جلس عصام يعمل في غرفته بمنزل امه .. لياتي شهاب طرق الباب ليدخل و يجلس بجواره ..
شهاب :" مالك يا بابا .. مش بتقعد معانا زي الاول ليه "
عصام :" ورايا شغل يا شهاب .. عايز ايه"
شهاب :" مش عايز حاجه .. انت واحشني بس " احتضنه شهاب
بادله عصام :" مش ادهم معوضك عني .. عموما يا شهاب .. اخري معاك زي اخواتك تتخرج من الجامعه .. وبعدها شيل شيلت نفسك "
شهاب بتوتر :" ولا حد يقدر في الدنيا يعوض مكانك يا بابا .. "
صمت ليكمل بضعف:" انت ابويا بجد يا عصام .. واي كان اللي حاصل احنا كلنا ملناش غيرك .. مش معني اني انا وادهم بقينا قريبين انه انت مكانتك اتحركت في قلوبنا .. انت بابا و هتفضل بابا طول عمرك "
مسح عصام علي رأس شهاب وظل صامت يفكر ..
شهاب :" انا اتولدت لقيتك ابويا .. و كبرت وانت اللي مربيني .. وعيشت في خيرك تحت ايدك .. بابا انت عارفني اكتر من نفسي .. مربيني و فاهمني .. وانا مقدرش اقول غير اني مهما روحت وجيت انا مليش غيرك "
عصام :" وانت عارف انك ابني بجد .. بس انت اللي عامل الحوارات دي .. وانا سايبك براحتك .. "
قاطعه شهاب :" مش حوارات .. بس بس انت عارف يا بابا اللي حصل في الفتره الاخيره .. انا غلطان .. كل مره بترمي في حضنك بعد كل حاجه.. لما معملتش كدا حاسس اني تهت و حياتي باظت .. انا مليش غير حضنك يحميني و يقومني ويربيني يا بابا "
عصام :" حضني مفتوحلك دائما يا شهاب "
ظل شهاب محتضنه حتي نام ...
بعد يومان ذهب له ادهم في عمله .. كان متبقي يوم و يسافر عصام مع فريده
ادهم بحماس :" عامل ايه يا بابا .. بصراحه اخدت اجازه النهارده عشان اجي اقعد معاك اليوم كله قبل ما تسافر"
عصام :" انا مشغول جدا.. بجهز الدنيا .. بس اقعد هنا طيب هخلص اللي ف ايدي و اجي نقعد سوا "
مرت ساعتين حتي انتهي عصام و اتجه إلى ادهم ..
ادهم :" تعال اعزمك علي الغذاء النهارده .. كل مره انت اللي بتعزمنا .. اجرب انا بقي " انهي كلامه بضحك ..
عصام بهدوء :" خلاص كبرت و بقي معاك تصرف براحتك و بتعرض تصرف عليا"
شعر ادهم ان عصام لا يمزح وانه غاضب ..
ادهم بصدق :" كل جنيه معايا من خيرك يا بابا .. لو مكنتش انت اللي مديهولي .. فاتت السبب في انه معايا .. "
صمت ليكمل بتوتر :" لا عاش ولا كان اللي يقل منك ولا ينكر فضلك عليه "
مسح عصام علي وجه ادهم :" هممم هتعزمني فين بقي"
فرح ادهم و تكلم بحماس:" المكان اللي تختاره .. لا لا في مطعم حلو اوي قريب من هنا .. بس تحب تاكل ايه .. "
أنت تقرأ
اخوتي
حركة (أكشن)هم اربعة اخوه توفي والدهم في حادث سياره فكيف ستكون حياتهم الجزء الاول بدأت : 29/10/2024 انتهت : 27/12/2025 الجزء الثاني بدأت : 10/1/2025 انتهت : مستمره رواية بين اللغة العربية الفصحى و العاميه المصريه
