه اخاف منها او عليها يا عصام "

صمت ليكمل بهدوء:" اديني اختارتك و اختارت افضل هنا ورميت حياتي و رغبتي في الزباله زي ما انت عايز .. هتعمل ايه تاني يعني .. هتضربني و ايه الجديد .. هتقعدني من شغلي .. انا اصلا هروح بكره اخد اجازه دا لو مقدمتش استقالتي .. فالو سمحت يا تسبني في حالي بقي يا تموتني دلوقتي.. بدل ما انت بيموتني بالبطئ من سنين "